بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا
الاقصى

Tuesday, September 04, 2007

دعوة






(وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجاً لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآياتٍ لِقَوْمٍ يَتَفَكَّرُونَ) (الروم:21)
يدعوكم
محمد عصفور
(اللي هوا انا )
لحضور كتب كتاب
اختي المهندسه زينب علي المهندس محمدالجارم
وذلك يوم الجمعه
الموافق 7/9/2007
بمسجد اولاد الشيخ الجديد (الكبير) بمحرم بيك
بعد صلاة العشاء
وعقبالكم وعقبالي
........................................
وصفه المسجد
مسجد اولاد الشيخ
شارع محرم بيك علي الترام
عند محطة ترام بوالينو
واللي ما يعرفش الوصفه
ينزل محطه مصر ويركب الترام الصفراء
ويقول للكمسري عايز محطه بوالينو
عند الجامع
بس اوعي تدخل الكنيسه اللي جنب الجامع
.....................
مستنيكم باذن الله
واخص بالدعوه
كل زوار مدونتي
وكل المدونين اللي بزورهم
وكل اصحابي في الكليه وجامعه اونلاين
ومنتدي جامعه اون لاين
..............................
واللي مش حيقدر يجي يبارك في التعليقات

12 comments:

Anonymous said...

الف مليون مبروك لاختك وعريسها
وعقبالك
ربنا يهنيهم
وخد الزرغوطه دى هديه
لوووولووووووولوووووووووولى
ههههههههههه
فى الحقيقه مش بعرف ازرعط بس يعنى نعملها فى الكتابه

صانعة الحرية said...

ماشاء الله
مبارك
ومقدما
بارك الله لهما وبارك عليهما وجمع بينهما فى خير
والف مليون مبروك وملاء الله بيتهم سعادة وسلام

شقاوة شعب said...

ما شاء الله
بارك الله لهما وبارك عليهما وجمع بينهما فى خير

ربنا يكتب لاختك السعادة والهنا فى الدنيا والاخرة

بالحق فين الاغنية الجميلة اللى كانت بتشتغل اول ما ندخل المدونة
انا عايزاها من فضلك

Anonymous said...

الف الف مبروك يا عصفور ربنا يجمع بينهم على خير يا رب ويبارك لهم ويسعدهم ويرزقهم بالذرية الصالحة وعقبالك

عصفور المدينة said...

ألف مبروك وعقبالك يا محمد

عصفور اسكندرية said...

sasoo
الله يبارك فيكي وعقبالك وعقبال ما تتعلمي (لولولولولولووووولي)ههههههه

صانعه الحريه
الله يبارك فيكي وعقبالك
بس خلي مباركبره الفرح مش كفايه مش بعرف اركب مواصلات لانه كل شويه بيعدي في اسكندريه

شقاوه شعب
اله يبارك فيكي وعقبالك
الاغنيه متوقفه حاليا لاسباب فنيه وسوف ترجع باذن الله وسوف ارسل لكي رابط سماعها في المنتدي

هبه
الله يبارك فيكي وعقبالك

عصفور المدينه
الله يبارك فيك وعقبال اولادك باذن الله

Future_Preacher said...

ماشاء الله لا قوة الا بالله
اول مرة ادخل المدونة بتاعة حضرتك علشان الاقي الاخبار الحلوة دي
ده شيء مبشر اكيد
ربنا يبارك لهم و عليهم و يجمع بينهم في الخير
عقبال ما ادخل المدونة و الاقي نفس الخبر بس عن حضرتك
مدونة قيمة جدا بصراحة
اكيد ما هما ابناء الاسكندرية كده
ميعملوش الحاجة الا بجدعنة و تمكن
:)
ربنا يكتر من افراحكم
اللهم امين

محمد مارو said...

الف الف مبروك
خد دى منى
لولولولولولولولولولولولى
و عقبالك و عقبالى

ahmed mefrh said...

للاسف مش حقدر اجى علشان انا لسه قارى الخبر النهارده
ههههههههههه
بس على العموم ندعو لهم بدعاء النبى صلى الله عليه و سلم ان بارك الله لهما و بارك عليهما و جمع بينهما فى خير

عصفور اسكندرية said...

Future_Preacher
شكرا لزيارتك للمدونه
الله يبارك فيك

محمد مارو
وطي صوتك
ههههههههههههههههه
عيب ماعندناش رجاله ت(لولولولولولي
الله بيارك فيك


ابو مفراح
الله يبارك فيك وعقبال مفراح واخواته كلهم

Unknown said...

الف الف مبرووووك


عقبالنا وأنا إن شاء الله جى

Anonymous said...

مبروك معلش جت متاخر مكنتش بدخل المدونه الف مبروك يا استاذ عصفور