بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

Wednesday, September 19, 2007

استطلاع هلال رمضان


بعد غد باذن الله تعالي
الموافق السبت
سيتم استطلاع هلال شهر رمضان في مجمع نظري
هذا ما اعلنه بعض الطلاب في المجمع
وسيتم استطلاع الهلال من اكثر من مكان
جبلايه تربيه وارض عايده وشارع القبط وملعب اداب ووسعايه علوم
علي ان يبدأ الصيام باذن الله من اول شهر عشره
وقال مصدر مسؤل في كليه الحقوق انهم لن يستطلعوا الهلال هذا العام
لظروف خارجه عن الاراده

وقد اعلن اغلب شباب المجمع تمسكهم بالفتوي الصادره عن مفتي ديار الجامعه بحرمه زياره المجمع في شهر رمضان وانه لكبيره واثم عظيم الا من كان يزوره لضروره ملحه

فيما اعلن لسان حال اغلب صبايا المجمع ان شهر رمضان لم يدخل بعد
وانه من فطر صائماً كان له مثل أجره غير أنه لا ينقص من أجر الصائم شئ

ياخونا الحديث مش يقصد الفطار في نهار رمضان ولكن لاحياه لمن تنادي

وقد فقد اغلب شباب كليها لتربيه صيامهم اثناء سحب حافظه المصاريف السنا دي وذلك لشتمهم موظف شئون الطلاب نتيجه ارتفاع مصارييف الكليه الي 165.5 جنيه مصري لاغير بعدما كانوا يدفعون 125.5 العام الماضي واللي يسبقه و 47.5 في العام الذي قبله

اما طلاب اتحاد كليه الاداب فقد جن اكثرهم نتيجه الصايم

اما في كليه تربيه فقد جنت لوحات الاتحاد ايضا من الصيام فاصبحت في كل مكان تحاصر الطلاب

.......................................................................
هذه الاهترائات والهرتلات من مجمع نظري اعاده الله علينا باليمن والبركات
سؤال اخير
هل رمضان دخل ولا لسه ؟
وكل سنه وانتم طيبين

9 comments:

هبه said...

فعلا اللى بيحصل فى المجمع بقى حاجة صعبة قوى والمفروض اللى احنا بشوفه ده مايحصلش فى الايام العادية ما بالك بقى فى رمضان ده غير ان كتير من اللى بيعمله بعض البنات بيلفت نظر البنات ما بالك بقى الشباب بجد فى المجمع انا بحس ان رمضان لسة وما اعتقدش انه هيجيى اصلا فالمجمع بالحال ده سيكون بلا رمضان دائما
اما بالنسبة للمصاريف فحسبى الله ونعم الوكيل

جمعاوى روش طحن said...

أعانك الله

انت ح تقولى على مجمع نظرى

ضى القمر said...

مجمع النظرى ده ماركة مسجلة فى الافعلا دى

محمد مارو said...

هههههههههههههههه
احماعندى اسمه مجمع الكعب العالى
ده للافطار المستعجل بدون دليفرى اسرع بكتير

ali said...

اقترح عليك تعمل موضوع متجدد لترنت الافلام الاجنبي الجديدة عشان انا دايخ لغاية مالاقي تورنت كويس ل Live.Free.Or.Die.Hard.2007.DVDRIP

Anonymous said...

وخلي عندك حبة منة

مؤمن said...

الصراح مش عارف ابدا منين في الليله السودا دي ....واحب اقول ان الموضوع رائع جدا جدا جدا ... ومفيش وصف ليه بصراحه ........دي الصراحه يعني ... وكمان احب أقول ان الحكومه المصريه هي حكومه متباعه للغرب .... وعشان كده احنا اتعودنا منها على الظلم والفساد الأداري .... فالدوله اللي احنا فيها ....دوله اسرائيليه ...يعني دوله مصرائيل..,وانا اصلا مليش في السياسه ...وكاتب الموضوع بالعافيه .... ويللا بقى

مؤمن said...

الصراحه مش عارف ابدا منين ....الموضوع جميل جدا ....واحب اقول ان مصر اصبحت دوله غير صالحه للعيش للبني آدمين ..... وطبعا احنا عارفين الاسباب ....وبالنسبه للصيام ...فأعتقد ان ربنا هيغفر لنا اليوم ده اللي احنا ممكن نكونوا مصومناهوش ... لأن احنا عندنا عذر كبير جدا ... ألا وهو .... (الحكومه)0

احمد سعيد said...

اخى الحبيب

فعلا كما قلت هذا ما يحدث

لك اسلوب ساخر فى نقد المجتمع

اتمنالك المزيد من التوفيق

أخوك نيجــر