بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

Tuesday, September 11, 2007

من مشاركات الاصدقاء في المدونه

اصحابي يحبوا يشاركوا معايا في المدونه
ودي من استاذ كريزي
اسم البوست
انا احب النحو
...................
مع الاعتذار لسيبويه والخليل بن احمد
وكل علماء النحو الافاضل
اعرب الكلمات الاتية :
الحكومة : فاعل لافعال مش معقولة
المرتب : لا مضاف ولا بيضاف اليه ولاحتي جنيه
الفلوس : مفعول لاجله , وولاجله بيتعمل كتير وعشانه رقاب تطير
الموظف : مفعول بيه ولا شئ بيديه , مكسورة رقبته وعنيه
الاتوبيس العام : اسم مكان , الداخل والخارج منه بأمان انكتبله عمر ماكان في الحسبان
التأمين الصحي : اسم هيئة , في الهبل سايئة
شعارها لقهر المرض لو حسيت بصداع حبتين اديها اسبرين
لو وجعك جنبك اليمين اديها اسبرين
لو سنانك مسوسين ابلعك اسبرين
لو عنيك مدخششيين ادعكهم اسبرين
لو مرارتك تعباك يفقعها الاسبرين
من ديوان : مئة استخدام للاسبرين
تأليف : السيد الاستاذ الدكتور اللواء اركان حرب رئيس قسم كل حاجة / وزير الصحة

الاستخراج :
ممنوع من الصرف: الجنيه ويصرفوه بس ليه والدولار بقه بسبعة منه يا بيه
حال جمله : نفسه في شقة يلاقيها من غير مشقة وده حال الشباب في عصرنا الهباب
مستثنى و وضح المستثنى منه :الحرامية الكبار , مستثنى من الفقر ومأساة الاسعار
خبر كان : كان ياما كان الماء في كل مكان اصبح الان في خبر كان وبنشتريه بالفلوس كمان وعجبي علي ده زمان
هات المطلوب امام كل عبارة :
مرادف ( قصده معناها بلاش فضايح) اللحمة :
- هي بروتين يشبه الفول , بسعر مش معقول , ومنها البوفتيك والكوفتة وما نعرفه بالرائحة عقبال الاحباب المدعو كباب
(التليفزيون) ضعها في جمله مفيدة لو تقدر
- شاهدت في التليفزيون .....!!!!!
لازم مفيده يعني!!!!
.......................
ومشاركه اخري
من استاذه ساسو
.........................
يوميّات اتنين مخطوبين
السلسلة الكاملـة
الجزء الأول
الي الجزء الخامس
سوف تنشر قريبا

9 comments:

هبه said...

ايه الجمال ده بجد احسن نحو شفته فى حياتى هو ده بقى النحوالعملى اللى احنا حاسين بيه وعايشين فيه بجد ليك مستقبل نحوى جامد قوى يا كريزى بس ربنا يستر و ما نلاقيكش بتتعرب فى يوم

elsaidi_crazy_man@yahoo.com said...

لا يا هبة متخافيش تمت مش بعرب ولن اعرب مهما حدث




التوقيع / مدرس عربي

sasoo said...

ايه يا كريزى الكلام الجامده ده بجد حلوه اووووووووووووووووووى برافو عليك
وحلوتها انها واقعيه اوى وكمان لذيذه اوى

عصفور اسكندرية ( المواطن المطحون ) said...

السلام عليكم كل سنه وانتم طيبين

هبه
شكرا علي المرور
بس كريزي مسيره حيتعرب في يوم من الايام بس للاحسن باذن الله
بالحق اتي بتروحي الكورس بتاع
vct
ولا لأ

كريزي
لا حتتعرب حتتعرب ولو محدش عربك انا حعربك انا جامد في الاعراب برضه

sasoo
واقعيه جدا جدا جدا
صقفه كبيره لكريزي

هبه said...

أ/ عصفور
اه بروح بس انا فى المعمل التانى مش اللى انت فيه وشوفتك هناك كمان

عصفور اسكندرية ( المواطن المطحون ) said...

هبه
يابختك
المدرس اللي في المعمل بتاعنا بيقلب الناس في الشرح وانا مش سايبه في حاله

هبه said...

معلش انا عارفة ان مكسيم تاعبكوا بس ان شاء الله تخلصوا المشروع على خير ولو عايز تسال عن اى حاجة بخصوص المشروع اى خدمة
على فكرة المدرس اللى بيدينا يبقى اخويا

عصفور اسكندرية ( المواطن المطحون ) said...

هبه ربنا يكرمك
انا عارف انك اخت المحاضر اللي في المعمل التاني
انا كنت حضرت له محاضره في المجموعه السابقه وعجبني شرحه
وعلي فكره انا عامل لمكسيم قلق هوا عمال يقلب وانا اقوله فين دي ودي ازاي مع اني عارف بس عشان اللي قاعدين ومش عارفين اي حاجه
بس بظبط معاه في حكايه امتحان اليونسكو بتاع
icdl

ضى القمر said...

بجد بجد بجد بوست جميييييييييييييييل جدا جدا من كريزى
شكرا كتيييييييييير ع البوست الجميل ده