صاحي وبيلعب

صاحي وبيلعب

يالهوي

دي مشكله

هوا ايه اللي صاحي وبيلعب دا؟؟؟

حنهزر ولا ايه

فكروا معايا كده

ايه اللي البياع بينده عليه

صاحي وبيلعب

ها لسه ماعرفتهوش

!!!!!!!!!!!!!!!!!!!

السمك

سؤال

السمك بيعيش فين ويا اولاد ؟

اجابه

يعيش السمك في الماء

يا يعيش يا يعيش

بس السمك بتاعنا هنا مش صاحي ولا هو بيلعب

دا سمك تدويني

زي التاج التدويني كده

انا اقولك ليك عندي تاج

عندك ليا تاج

التاج علينا حق

تاج تيم

والحاجات دي

لكن وانا في ساعه صفا وبعمل شات مع مصطفي

صاحب مدونه اخوانجي حتي النخاع

احنا نتبادل المعلومات

في علم التدوين

من اضافات وخربشه في مواقع جافا

والتعرف علي اشياء جديده تفيد المدونات

واشياء من هذا القبيل

بدأنا نعمل بعض الاشياء اللي مانعرفهاش

والمثل الصيني

يقول اعطني شبكه ولا تعطني سمكه

ومن هذا المنطلق

اخترعنا السمك التدويني

والشبك التدويني

ايه دا ياعم

سمك ايه وشبك ايه

ايه الزفاره دي

ولا عشان انتا اسكندراني حتقرفنا بقي

ايه يا با

اضربني احسن

دا سمك طازه

ومش بايت

وبالصلي علي النبي

من غير ولا مليم ابيض ولا احمر

وصاحي وبيلعب

واللي ما ياخد منه يتفرج عليه
...............................................................................

السمك التدويني

هوا كل اضافه جديده يرسلها

مدون لاخيه المدون

حتي ينمو علم التدوين

وتصبح المدونات

ميت فل وعشره

...............................................

عرفنا السمك

ايه الشبك دا بقي

الشبك التدويني بقي

دروس وشروحات يخليك تعرف تصاد السمك

وتقليه وتشويه زي ماتحب

فين السمك دا ورينا كده

اول سمكه في تاريخ التدوين

اطلق علها لفظ سمكه تدوين

وصلت ليه من مصطفي

صاحب مدونه اخوانجي حتي النخاع

ولم يكن يعرف لقب سمكه

انا وهوا اتفقنا علي الاسم

وانا اهديلكم هذه السمكه

وتاكلها زي ماتحب

مقلي مشوي او حتي طاجن

http://www.geocities.com/abdullahjava

دا رابط لموقع

به حبه جافا

اوعي وشك

تلعب في المدونه زي ماتحب

شكل ايه ولعب ايه

وبالنسبه لشبك المدونات

انتظروه

قريبا من تصنيع وانتاج وتصميم واختراع مدونه المواطن المطحون واجوانجي حتي النخاع

انا اهدي السمكه دي لكل مدونين المدون خانه وكل مدونه في قائمه مدونات للزمن عندي

اهديها

لــــــ

عصفور المدينه

اما الجيل

شقاوه شعب

انا محظوره

مش حسكت

مش انا

لسه عاايش

صمود

لسانها ملوتوف

اخ جامعه

حلم الحريه

ابن ناصر

كش ملك

كلام وفش غل

الحصاد

صاحب البوابه

انا بحبك يا مصر

صناع الحريه

كان يا مكان

وكل مدون عايز او محتاج السمكه في مدونته

بالهنا والشفا

ياريت كل اللي شاف وقرأ الموضوع

يقول ايه رايه في فكره السمكه

مستني ارائكم

عن السمك

واسف علي الزفاره

تحديث

قررنا نحن

محمد عصفور صاحب مدونات الموان المطحون وعصفور اسكندريه

ومصطفي يحيي صاحب مدونه اخوانجي حتي النخاع

ومريم صاحبه مدونه افتكسات حياتيه

انشاء مدونه

خاصه بفكره السمكه

وسوف يتم الاعلان عنها قريبا

وبعون اللهه وفضله

بأدنا في تجميع السمك

وتصنيع شبك تدويني

ونرجوا من الله التوفيق

المدون خانة

بداية البداية

الاجتماع التأسيسي للمدون خانة

نبدأ من الاول خالص
بعدما اعلن المدون علاء صاحب مدونه
مش انا
عن المدون خانة
او ميثاق العمل التدويني
كنت انا موافق علي الفكره ومتحمس لها
وكنت علي تواصل معه
وبلغني بالميعاد والمكان

وفي يوم السبت 82/7/2007
الساعه 2 ظهرا
روحت محطه مصر
وركبت مشروع تويوتا المكيف عشان الحر
مع ان علاء كان عايزني انزله دمنهور واركب معاه من هناك
بس اللي حصل
وصلت هناك 5.30 عصرا لان السكه كانت زحمه
واتصلت بعلاء
قالي حبعتلك احمد الجيزاوي ياخدك
(ربنا اللي بياخد يااخي)قولت في سري

واحمد كان مستنيني وانا مستنيه امام سينيما فاتن حمامه
بس المكان بجد ماحدش يعرف يوصله ولا الامن ولا حتي المدونين
عشان يبقي كله في السليم
المهم وصلنا في مكان الاجتماع

اتعرفنا علي بعض
كل واحد اسمه ومدونته
واتعرفت علي ناس
اوعي وشك

حين البأس - أنا باحبك يا مصر - ميت - كش ملك - بن ناصر - صاحب البوابة - لماذا نرحل - الحصاد - ممنوع - مش أنا - هاتكلم و هاقول - مش حاسكت - كلام و فش غليل - امام الجيل - المواطن المطحون - لسه عايش - عصفور المدينة - حزيـن - شوية أفكار

أيضاً

شقاوة شعب - أنا محظورة - باحبك يا مصر - أنا كده
وتم عرض
ايه المدون خانه واهدافه وكده يعني

أهداف التجمع
---------------
1 - متابعة أخبار المدونين و النداء بحريتهم في التعبير بطرق و أساليب مختلفة تنطلق من الموقع مع توصيف المعنى الأخلاقي لمفهوم حرية التعبير.
2 - عمل دليل للمدونين المنضمين للتجمع.
3 - التضامن مع حملات صديقة مماثلة لفكرة التجمع.
4 - الاتفاق على ميثاق شرف يوافق عليه المنضم للتجمع قبل الانضمام و يكون شرطا لانضمامه.
5 - التأكيد على أن الاختلاف في الفكر هو ظاهرة صحية مثمرة.
6 - الدعوة لتجمعات تعارف و مؤتمرات للمدونين بشكل دوري.
7 - التأكيد على الحفاظ على حقوق الملكية الفكرية و استخدام أساليب فعالة مثل التشهير.

ميثاق الشرف
---------------
و أن يحتوي ميثاق الشرف على نقاط أخلاقية رئيسية منها:
1 – أن لا يستخدم المدون الالفاظ البذيئة و الفاحشة.
2 – الا يكون المدون من الذين يسبون الأديان.
3 – نبذ المثليين و الشواذ جنسيا و الذين يتحدثون عن الجنس بشكل فاحش.

الاتفاق على انشاء موقع الكتروني بعنوان المدوّن خانة
http://www.modwnkhana.com/

ملاحظة هامة :
-------------------
التجمع لن يضغط أو يقيد كتابات أي مدون مشارك سواء في اختيار المواضيع أو أسلوب تناولها , و لكن الكتابة تكون في إطار الأخلاقيات المتفق عليها في ميثاق الشرف و التي يكون العضو موافق عليها و مؤمن بها و يتبعها سواء في وجود تجمع من عدمه.

الهيكل التنظيمي
-------------------
و يتكون من عدد من اللجان التي سوف تقوم على إدارة الموقع الإليكتروني كالتالي:

1- لجنة المشرفين:
و هي لجنة مختصة باستقبال مواضيع الأعضاء من أخبار أو مقترحات أو حملات أو تغطيات و نشرها على الموقع.

2 – لجنة المبرمجين:
و هي اللجنة الخاصة بالأعمال التقنية و الدعم الفني للموقع.

3 – لجنة المصممين:
و هي اللجنة المختصة بأعمال تصميم الجرافيكس و البانرات و تصاميم الحملات و غيرها للموقع

4 – لجنة التغطيات:
و هي لجنة تختص بتغطية الأحداث المتعلقة بالمدونين و متابعة آخر أخبارهم سواء بصور أو كتابات أو فيديو أو حوارات و غيرها.

وابدينا اضافاتنا علي هذه الاشياء
ومناقشتها
1- آليه تفعيل المشرفين
2- نظام الاجتماع
3- انشاء لجنه دعايا
4-انشاء قسم في الموقع للدعم الفني
5- التصويت علي التدوينات

بس كان هناك حبه حاجات مش تعجبني كتيير

1- سوء النظام ( معلش عشان اول اجتماع واول مره نشوف بعضنا ) كده يعني
2- الكلام فتح في مواضيع مالهاش لزمه او مش مكانها
3- عدم التزام كل الناس بالميعاد
دا يجي ودا يمشي

بس علي كده كان هناك فوائد كتير
1- الاتفاقات التي اتفقنا عليها
الاضافات اللي فوق

2- التعارف علي شخصيات جديده وممتازه وجها لوجه
3- العدد كان كويس بالنسبه لاول اجتماع
4- مشاركات كويسه من المدونين
5- شربنا شاي في الخمسينه تمام اوي

وبعد كده خلصنا وكل واحد راح لسبيل حاله
واتمشيت مع مش انا وامام الجيل وعصفور المدينه
وركبنا المترو
واحنا في المترو شوف الضحك
اتعرفت علي اماما الجيل هناك
ولسه حياخد تليفوني
وانا اخذ تليفونه كان باب المترو قفل
ونزلنا في محطه مبارك وهوا طول في المترو
بس الاستاذ عصفور المدينه
عنده خبرات جامده اوي
وباذن الله نستفاد منه

وركبت مشروع مكيف لاسكندريه
عشان الجو في القاهره
لايطاق
والجو في اسكندريه
يتقال عليه
(وما بكم من نعمه فمن الله ) صدق الله العظيم

معلش البوست دا صغير ومالمش كل اللي حصل

يارب ماحدش يضربني

تحديث
صور خاصه من مدونه
لسه عايش
لمدونه المواطن المطحون

عيزينها تبقي خضرا........

عيزينها تبقي خضرا .... الارض اللي في الصحرا

جامعه الاسكندريه

كليه التربيه

المعسكر الصيفي للعمل المنهجي

لتعليم الكبار وخدمه المجتمع

الفرقه الثالثه شعبه اساسي

جميع الاقسام

هوا دا المعسكر الصيفي بتاعنا

اتقسمنا مجموعات

وكنت انا في المدينه الجامعيه القديمه طلاب

اللي هيا في سموحه

علي فكره الصعيدي كريزي مان معايا في نفس المجموعه

احنا بقي نزلونا في ملعب 11 انما ايه

نحسب نفسنا حنلعب كوره

لكن قالولنا

انكم

حتلموا الزلط كله من الملعب

قولنا ماشي بس نلعب

اتاري مافيش لعب

دا الملعب بيتاجر للانديه فقط

وحتي طلاب المدينه الجامعيه

لا يلعبوا عليه

والمهندس الزراعي

بيطنطط علينا

لكن نعمل ايه

اتعاركنا معاهم
لان الماده دي من 25 درجه

تعليم كبار ومحو اميه

وليس لم ظلط ومحو اميه نجيله

باظ الكوتشي

والبنطلون اتبهدل

وادينا قشفت

ودماغنا اتقورت من الشمس

لكن شوف معسكر اعداد القاده

اللي هما بيقابلوا الريس

كل واحد لابس هدوم مخصوصه

وكابات عشا ن الشمس

..............................................................................................

صوره لمنتخب كليه تربيه في ارض الملعب
لاحظ المربعات الحمراء

انا بنقي الظلط
وي كانني في الحج بلم الجمرات

انا ماسك البرويطه عشان نلم الظلط

دي اخره اللي يخش كليه تربيه اساسي

..................................................................

لازم يمثل في فيلم

الايدي الناعمه

هههههههههههههههههههههههه

.............................................

الجزء التاني

................................................................

لازم نشتغل عشان نخدم المجتمع والناس

طلبنا مانشتغلش في الشمس

قال اشتغلوا في الظل

ولم ورق الشجر

من غير جونتيات حمايه

تحت الشجره يا وهيبه (صديق بيلم ورق الشجر)ا

بعد كدا اشتغلنا حبه في الشمس

وكانت الشمس حاميه اوي

دماغنا هيست

وعملنا معاهم احسن واجب

التعاون بين الاصدقاء في العمل الخدمي

المهندس اتجنن مننا

وراح يجري ورانا في الملعب

وبعدين لما زهقوا مننا

وحصلت مشاكل

اتصلوا بالمعيده تيجي تاخدنا

عشان اتخنقوا مننا

وجائت المعيده

وحلت المشكله

والدكتور بتاع المدينه الجامعيه

عطانا الدرجات

وقالوا لينا امشو وماتجوش تاني

خلاص

كفايه

احنا ماصدقنا

وطلعنا جري

علي بحر الانفوشي

في بحري

وهوبا هوبا

اخيرا خلص الترم التاني

وفي انتظار النتيجه

صوره ليا انا واصحابي في الكليه في البحر

أوكي وأخواتها

هذا ليس بابًا جديدًا من أبواب النحو , ولكنه فصل محزن من فصول تهاون بعض أبنائنا بلغتهم الأصيلة ,ومفرداتها الراقية , فاستبدلوا بها ألفاظا أعجمية في مخاطباتهم اليومية , وأحاديثهم الجانبية ,يرددونها غيرَ واعين بما تكرّسه فيهم من التبعية العمياء , حتى طمّت هذه الألفاظ وعمّت بين بعض الشباب والمراهقين , أخاطبهم , سائلاً الله أن يفتح على قلوبهم :

أوكي .. ترددها وقلبـك يطـربُ ** وتلوكُ من ( أخواتها ) مـا يُجلَـبُ
فتقول : ( يَسْ ( مترنمًا بجوابهـا ** وبـ( نُو ) ترد القولَ إذ لا ترغـبُ
وتعدّ ) وَنْ ) مستغنيًا عن واحدٍ ** وبـ( تُو ) تثنّي العدّ حين تُحسِّـبُ
تصف الجديد ( نيو) و( أُولْدَ ) قديمَه ** و( بْليزَ ) تستجدي بها مـن تطلـبُ
وإذا تودعنا فـ( بـايُ ) وداعُنـا ***** وتصيح ( ولكمْ - هايَ ) حين ترحـبُ
مهلا بُنـيّّ .. فمستعـارُ حديثِكـم ** عبثٌ ..وعُجْمَـةُ لفظِـه لا تُعـرَبُ
تدعو أخـاك اليعربـيّ كـأعجـمٍ ** مستعرضًـا برطانـةٍ تتقـلـبُ !!
تستبـدل الأدنـى بخيـر كلامِنـا ** وكـأنّ زامـرَ حيِّنـا لا يُطـرِبُ !!
أنـعـدّ ذاك هزيـمـةً نفسـيـةً ** أم أنّه شغـبٌ .. فـلا نستغـربُ ؟
مهلا أخي في الضّاد يا ابن عروبتي ** إن الفصاحـةَ واجـبٌ بـك يُنـدَبُ
حسْبُ العروبةِ أن تخـاذلَ قومُهـا ** فلنحتفـظْ منهـا بلفـظٍ يَـعْـذُبُ

الشاعر محمد بن عبدالله العـود

هذه مشاركه من

Sasoo

شكرا

Sasoo

علي هذه المشاركه الطيبه

والله الدنيا لسه بخير

والله الدنيا لسه بخير والحكومه لسه فيها خير
. (وان كان مشكوك في اصله)
وزاره التليفونات والمدارس والجامعات واليونسكو
عاملين عرض يجنن
منحه مجانيه لـــ 60000 مواطن للحصول علي الرخصه الدوليه لقياده الكومبيوتر
ICDL

المنحه متوفره
في جميع انحاء المحروسه


(انا عايز اعرف هيا محروسه منين ومن مين مش عارف)
ومن منطلق نفع واستنفع
ومنحه قليله تمنع فيروسات كتيره
وهنيالك يافاعل الخير والثواب
ننقل لكم موقع المنحه للتسجيل والاشتراك
اخر معاد للتسجيل
30/6/2007

http://www.icdlegypt.gov.eg/
اضغط علي الرابط السابق للتسجيل