النهارده بوست جديد خالص ومن نوع جديد خالص
النهارده بوست
مطبخ مطحون
لشهر رمضان
انا شوفت اكتر من مدونه
مالقيتش اي مدونه عامله اكله جديده لرمضان
قولت اعمل انا ليكم
حنقدم هنا
اكله جديده ممكن ناكلها في رمضان
اكله بسيطه
سريعه
غير مكلفه
تكفي الاسره كلها
تكفي سته افراد
وتؤكل فقط
مع السلاطه
بدون اصناف جانبيه
....................................
نجرب ونشوف
........................................
اسم الاكله
مكرونه بالبشاميل علي الطريقه الاسكندرانيه
دي مش اي مكرونه بشاميل
دي بطريقه جديده
ومنها تعليم الطبخ
للي مابيعرفش يطبخ
.............................
اولا المقادير
واحد كيلو مكرونه بنـّا او صوابع
ربع كيلو جلاش
نصف كيلو لبن
ثلاثه بيض بلدي او اثنين احمر
ملح
فلفل اسمر
نصف كيلو لحمه مفرومه
بصله
....................................
اولا تحضير البشاميل
يوضع اللبن كاملا في الخلاط بعد الغلي ومع البيض مع ربع معلقه صغيره ملح او حسب الرغبه ورشه فلفل اسود صغيره جدا وتضرب في الخلاط جيدا جدا
............................
ثانيا تحضير اللحم المفروم
تفرم البصله صغير جدا ويوضع عليها ملح وفلفل حسب الرغبه وتوضع عليها اللحم علي النار حتي النضج
....................................
تحضير المكرونه
تسلق المكرونه في ماء علي النار ثم تصفي ولكن بدون شطف في ماء بارد
......................
التجهيز النهائي
نحضر صنيه كبيره بس مش اوي
وتدهن بالسمن
ويوضع نصف كميه الجلاش في قعر الصنيه
يفرش طبقتين طبقتين
ويوضع فوقه نصف كميه المكرونه
ويفرش فوقها اللحم المجهز
ونضغ باقي المكرونه فوقها حتي تصبح الصنيه ذات سطح مستوي
ونضع فوقها باقي كميه الجلاش
يفرش ايضا طبقتين طبقتين
ثم تقطع الصنيه بالسكينه الحاده الي قطع حسب الرغبه
ثم نحضر البشاميل المجهز ويصب فوق الصنيه بالكامل في جميع الجوانب
......................
التسويه
نشعل الفرن علي اعلي درجه
لمده 10 دقائق
ثم نخفض درجه الحراره قليلا
ثم نضع الصنيه في الفرن
لمده نصف ساعه
او لحين النضج واحمرار وجه الصنيه
..............................
وبالهنا والشفاء
............................
سلطات توضع جنب المكرونه
................
سلطه خضروات
شرائح الفلفل مع طماطم مع جرجير وخيار واس خصروات موجوده
بشرط غسيلها جيدا
بمحلول
برمنجانات البوتاسيوم
يحضر من الصيدليه
ويوضع جرام علي اثنين ليتر ماء لغسيل الخضروات
ثم غسيلها بالماء
..........................
سلطه زبادي
اثنين زبادي كبير
اثنين حزمه بقدونس معقمه مفرومه
ربع فنجان قهوه به خل
ربع ملعقه صغيره ملح
رشه فلفل اسمر
خمس فصوص توم مفروم طازج
ويخلط كل المقادير مع بعض وتضرب بالشوكه جيدا
وتصب في اطباق
وتزين بالبقدونس البسيط فوق الطبق
........................
لكيد الان المكرونه استوت في الفرن
يبقي لازم نعمل الكاتشب الخاص بتاعنا عشان يوضع فوق المكرونه
..............................
الكاتشب الخاص
واحد كيس صلصه ابو جنيه او صلصه منزليه
معلقه صغيره سكر
معلقه صغيره ملح
قرن فلفل حامي مفروم لو عايز الكاتشب حار
حبه اي بهرات من المطبخ ما عدا الحبهان
معلقتين كبار دقيق ابيض
نصف كوب ماء
وتوضع كل المقادير بالخلاط وتضرب جيدا
ثم توضع علي النار حتي يسمك القوام
............................
علي فكره
لاتنسي اثناء التحضير
ارتداء قفازات ايد بيضاء مطاطيه
ولاتنسي ان برمنجانات البوتاسيوم سامه جدا
...........................................
الحمد الله انتهينا
ومش عايز ضحك
جرب قبل ما تعلق علي الموضوع
ومش عايز ضحك
جرب قبل ما تعلق علي الموضوع
.....................
اعداد
محمد عصفور
كرو شيف سابق بمطاعم مؤمن
سوبر فايزور سابق بمطاعم بروفيشنال بيجز
بالاستعانه بمطبخ الحاجه ام عصفور
7 comments:
يا سلام عليك يا مطحووووون
هوا دا الكلام الى باللحمة
مشكور يا مطحون
ايه الحاجات الجامدة دى طب ايه رايك تجرب تقدم برنامج طبق اليوم بس ربنا يستر ساعتها ومانلقيش بعد شهر الشعب المصرى اصيب بالتسممم
كلام جد بقى شكرا جداااا
مصطفي يحيي
ايوه ياعم ماتخفش انتا معزوم معزوم
هبه
هههههههههههههههههه
اي خدمه بس جربي وقوليلي
انا كنت عارفه الطريقه بس مش هى ديه التانيه من غير جلاش بس ماشى حنجربها وشكرا للشيف
أسأل الله لكم فى شهر رمضان حسنات تتكاثر وذنوب تتناثر وهموم تتطاير وأن يجعل بسمتكم سعادة وصمتكم عبادة وخاتمتكم شهادة ورزقكم فى زيادة...
أدعو الله أن يتقبل منا و منكم الصيام و القيام وصالح الأعمال
mai
الطريقه هيا هيا بس الفرق الجلاش وبعد التسويه حتلاقي الفرق في الطعم والمنظر
لان الجلاش يحمي المكرونه من الجفاف والحرق ويحتفظ بالقيمه الغذائيه داخل الطعام بدون اكسده
sasoo
اعزكم الله وتقبل منكم الصيام والقيام وسائر الاعمال
طبعا اهم حاجة فى رمضان الاكل اللى فيه
ههههههههههههههههههههههههههههه
Post a Comment