خلي الدماغ صاحي

وبدأت المعركه
معركه نفسيه
معركه عقليه
معركه تاريخيه
معركه جغرافيه
معركه تربويه

معركه من اشرس المعارك في الجامعات المصريه
معركه الامتحنات

قرر مجلس امم الكليه عندنا بوقف الهدنه واعاده اطلاق النار يوم الاحد 6 يناير في تمام الثانيه عشر ظهرا والنصف
ما جعل صفوف المحاربين في الطرف الاخر من طلاب البكلوريا واليسانسيه وانا واحد منهم بالاستعداد للقتال بعد هدنه كبيره
وقبل المعركه بيوم
اطلقت قوات التحالف في الكليه اشاعه مغرضه بان وقف الهدنه سيكون الساعه الحاديه عشر ونصف صباحا اي قبل موعد الحرب بساعه كامله مما اربك صفوفنا وجعلنا نرتب اوراقنا
وقد اتصل بي قائد القوات في الدفعه يستعلم مني ويأمرني بارسال سريه تجسس الي قوات التحالف لاستطلاع الامر
ومن مصادري الخاصه
علمت ان وقف الهدنه في موعده كما تحدد في جلسه مجلس امم الكليه
وان هذه اشاعه حتي ترهب صدور جيوش الطلبه في الدفعه
فبلغت رئيس قوات الدفعه بالخبر
فقال
نتغدي بيهم قبل ما يتعشوا بينا
وقالي حضر الكاتشب
المعركه جايه

واصبح جيش الطلاب في اهبه الاستعداد من الليل لمواجهه قوات المراقبين الدوليين ومشرفي لجان التموين ورؤساء الاحياء اصدي اللجانن
وفي تمام الساعه الحاديه عشر صباحا تجمعت جيوش الطلبه من انحاء الاسكندريه من شرقها ووسطها وغربها لبدا المعركه
لكن قوات مجلس امم الكليه اغلقت المعبر المؤدي الي حرم الكليه مما جعل الجنود في حاله غريبه وتجمهروا امام السفاره اليونانيه المقابله للكليه وطالبوا باللجوء الساسي لها
هههههههههههههههههههههه


وقد بدات المعركه الاولي يوم الاحد 6يناير واستغرقت المععركه مده ثلاث ساعت في عز الظهر واسفر عنها كتابه اكتر من 12 صفحه في مناهج التعليم الابتدائي وتطويرها
اونتهت المعركه بسقوط بعض القتليف ي صفوفنا بعد محاضر الغش وما شابه ربنا يحظنا والكثير من الجرحي من الجنود اثر طول الامتحان وشراسته وتم وضع هدنه جديده الي وم الثلاثاء

وفي الهدنه تقوي جيشنا بالورق المصور من الملخصات مع الاستعانه ببعض الادويه المهدئه والفيتامينات وبعض مجات الكابتشينو لدعم الجيش معنويا

وجاء اليوم الموعود للحرب الثانيه مع قوات الخليفه العباسي وامراء بني العباس وتمت بنجاح بعد الانتهاء من كتابه ورقه الاجابه كامله ونفاذ حبر القلم ونفاذ وقت المعركه مما اضطرنا الي التراجع والالتزام بالهدنه

وفي يوم الخميس الماضي كانت معركه نفسيه في ماده الصحه النفسيه
فاغلب جيشنا امسي يحضر للمعركه لكن وانا والقائد الاعلي لقوات الطلاب اثناء تفحص احوال الجنود وجدناهم يعانون حاله نفسيه رهيبه من دراستهم للامراض النفسيه واعراضها وعلاجا
مما اصابني بحاله نفسيه بحته
هذا عنده عصاب وهذا ذهان وهذا شيزوفرنيا عظمه وهذا عنده تبول لا ارادي وهذا قولون عصبي وهذا بيطبل وبيقول انا نابليون وعايز يولع روما
لقيت القائد جاتله حاله من الضحك الهستيري العالي فنظرت له وانتقلت الي حاله من اللاشعور بتاعت فرويد
واثناء المعركه تحد من يضحك ومن يهلوس ومن يهذي بكلمات غير مفهومه ونجح العدو في امراض جيشنا امراض نفسيه دفينه حتي يكسب المعركه
وكسبها

والحمد لله لقيت وقت اثناء الهدنه لكتابه هذا البوست من تحت البطنيه واللحاف الذي اتخفي بيهم ثناء نومي في معسكر المذاكره

وباذن الله بكره معركه شديده طاحنه مع قوات اوراسيا اصدي جغرافيا اوراسيا وتلوين النطاقات والتوزيعات والخرائط

وبصفتي لسه عندي ربع شغال لسه اوجه نصائح في المتين للجنود المقاتلين في شتي انحاء الكليات
* خد شاور ساخن والبس هدوم تقيله
* البس شرابين فوق بعض علي رجليك عشان البرد
* البس جوانتي في ايدك ودفي نفسك
* شوف احسن ايس طكاب عندك واضرب الخوذه
* حضر بطانيه ولحافين علي السرير
* خد مج كابتشينو دامو بالشيكولاته البيضاء الخفيفه
* نام نوم عميق حوالي 12 الي 14 ساعه
* حهز اوراق الجنديه بتاعتك ( كارنيه الكليه و لقم ازرق وقلم اسود وقلد رصاص واستيكه ومسطره )
* اتكل علي الله روح الامتحان وحارب وانت فايق مش مهم المذاكره المهم انك تكون فايق

تحياتي لكم من ارض المعسكر الابي الصامد
اسيبكم الان حتي نؤدي النشيد القومي
خلي الدماغ صاحي واوعي تنام مني
اصل انا مظبط راسي والماده هربت مني

مفأجه العيد

اولا كل عام وانتم بخير
ثانيا عيد سعيد
ثالثا
اسف علي الاهمال في المدونه والاهمال في متابعه اصحابي المدونين
رابعا انا عندي امتحانات ومذاكره

خامسا
دي قصه من مدونه اخف دم لصاحبها وكاتبها اشرف توفيق الكاتب الساخر
اهو تجديد بدل وقف الحال دا
عشان انا بحضر لبوست جامد عشان افتتح بيه المدونه رسمي في اجازه نصف العام




هل تتذكرونة انة ادهم صبرى رجل المستحيل
الان نقدمة لكم بشك جديد مختلف اختلافا تاما عما عرفنا من قبل



أدهم صبري وأزمة المياه
أدهم صبرى ضابط مخابرات مصرى جامد، داخل ع الستين من عمره، يرمز له
بالرمز ب-516 ، حرف الباء يعنى أنه من بولاق، أما الرقم 516 فده رقم الأتوبيس اللى بيركبه عشان يوصل محطة البحوث ومنها يوصل لرمسيس يغير المترو عشان ينزل محطة القبة بتاعة المخابرات.هذا لأن أدهم رجل من نوع خاص حيث أنه يجيد قيادة كل أنواع المواصلات من الطائرات والغواصات والسوبرجيت حتى التوك توك،ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية، ويجيد 66 لغة بالصلا ع النبى وفيه لغتين اتعلمهم وهوه نايم،ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة
لقد أجمع الكل ومنهم أنا أنه من المستحيل وربنا أن يجيد رجل واحد فى عمر جدى كل هذه المهارات ولذلك استحق هذا اللقب .. رجل المستحيل





ازاى الكلام ده؟؟
جلس مدير المخابرات الجديد على مكتبه وهو يتذكر ماحدث حتى الآن فى
هذا الأمر الصعب الذى تمر به مصر وما حدث من أدهم (لمزيد من التفاصيل راجع العدد السابق65467 الجزء التاسع من المغامرة بعنوان"قال عايزين يخطفوا محسن")وبعد قليل طرق أدهم الباب فأذن له بالدخول واستنشق بعض الأكسجين من الهواء فالإنسان لابد أن يستنشق الأكسجين حقيقة علميةوقال لأدهم الأمر اتأزم جدا يا ب-516،نص محافظات مصر مش لاقية تشرب مية والناس خرجت بالجراكن وعاملين ثورة اسمها ثورة الخراطيم، كل واحد جاى بالخرطوم وهيقطعنا.. والقيادة العليا بتشك فى إن ده ملعوب من المخابرات المعادية الإسـ...(لا لا مش الإسرائيلية) وكمان التقارير بتقول ان سونيا جراهام هنا
يغضب أدهم ويقول يبقى جه الوقت اللى هاقدر آخد ابنى الرضيع منها، يرد المدير رضيع إيه يا أدهم؟؟ ابنك زمانه قدى دلوقتى .. دانت سايبه فى العدد 100 ،وبعدين هما عملوا حاجة عشان انت اللى تقوم بالعملية تحديدا..يرد أدهم عااااارف عاااارف .. أكيد خطفوا قدرى .. يافندم الراجل ده اتخطف أكتر ما زور جوازات .. يرد المدير دى تذكرة الطيارة اللى هتسافر للمنصورة بعد 3 ثوانى عشان مفيش مية هناك فى نص المراكز..الحق غير هدومك وزور قرايبك ع السريع والحق الطيارة.. أخذ أدهم التذاكر وهو ينظر إليه جامد
جامد
جامد
جامد
************
!!ينفع كده؟
هبط أدهم من الطائرة فى المنصورة متنكرا فى شكل طفل فى رابعة إبتدائى وأشار إلى توك توك وهو يلاحظ السيارات التى تراقبه وفهم فورا بذكائه ازاى العصابة عرفته رغم التنكر فقد أخطأ وقال لسواق التاكسى أحلى صباح فعرفوا علطول انه أدهم عشان قال حرفين الألف والصاد المشهور بيهم..المهم رمى أدهم سواق التوك توك وتسلم مقعد القيادة وتذكر كيف أن أبوه فى الخمسينيات علمه كيف يقود التوك توك عشان يبقى أحسن ظابط مخابرات، انحرف أدهم فى حتة ضلمة وانحرفت العصابة وظهر أدهم للعصابة فخرج من السيارة 100 شخص مسلحين ولكن أدهم أخرج مسدسه أبو 6 طلقات وضرب رشاشاتهم كلهم من غير ما يجرح واحد فيهم وبعدين للأسف المسدس معدش فيه رصاص ولكن أدهم رجل المواقف الصعبة دور الضرب فى الرجالة .. ففقد 65 واحد الوعى ولكن التانين فهموا الخدعة فعملوا دايرة حول أدهم ولكن أدهم طار فى الجو ونزل عليهم كلهم .. وفى لحظة وصلت إمدادات العدو كمان200 واحد .. ولكن أدهم ضربهم كلهم برضه ووصلت الإمدادات التانية حوالى 500 واحد كمان ولكن الكثرة تغلب الشجاعة .. يعنى حوالى 800 واحد على واحد كتير برضه
وفقد أدهم الوعى أمام عدوه اللدود
الفظيع
الشنيع
المريع
************
والله ما يحصل
أفاق أدهم فوجد نفسه فى مخزن وبجانبه المحروس قدرى كالعادة مربوط..وأمامهما سونيا جراهام ست زى القمر فقال لها أدهم إيه الحلاوة دى يا سونيا؟؟ انت كل ما تكبرى تحلوى؟؟ ترد سونيا مش أحسن منك ياللى مش بتكبر أصلا!! يتمتم أدهم ياللنسااااء
ويسألها: ليه انتوا قطعتوا المية عن نص البلد والناس مش لاقية تشرب وبتشرب مية المجارى والناس مش عارفه تغسل وبيغسلوا هدومهم فى الترعة؟؟
تقول سونيا عشان الشعب يفتكر ظلما ان الحكومة بتاعتكم هيه اللى عاملة كده؟
أدهم بفضول :يعنى بجد والله الحكومة مالهاش ذنب؟
ترد سونيا : لا طبعا .. حكومتكم أحسن حكومة دلوقتى ..الشباب كلهم بيشتغلوا.. الجنيه بقى أغلى م الدولار .. الأسعار نزلت ..الانترنت بقى ببلاش فى البيوت.. ما فيش حاجة بتتباع فى البلد.. بنك القاهرة ما اتباعش ولا عمر افندى..الفضيلة انتشرت فى البلد ولغوا كل القنوات اللى بتتحدى الملل.. المية واصلة للبلد كلها والمواسير بقالها 200 سنة عشان المحافظة ع التراث.. انتوا اللى شعب غلباوى
غلباوى
غلباوى
************
ما تلمى نفسك بقى
قطع أدهم قيوده فجأة وماتسألش ازاى (آه نسينا نقول فى المقدمة انه يجيد التخلص من كل القيود فى الدنيا)وصفع سونيا جامد يعنى ولكن الحارس جه من وراه وضربه ولكن منى(اللى أصلا عندها كام وخمسين سنة) جت فجأة مش عارفين منين وضربت الحارس من وراه وأنقذت الموقف .. نظر أدهم فى عين منى وقال لها تتجوزينى؟؟ ترد منى فى حياء: ماينفعش يا أدهم عشان أنا جسمى كله واوا .. يغضب أدهم ويخرج من المكان بعد أن حرر قدرى وهوه يغنى ليك الواوا ..بوس الواوا..خللى الواوا يصح
وهو فى الطريق ينحرف الجميع إلى أقرب بيت ويطلب منه أدهم بعض الماء للشرب.. ولكن صاحب البيت الحاج بيومى يخرج بمقشة هوه وعياله ويحتجزون أدهم ورفاقه وهو يصرخ: زى ما العصابة خطفت محسن ابنى، أنا كمان هاخطفكم، وبعدين انتوا جايين تطلبوا مية ؟؟ هوه فيه مية فى البلد ياولاد الكلب
..الكلب
..الكلب
..الكلب

شكر خاص لمدونه اخف دم لصاحبها وكاتبها اشرف توفيق
وكل سنه وانت طيبين
وعقبال حجكم

نسمات

استغفر الله العظيم
ايه اللي حصل بقي
الواحد بقي مشغول حبتين .. حبتين ايه .. مشغول كتير
دراسه علي شغل علي مشاكل حياتيه
الله المستعان
ليكم مني حبه همسات

1- احنا وثقافات الشعوب
يوم الجمعه المنصرم - يعني اللي فات - كنت ماشي وراء جنازه بتاعت واحد معرفه من بحري وكان بحري يومها يعج بالسياح اللي جايين يسيحوا عندنا ايشي صينين وايشي ناس لونهم احمر المهم واحنا ماشيين كان محطه الترام قاعد علي الكرسي بتاعها ناس كتير منهم اتنين اجانب واحد وواحده شافونا وبصوا علينا قام راجل صعيدي قاعد جنبهم واقف عشان الجنازه راحوا الاجانب واقفين احتراما للجنازه قام الصعيدي رافع صباعه يتشاهد راحوا رافعين صباعهم زيه
بصراحه استغربت جدا من الموقف دا
الاجانب اللي هما علي غير ديننا احترمونا واحترموا الجنازه بينما كان هناك حبه بني ادم قاعدين جنبهم ولا هزهم منظر الجنازه ولا حتي القوا لها بالا
بصيت لهم كده وقولت فين الاحساس قام رادد عليا واحد ماشي جنبي احساس مين ياعم الحاج الناس دي ماتت من زمان يابا
ماتت واندفنت بالحيا
قالي بص كده عليهم
ادي واحد شعره ابيض بس شكله شب ايه اللي شيبه اكيد لا لاقي جوزار ولا شغل
دا ميت ولا لا
وادي واحده قاعده لابسه اسود اكيد جوزها مات وموتها معاه تلاقيها دايخه علي المعاش من يوم ما مات
دي ميته ولا لا
وادي واحد نايم علي الرصيف اكيد اكيد بيته وقع وقالوا له تعالي خدلك شقه ومن ساعتها مستني الشقه
دا ميت ولا لا
يابا احنا متونا من زمان علي الاقل اللي جوا دا مات واستريح راح للي حيرحمه اما احنا متنا وقاعدين مع اللي ما بيرحمش
ربنا يرحمنا جميعا دخلنا ميدان المساجد بابو العباس ( الفاتحه ) عشان نصلي الجنازه في العصر وكان هناك سياح كتير واكترهم لما شافوا الجنازه اخدو جنب ووقفوا بدون اي حراك لغايه لما الجنازه مشيت
شألأت المرشد السايحي بتاع الفوج قالي دول واقفين احتراما للجنازه
وتشوف الناس جنبهم المصريين ولا اكن هناك شئ يذكر
اكيد الاختلاف بين الثقافات شئ مهم في تباين الحضارات والتقدم
ليه احنا كده مافيش دم خالص انعدم ولا ايه ؟
آل مصر بتتقدم بينا آل
انا عايز اعرف مصر حتتقدم بمين بالضبط
يابلد ماتت مين يصحيكي
فين ولادك فين عيالك فين شهيد سينا الحبيب
مين يضحي بدمه عشان ماتهون عليه امه
...................................

2-انك ميت وانهم ميتون
يوم الاحد المنصرم الطبيعي بتاعي بصي الصبح بدري جدا جدا الساعه 6 يعني يضوب بنام نص ساعه بعد الفجر اقوم واخد الدش بتاعي والبس هدومي واخد اخواتي البناتيت واتكل علي الله اوديهم مدارسهم اللي في ثالثه اعدادي واللي في رابعه ابتدائي واللي رايحه شغلها مدرسه حضانه مع انها مهندسه زهور وزينه واروح انا علي مدرستي اروح علي التربيه العملي لثالث سنه ليا في نفس المدرسه نشوف الطابور العسل العيال الصغيرين شكلهم يجنن علي الصبح وبعدها نقعد انا واصحابي نناكف في الموجهه عشان طريقه التحضير والكلام دا وعلي الساعه 10 كده جالي تليفون موبايل لقيت مكتوب عبدالله عصفور قولت ياربي الواد دا مايصحاش بدري كده الا لما يكون مصيبه حصلت رديت عليه وقولت خير انشاء الله قام قالي محمد ابن عمك مات قولتله محمد مين قالي محمد اللي في ثانويه عامه ... لا حول ولا قوه الا بالله العلي العظيم .. فعلا انك ميت وانهم ميتون .... مات ازاي دا يابني بيقولي وقع من البلكونه وهوا بيعدل حاجه في الحيطه بتاعتها وانتهت المكالمه
فعلا الموت ليس له سن او جنس او لون
ولا لسه بدري و لا انت صغير ولا عيش حياتك
الموت مالوش كبير الا ربك
وبعدها بكام يوم لقيت ابويا الحاج عصفور عمال يزعق ويشتمني !!!!!!! الله ايه اللي حصل دي عمرها ما حصل قبل كده لقيت امي جايا جري عليا تقولي انزل ربنا يهديك قولت لها حاضر ونزلت ... اصلي كنت واقف علي كرسي في البلكونه بركب وصله نت لاحد الجيران في الراوتر عندي
ربنا يباركلي فيهم قولو امين
ربنا اغفر لمحمد واعفو عنه وتجاوز عن سيئاته وزد في حسناته قولوا امين
..................................
3- العالم ولاد الـ...........
اسف علي التعبير السابق بس دا اخف تعبير يمكن ان يقال علي المتخلفين عقليا اللي اسمهم حرس الجامعه بعد اللي عملوه مع الطلاب في كليتي الاداب والتربيه اليومين اللي فاتو
لما تدخل الحرم الجامعي اسمه ايه يا شباب حرم جامعي
يفتشك ويفتش اللي جايبينك ويشتمك ويلعن سلسفيل اللي جابوك
تبقي تعرف انك في احدي جامعات مصر العريقه منارات العلم والحضاره في العالم
جامعه الاسكندريه اللي هيا اقدم جامعات العالم القديم والحديث
علي باب كليات الرقي الفكري والنمو التربوي كليتي التربيه والاداب
اعرف انك
حتتفتش حتتفتش
كنت ولد او بنت او حتي مخنث
حتتفتش حتتفتش
معاك شنطه او اسكتش
حتتفتش حتتفتش
في باب كليه الاداب الضابط ابن الـ .............. عايز يفتش واحد والواحد دا رفض قام ضربه علي وشه وكسر له النظاره
في باب كليه التربيه الضابط ابن الـ................. عايز يفتش واحد والواحد دا رفض قام طرده ومنعه من دخول المحاضره
والاتنين الضباط الحلوين دول ليهم حق لان الطلاب الاتنين خطر علي الامن القومي ويحملون سلاح رهيب وفتاك
انه الاسكتش او كشكول المحاضرات
عايز يفتش الاسكتش ورقه ورقه
يبقي ايه دا
ليكم التعليق !!!!!!!!!!!!!!!!!!!!!!!!!ء
.................................
4-اجتماع مدوني الاسكندريه
مدوني الاسكندريه اللي كنت اعرفهم وحسبهم دول كل مدوني الاسكندريه لقيت ان هناك مدونين اوعي وشك ناس فكر عالي جدا وراقي جدا مهندسين واطباء واساتذه جامعه ايه الحلاوه دي دا هو الاجتماع الصح للناس الصح
يعني صح الصح
احترام ايه وتبادل افكار ايه وذوق ايه وادب ايه
حسيت وانا قاعد معاهم اني قاعد في مجلس الامه لنناقش احوال البلد وننافش احوالنا حسيت ان الخير لسه موجود والناس الطيبه موجوده
بجد سعدت بلقائهم جدا وياريت يتكرر
.................................
5- قدر الله وما شاء فعل
ههههههههههههههههههههههههههههههههههههههههه
هذا ما قلته بعدما نزلت من المشروع في ميامي وحطيت ايدي في جيبي عشان اروح اجيب كارت شحن للتليفون
مالقيت ولا مليم ولا احمر ولا حتي اخضر
فين الفلوس انا كان معايا حوالي حاجه و عشرين جني
ياربي انا ركبت المشروع من سيدي بشر ودفعت ربع جني وحطيت باقي الفوس في الجيب
طب ايه العمل ماعيش فلوس اروح ولا فلوس اتكلم في تليفون وحتي الرصيد نفد وكمان الخيبه رسايل كلمني شكرا مافيهاش غير رساله واحده واللي انا مستنيه اتأخر عليا
قولت الرب واحد والعمر واحد
وبعت الرساله الاخيره دي للي انا مستنيه وقولت امري لله
واستنيي ولاحياه لمن تنادي
اعمل ايه ياربي بيتي بعيد جدا عن ميامي ولو مشيت لغايه البيت يبقي حوصل علي بعد بكره
فجأه لقيت تليفوني يعمل فايبريشن قولت الحمد لله فرجت ومسكت التليفون بايدي ثابته ونفس واثقه مما تفعل وضغطت بقوه علي زر الرد واذا بي اقول السلام عليكم الووووووووووووووووووووووو
ولكن لاحياه لمن تنادي
الشبكه مشغوله
فقدت الامل في البشر ووشوشت نفسي اكيد الامل في ربنا
بصيت في السما وقولت يارب ونزلت راسي لقيت اللي انا كنت مستنيه قدامي بيقولي بخ
بصراحه كنت حقتله بس حمدت ربنا انه جي وخلصنا مشوارنا وروحت طبعا علي حسابه
ذلك فضل الله يؤتيه من يشاء والله ذوالفضل العظيم
.................................
6- IF
قاعده ايف بالعربي

ايف يو ونت بي هابي .... يو ماست صلي علي النبي

ركز ولاحظ

هناك عدد من الاختلافات بين الصورتين
اكتب الاختلافات اللي تقدر عليه

تسلم الاجابات في موعد اقصاه
لما ربك يسهل

استطلاع هلال رمضان

بعد غد باذن الله تعالي
الموافق السبت
سيتم استطلاع هلال شهر رمضان في مجمع نظري
هذا ما اعلنه بعض الطلاب في المجمع
وسيتم استطلاع الهلال من اكثر من مكان
جبلايه تربيه وارض عايده وشارع القبط وملعب اداب ووسعايه علوم
علي ان يبدأ الصيام باذن الله من اول شهر عشره
وقال مصدر مسؤل في كليه الحقوق انهم لن يستطلعوا الهلال هذا العام
لظروف خارجه عن الاراده

وقد اعلن اغلب شباب المجمع تمسكهم بالفتوي الصادره عن مفتي ديار الجامعه بحرمه زياره المجمع في شهر رمضان وانه لكبيره واثم عظيم الا من كان يزوره لضروره ملحه

فيما اعلن لسان حال اغلب صبايا المجمع ان شهر رمضان لم يدخل بعد
وانه من فطر صائماً كان له مثل أجره غير أنه لا ينقص من أجر الصائم شئ

ياخونا الحديث مش يقصد الفطار في نهار رمضان ولكن لاحياه لمن تنادي

وقد فقد اغلب شباب كليها لتربيه صيامهم اثناء سحب حافظه المصاريف السنا دي وذلك لشتمهم موظف شئون الطلاب نتيجه ارتفاع مصارييف الكليه الي 165.5 جنيه مصري لاغير بعدما كانوا يدفعون 125.5 العام الماضي واللي يسبقه و 47.5 في العام الذي قبله

اما طلاب اتحاد كليه الاداب فقد جن اكثرهم نتيجه الصايم

اما في كليه تربيه فقد جنت لوحات الاتحاد ايضا من الصيام فاصبحت في كل مكان تحاصر الطلاب

.......................................................................
هذه الاهترائات والهرتلات من مجمع نظري اعاده الله علينا باليمن والبركات
سؤال اخير
هل رمضان دخل ولا لسه ؟
وكل سنه وانتم طيبين

من مشاركات الاصدقاء في المدونه

اصحابي يحبوا يشاركوا معايا في المدونه

ودي من استاذ كريزي

اسم البوست

انا احب النحو

...................

مع الاعتذار لسيبويه والخليل بن احمد
وكل علماء النحو الافاضل
اعرب الكلمات الاتية :
الحكومة : فاعل لافعال مش معقولة
المرتب : لا مضاف ولا بيضاف اليه ولاحتي جنيه
الفلوس : مفعول لاجله , وولاجله بيتعمل كتير وعشانه رقاب تطير
الموظف : مفعول بيه ولا شئ بيديه , مكسورة رقبته وعنيه
الاتوبيس العام : اسم مكان , الداخل والخارج منه بأمان انكتبله عمر ماكان في الحسبان
التأمين الصحي : اسم هيئة , في الهبل سايئة
شعارها لقهر المرض لو حسيت بصداع حبتين اديها اسبرين
لو وجعك جنبك اليمين اديها اسبرين
لو سنانك مسوسين ابلعك اسبرين
لو عنيك مدخششيين ادعكهم اسبرين
لو مرارتك تعباك يفقعها الاسبرين
من ديوان : مئة استخدام للاسبرين
تأليف : السيد الاستاذ الدكتور اللواء اركان حرب رئيس قسم كل حاجة / وزير الصحة

الاستخراج :
ممنوع من الصرف: الجنيه ويصرفوه بس ليه والدولار بقه بسبعة منه يا بيه
حال جمله : نفسه في شقة يلاقيها من غير مشقة وده حال الشباب في عصرنا الهباب
مستثنى و وضح المستثنى منه :الحرامية الكبار , مستثنى من الفقر ومأساة الاسعار
خبر كان : كان ياما كان الماء في كل مكان اصبح الان في خبر كان وبنشتريه بالفلوس كمان وعجبي علي ده زمان
هات المطلوب امام كل عبارة :
مرادف ( قصده معناها بلاش فضايح) اللحمة :
- هي بروتين يشبه الفول , بسعر مش معقول , ومنها البوفتيك والكوفتة وما نعرفه بالرائحة عقبال الاحباب المدعو كباب
(التليفزيون) ضعها في جمله مفيدة لو تقدر
- شاهدت في التليفزيون .....!!!!!
لازم مفيده يعني!!!!

.......................

ومشاركه اخري

من استاذه ساسو

.........................

يوميّات اتنين مخطوبين
السلسلة الكاملـة
الجزء الأول

الي الجزء الخامس

سوف تنشر قريبا

انا نجحت يا جدعان

انا نجحت يابنو آدم

عايز كل اللي يدخل هنا يسيب
هديته
مش اي هديه
هديه من الفاخر

عفوا ً لقد نفذ النت

_[Photo] _تحت مسمى انخفاض الأسعار (خدعة يعني) قام الجهاز القومي لتنظيم الاتصالات (عفواً لتبويظ الاتصالات) بالموافقة على خفض تكلفة الانترنت سرعة 256 إلى 45 بدلاً من 95 شهرياً بداية من شهر سبتمبر....يااااااااه مبروووووووك .. ايه الحلاوة دياستني يا عم ..المفاجآت لسه جاااية مع تخيير المواطن ما بين انه يحمّل 2 جيجا في الشهر أو يقعد عدد ساعات معين ( كأنه في سايبر يعني )و ينطبق ذلك على جميع السرعات ماعدا سرعة 2 ميجا (أم 760 جنيه في الشهر)انتهى الخبرطبعا في ناس فرحانة .. تعالوا نحسبها و نعرف ايه اللي حصل كنت بتقعد ب 95 جنيه براحتك طول الشهر يعني تنزل مش اتنين جيجا إنما عشرين جيجا يعني السعر نزل النص و الاستخدام نزل العشر :)و الاسم انخفاض اسعار - تسهيل للمواطنين - نشر الانترنت - القضاء على الوصلات و السرقةو أنا باسميهاانخفاض الذمة - انعدام الضمير - سرقة علني - زيادة الوصلات أنا شخصيا ادفع 30 جنيه في نت مركزي و اشتغل براحتي طول الشهر ان شاء الله لو هيقطع كل شوية بدل ما آجي أدخل في مرة ألاقي رسالةعفواً لقد نفذ النت .. يرجى إعادة شحن البطاقةاللي فوق ده بانر يا ريت تنشروه و تحطوه عندكم عشان نفضحهم و يمكن يكون وسيلة ضغطو عمار يا مصر _تحديـــــــــــــــــــــــــــــــــــــث_وصلتني رسالة على الايميلفرحت جدا لما شفتها و عرفت ان في ناس كتير عاقلة و بتشتغلده نص الرسالةحملة معــــــــــــــــــــــــــــــــــــــــا ضد الاستغلال
قف ضد الاحتكار وقول لا لمره واحده فى حياتك ضد اسعار خدمه ايه دى اس ال صحيح
السعر سيتم تخفيضه من أول سبتمبر بنسبة 50% لكن ستحكم بعدد جيجا بايت شهريا
... للتنزيل و فترات الاتصال وهذا معناه الاحتكار لان اللى عاوز ينزل اكثر يدفع أكثرالمطلوب الآتى:أ - التهديد بإنهاء تعاقدات الاشتراكاتب - ارسال هذه الرسالة لجميع الايميلات التى تعرفهاج - من فضلك لا تكن سلبيا ولو مرة واحدة فى العمرد - الهدف من هذه الحملة عمل حالة من الرأى العام الموحد هـ - هذه الحملة أمانة فى رقبتك ولن أقول انك اذا تفاعلت معها وقمت بنشرها انك سوف تجد خير بعد أسبوع كما فى العديد من الرسائل المنتشرة.....من فضـــــــــلك لا تكتفى بنشرها......ولكن أيضا قم بارسال رسائل وشكاوى الى الايميلات التالية:إذا لم نستطع ايصال صوتنا فهم سيقومون بذلكعمرو أديب
alkaheraalyoum@orbit.netأحمد رجبa_ragab@akhbarelyom.orgبرنامج اليوم السابع7day@mbc.aeبرنامج العاشرة مساء_قناة دريم
al3ashera@dreams.tvمصطفى بكرى-جريدة الاسبوع
mostafabak@hotmail.comبرنامج 90 دقيقة -المحور90min@elmehwar.tv

2- فيك الخصام وانت الخصم والحكم.............الشكوى على موقع الجهاز القومى لتنظيم الاتصالاتhttp://www.tra.gov.eg/arabic/Complain_Add.asp?Menu=4جهاز تنظيم الاتصالاتinfo@tra.gov.egشركة Tedatahttp://tedata.net/ContactUs.htmشركة لينك دوت نت http://www.linkdsl.com/LinkDSL_Code/...dbackForm.aspxوزارة الاتصالاتhttp://www.mcit.gov.eg/ar/Contactus.aspx?x=1السيد رئيس الوزراء الدكتور احمد نظيف لترفع الشكوي الي التقرير الذي يقدم له شهرياquestions@cabinet.gov.eg
_
نص رسالة جاهز لارساله
إلي من يهمه الأمر
،،، أما بعد
أولا وقبل كل شئ نشكر سيادة وزير الوزراء الدكتور الفاضل احمد نظيف و وزير الاتصالات الدكتور طارق كامل علي اهتمامها بالبنية التحتية المعلوماتية في مصر ومجوداتهما الرائعة في سبيل تطويرها والعمل علي نموها وذلك آملا في مصر متقدمة مسايرة لنهضة العالم المتحضرترددت في الفترة القصيرة الماضية علي الساحة المعلوماتية في مصر أنباء بخصوص تخفيض أسعار خدمة الانترنت وانتظرنا ذلك التخفيض بشغف وتطلعنا إليهإلي أن فوجئنا جميعا بما أعلن من قبل وزارة الاتصالات في يوم 18 يوليو لسنة 2007 بتخفيض أسعار الانترنت إلي أكثر من 50% مع تحديد عدد ساعات الربط أو تخفيض الحد الاقصي للتحميل إلي 2 جيجاإننا مستخدمي شبكة الانترنت في مصر نعلن اعتراضنا علي هذا القرار أيا كان الدوافع المؤدية إلي إطلاق هذه المبادرةهل نسير بخطي إلي الأمام أم نرجع إلي الخلف هل نتقدم أم نتأخر في اتخاذ قراراتناإن هذا التخفيض المزعوم ماهو إلا تخفيض في الاسم فقط ولكن في مدلوله وإذا نظرنا له بنظرة أخري سنجد انه تخفيض كاذب وهذه الأسباب1-
النسبة الأكبر من مستخدمي الانترنت في مصر مشتركين بسرعة 256 ك ب /ث
2-
اثنان جيجا فقط حدا مسموحا للتحميل من الانترنت فاجئنا جميعا انه لحد ضئيل جدا
3-
هذا الحد المسموح به للتحميل سيحول مستخدمي الانترنت في مصر إلي مرتادي شأت فقط ومرتادي تصفح مواقع ليس أكثر خوفا من تخطي الحد المسموح بيه ودفع مبالغ أقل ما توصف به بأنها خيالية ( 8 جنيه للجيجا الزائدة حسب اتصالنا بمعظم مزودي الخدمة في مصر وإبلاغهم لنا بسعر الجيجا الزائد عن المسموح بيه )

4-
هل تعلمون سيادتكم أن متوسط استخدام معظم شباب مصر لايقل عن (20-30 جيجا شهريا)

5-
هل تعلمون سيادتكم أن الانترنت في مصر ليس أداة شات ولا تصفح فقط وإنما هو مقصد للتعليم ومقصد للترفيه ومقصد للمبرمجين ومصممي صفحات الوب وهذا مايحتاج إلي حد اعلي من هذا

6-
هل تعلمون أن هذا الحد المسموح بيه ( 2 جيجا ) أحبطنا جميعانحن جميعا مقدرين لسبب هذه المبادرة وذلك لردع الـ
internet connection sharing
ومن يستغلون الانترنت للكسب غير المشروع من خلال توصيل الشبكات إلي المنازل المجاورة عبر الشبكات السلكية واللا سلكيةولكن سيدي انتم هكذا لستم فقط ستردعون هؤلاء الفئة ولكنم ستردعون جميع المستخدمين أمثالنا المتضررين من تلك المبادرةبالعكس قراركم هذا فيه مصلحة شخصية لمن يسموا بكبار مؤسسي تلك الشبكات حيث أنهم سيتجهون للانترنت بسرعة 2 ميجا وستزيد نسبة توزيعهم وشبكاتهمناسف للإطالة ولكن مانطلبه هو الإبقاء علي الـ
Unlimited Internet Packages
الحالية حفظا لحقوقنا بالتمتع بخدمات الانترنت ومسايرة العصر ومواكبة تطوراته بالإضافة إلي طرح تلك المبادرة وذلك توجها لتلك الفئة من هم من مستخدمي الشبكات المحظور إنشاءها وهم بكل تأكيد سيجدون في تلك الباقة ما يسرهم لأنها أفضل بكثير لهم من استخدام الشبكات هذه بما لها من عيوب جمةنرجو سرعه التوضيح وتعديل القرار,,, شكرا لكم لرحابة صدركم_تحديــــــــــــــــــثالحملة الإليكترونية لمناهضة القيود الجديدة على خطوط الانترنت فائق السرعة في مصرhttp://www.mesh-gayeb.com/_موقع الحملة الشعبية لرفض اتفاقية الانترنت الفائق السرعة الجديده
http://netegypt.ch/
نقلا من مدونه مش انا

رسالة إلي فرعون مصر

قصيده
لــ
عم
أحمد فؤاد نجم

نظرا لأن النعمة فاقت حدها

ولأننا مش قدها

ولأن فعلا انجازاتك

فوق طاقتنا نعدها

ولأننا غرقنا في جمايل

مستحيل حنردها

نستحلفك ....... نسترحمك

نستعطفك .......نستكرمك

ترحمنا من طلعة جنابك حبتين

عايزين نجرب خلقة تانية

ولو يومين

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك حضرتك

دا شعب فقرى مايستحقش جنتك

أنا عارفه شعب ماينفعوش

إلا شارون وبلير وبوش

عايز يجرب الامتهان

ويعيش عميل للأمريكان

بيمد "غازه" لإسرائيل

ويومين كمان ويمد نيل

أهو يعنى نشرب ميه واحدة

ندوب في بعض

ماء وماء وماء

ونفض سيرة الانتماء

وبلاها نعرة وطنطنة

تبقى البلاد "مستوطنة "

(متسلطنة بالسرطنة)

إيه اللي خدناه م الكرامة والإباء

حبة خطب وكلام...كلام

إحنا راهننا على النظام

ورضينا بخيار السلام

بخيار حنسد عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة

شلة مأجورين؟

ياعم فضك سيرة

وارضى بقسمتك

دا شعب مش فاهم أكيد

يالا اطرده من رحمتك

وإن كنت غاوي الحكم

خليك مطرحك

حاغطس واقب وأعود

بشعب يريحك

راضى وعمره مايجرحك

أخرس ومايسمعش

وأعميلك عينيه

مش كل قرش يبص فيه

مايقولش لأه، وفين، وليه

يضرب ينفض في السليم

وعلى الصراط المستقيم

كل اللي يعرف ينطقه

عاش الزعيم

يحيا الزعيم

.......................

أحمد فؤاد نجم

عيزينها تبقي خضرا........

عيزينها تبقي خضرا .... الارض اللي في الصحرا

جامعه الاسكندريه

كليه التربيه

المعسكر الصيفي للعمل المنهجي

لتعليم الكبار وخدمه المجتمع

الفرقه الثالثه شعبه اساسي

جميع الاقسام

هوا دا المعسكر الصيفي بتاعنا

اتقسمنا مجموعات

وكنت انا في المدينه الجامعيه القديمه طلاب

اللي هيا في سموحه

علي فكره الصعيدي كريزي مان معايا في نفس المجموعه

احنا بقي نزلونا في ملعب 11 انما ايه

نحسب نفسنا حنلعب كوره

لكن قالولنا

انكم

حتلموا الزلط كله من الملعب

قولنا ماشي بس نلعب

اتاري مافيش لعب

دا الملعب بيتاجر للانديه فقط

وحتي طلاب المدينه الجامعيه

لا يلعبوا عليه

والمهندس الزراعي

بيطنطط علينا

لكن نعمل ايه

اتعاركنا معاهم
لان الماده دي من 25 درجه

تعليم كبار ومحو اميه

وليس لم ظلط ومحو اميه نجيله

باظ الكوتشي

والبنطلون اتبهدل

وادينا قشفت

ودماغنا اتقورت من الشمس

لكن شوف معسكر اعداد القاده

اللي هما بيقابلوا الريس

كل واحد لابس هدوم مخصوصه

وكابات عشا ن الشمس

..............................................................................................

صوره لمنتخب كليه تربيه في ارض الملعب
لاحظ المربعات الحمراء

انا بنقي الظلط
وي كانني في الحج بلم الجمرات

انا ماسك البرويطه عشان نلم الظلط

دي اخره اللي يخش كليه تربيه اساسي

..................................................................

لازم يمثل في فيلم

الايدي الناعمه

هههههههههههههههههههههههه

.............................................

الجزء التاني

................................................................

لازم نشتغل عشان نخدم المجتمع والناس

طلبنا مانشتغلش في الشمس

قال اشتغلوا في الظل

ولم ورق الشجر

من غير جونتيات حمايه

تحت الشجره يا وهيبه (صديق بيلم ورق الشجر)ا

بعد كدا اشتغلنا حبه في الشمس

وكانت الشمس حاميه اوي

دماغنا هيست

وعملنا معاهم احسن واجب

التعاون بين الاصدقاء في العمل الخدمي

المهندس اتجنن مننا

وراح يجري ورانا في الملعب

وبعدين لما زهقوا مننا

وحصلت مشاكل

اتصلوا بالمعيده تيجي تاخدنا

عشان اتخنقوا مننا

وجائت المعيده

وحلت المشكله

والدكتور بتاع المدينه الجامعيه

عطانا الدرجات

وقالوا لينا امشو وماتجوش تاني

خلاص

كفايه

احنا ماصدقنا

وطلعنا جري

علي بحر الانفوشي

في بحري

وهوبا هوبا

اخيرا خلص الترم التاني

وفي انتظار النتيجه

صوره ليا انا واصحابي في الكليه في البحر

الوجه الآخر للكوسة

يابلدي ياحبيبتي

فيكي حاجه محيراني

نزرع القمح في سنين

تطرح الكوسه في ثواني

البوست لم يكتمل بعد

انتظروا الباقي

أضحك...........بس من قلبك

بدل الغم اللي احنا فيه قولت نفرفش شويه

....................................................................................

في واحد معاه أرنب يريد يبيعه جاه واحد محشش وقال له بكم القرد ؟ رد عليه .. ياخي هذا أرنب مش قرد .. قال المحشش يابو الشباب أنا أسأل الأرنب ماسألتك.....

..................................................................................

في جماعه صعايده راحوا يلعبوا علي الطريق السريع واتفقوا ان الي تخبطه عربية مرتين يطلع بره اللعبة

....................................................................................

مره واحد ومراته قاعدين في الطياره فالراجل قال لمراته روحي هاتيلي اشرب فراحت جابتلوه ميه بعد شوية قالها روحي هاتي اشربفراحت ومجبتش قالها فين الميه قالتلوه اصل الزير الي كنت بجبلك منه لقيت واحد قاعد عليه

........................................................................................

واحد راح للدكتور قال له "يا دكتور انا عندي مشلكة فظيعة جدا، بانسى بسرعة" الدكتور قال له "المشكلة دي عندك من إمتى؟" قال له "مشكلة إيه؟"

..........................................................................................

مرة واحد بيعدي الشارع مع صحابه خبطته عربية مات. نقوا واحد منهم عشان يقول لمراته فراح لها فتحت له الباب قال له: "جوزك ضيع كل فلوسه ع القمار" قالت له: "إلهي ينشل البعيييد!" قال لها: "و باع البيت" قالت له: "إلهي يبيعوا عنيه!" قال لها: "و اتجوز عليكي على فكرة" قال له: "إلهي يدخلوا عليا شايلينه" الراجل قال: "بس..خشوا يا شباب..."

................................................................................................

واحد و مراته متخانقين فبطلوا يكلموا بعض، الزوج كتب ورقة "صحيني الساعة 6:30 عشان عندي شغل" و حط الورقة على السرير و نام صحي الساعة 10:00 فلقى ورقة مكتوب عليها "الساعة 6:30 يلا اصحى"

.............................................................................................

في واحد مفلس ومنحوس ماشي في الطريق فلقى عربية عاملة حادثة، ولما شاف الضحايا، ففكر انه يقطع ودنه ويحطهاقدامه عشان ياخذ التعويض، وبعد ما عمل كده اكتشف انهم بيصوروا فيلم سينمائي.

.............................................................................................

واحد فات على مطعم يريد ان ياكل وليس معه نقود. فرفضوا اطعامه فقال : اذا لم تطعموني اعمل مثل ما عمل اخي فخافوا منه واطعموه وبعد ان انهى طعامه سألوه : ماذا فعل اخوك؟ فقال: نام بدون عشاء .

......................................................................................

واحد مسطول بيقول لصاحبه مش عارف يا أخي عود الكبريت ده ما بيولعش ليه مع إنه لسه مولع من شوية!

.......................................................................................

زرافة و فيل وأسد وفأر وثعلب وارنب ماشيين في الغابة, وقعوا كلهم في حفرة، إلا الزرافة، فقالولها: جيبي لنا حبل قالتلهم: ما فيش، قالولها: إحنا جعانين عايزين ناكل قالتلهم: ماعرفش أجيب لكم أكل، قالولها: والعمل؟ قالت لهم كلوا أضعفكم ..... قام الفأر نط مفزوع وقال لهم: اللي حيقرب من الأسد حيعرف شغله.

..........................................................................................

بيقولوا للريس قبل الانتخابات "انت مش هاتودع الشعب وللا ايه؟" قاللهم "ليه هو الشعب رايح فين؟

...........................................................................................

مرة الريس حب يعرف الشعب بيحبه ولا لأ فإتنكر ونزل الشارع ودخل على قهوة بلدى فلقى القهوجى معلق صورة صغيرة لعبد الناصر وصورة صغيرة للسادات وصورة كبيرة للريس فسأله : انت معلق صورة عبد الناصر ليه؟؟؟؟؟قال له : لأنه هو اللى قام بالثورةفقال له : طيب ومعلق صورة السادات ليه؟؟؟؟؟قال له : لأنه هو اللى انتصر فى اكتوبرفقال له : طيب ومعلق صورة اخينا ليه؟؟؟؟؟قال له : لأنه ابو شريكى فى القهوة

.....................................................................................................

التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد

.................................................................................................

واحد من الجماعة المهمين سأل الاخ بوش في الخباثه : إنت ليه متأكد إن في نووي;في العراق!!! بوش : لأن معايا الوصل اللي أبويا باعهلهم بيه

..........................................................................................

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

...............................................................................

لا تنسوا التعليقات

لا تعليق