بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

Sunday, July 29, 2007

المدون خانة


بداية البداية

الاجتماع التأسيسي للمدون خانة

نبدأ من الاول خالص
بعدما اعلن المدون علاء صاحب مدونه
مش انا
عن المدون خانة
او ميثاق العمل التدويني
كنت انا موافق علي الفكره ومتحمس لها
وكنت علي تواصل معه
وبلغني بالميعاد والمكان

وفي يوم السبت 82/7/2007
الساعه 2 ظهرا
روحت محطه مصر
وركبت مشروع تويوتا المكيف عشان الحر
مع ان علاء كان عايزني انزله دمنهور واركب معاه من هناك
بس اللي حصل
وصلت هناك 5.30 عصرا لان السكه كانت زحمه
واتصلت بعلاء
قالي حبعتلك احمد الجيزاوي ياخدك
(ربنا اللي بياخد يااخي)قولت في سري

واحمد كان مستنيني وانا مستنيه امام سينيما فاتن حمامه
بس المكان بجد ماحدش يعرف يوصله ولا الامن ولا حتي المدونين
عشان يبقي كله في السليم
المهم وصلنا في مكان الاجتماع

اتعرفنا علي بعض
كل واحد اسمه ومدونته
واتعرفت علي ناس
اوعي وشك

حين البأس - أنا باحبك يا مصر - ميت - كش ملك - بن ناصر - صاحب البوابة - لماذا نرحل - الحصاد - ممنوع - مش أنا - هاتكلم و هاقول - مش حاسكت - كلام و فش غليل - امام الجيل - المواطن المطحون - لسه عايش - عصفور المدينة - حزيـن - شوية أفكار
أيضاً
شقاوة شعب - أنا محظورة - باحبك يا مصر - أنا كده
وتم عرض
ايه المدون خانه واهدافه وكده يعني

أهداف التجمع
---------------
1 - متابعة أخبار المدونين و النداء بحريتهم في التعبير بطرق و أساليب مختلفة تنطلق من الموقع مع توصيف المعنى الأخلاقي لمفهوم حرية التعبير.
2 - عمل دليل للمدونين المنضمين للتجمع.
3 - التضامن مع حملات صديقة مماثلة لفكرة التجمع.
4 - الاتفاق على ميثاق شرف يوافق عليه المنضم للتجمع قبل الانضمام و يكون شرطا لانضمامه.
5 - التأكيد على أن الاختلاف في الفكر هو ظاهرة صحية مثمرة.
6 - الدعوة لتجمعات تعارف و مؤتمرات للمدونين بشكل دوري.
7 - التأكيد على الحفاظ على حقوق الملكية الفكرية و استخدام أساليب فعالة مثل التشهير.

ميثاق الشرف
---------------
و أن يحتوي ميثاق الشرف على نقاط أخلاقية رئيسية منها:
1 – أن لا يستخدم المدون الالفاظ البذيئة و الفاحشة.
2 – الا يكون المدون من الذين يسبون الأديان.
3 – نبذ المثليين و الشواذ جنسيا و الذين يتحدثون عن الجنس بشكل فاحش.

الاتفاق على انشاء موقع الكتروني بعنوان المدوّن خانة
http://www.modwnkhana.com/

ملاحظة هامة :
-------------------
التجمع لن يضغط أو يقيد كتابات أي مدون مشارك سواء في اختيار المواضيع أو أسلوب تناولها , و لكن الكتابة تكون في إطار الأخلاقيات المتفق عليها في ميثاق الشرف و التي يكون العضو موافق عليها و مؤمن بها و يتبعها سواء في وجود تجمع من عدمه.

الهيكل التنظيمي
-------------------
و يتكون من عدد من اللجان التي سوف تقوم على إدارة الموقع الإليكتروني كالتالي:

1- لجنة المشرفين:
و هي لجنة مختصة باستقبال مواضيع الأعضاء من أخبار أو مقترحات أو حملات أو تغطيات و نشرها على الموقع.

2 – لجنة المبرمجين:
و هي اللجنة الخاصة بالأعمال التقنية و الدعم الفني للموقع.

3 – لجنة المصممين:
و هي اللجنة المختصة بأعمال تصميم الجرافيكس و البانرات و تصاميم الحملات و غيرها للموقع

4 – لجنة التغطيات:
و هي لجنة تختص بتغطية الأحداث المتعلقة بالمدونين و متابعة آخر أخبارهم سواء بصور أو كتابات أو فيديو أو حوارات و غيرها.

وابدينا اضافاتنا علي هذه الاشياء
ومناقشتها
1- آليه تفعيل المشرفين
2- نظام الاجتماع
3- انشاء لجنه دعايا
4-انشاء قسم في الموقع للدعم الفني
5- التصويت علي التدوينات

بس كان هناك حبه حاجات مش تعجبني كتيير

1- سوء النظام ( معلش عشان اول اجتماع واول مره نشوف بعضنا ) كده يعني
2- الكلام فتح في مواضيع مالهاش لزمه او مش مكانها
3- عدم التزام كل الناس بالميعاد
دا يجي ودا يمشي

بس علي كده كان هناك فوائد كتير
1- الاتفاقات التي اتفقنا عليها
الاضافات اللي فوق

2- التعارف علي شخصيات جديده وممتازه وجها لوجه
3- العدد كان كويس بالنسبه لاول اجتماع
4- مشاركات كويسه من المدونين
5- شربنا شاي في الخمسينه تمام اوي

وبعد كده خلصنا وكل واحد راح لسبيل حاله
واتمشيت مع مش انا وامام الجيل وعصفور المدينه
وركبنا المترو
واحنا في المترو شوف الضحك
اتعرفت علي اماما الجيل هناك
ولسه حياخد تليفوني
وانا اخذ تليفونه كان باب المترو قفل
ونزلنا في محطه مبارك وهوا طول في المترو
بس الاستاذ عصفور المدينه
عنده خبرات جامده اوي
وباذن الله نستفاد منه

وركبت مشروع مكيف لاسكندريه
عشان الجو في القاهره
لايطاق
والجو في اسكندريه
يتقال عليه
(وما بكم من نعمه فمن الله ) صدق الله العظيم

معلش البوست دا صغير ومالمش كل اللي حصل

يارب ماحدش يضربني



تحديث
صور خاصه من مدونه
لسه عايش
لمدونه المواطن المطحون














18 comments:

عصفور المدينة said...

جزاك الله خيرا
جميل ومنظم ومكيف رايح مكيف وراجع مكيف
احنا علاء كان حيفطس من الحر واحنا راجعين

عصفور المدينة said...

مطحون عايز اتابعك عن طريق
rss
مش عارف ياريت تحاول تظبط مش عارف إيه
جرب كدة
http://mat7on.blogspot.com/feeds/posts/default

المشكلة بيقول
site contains no feeds

امام الجيل said...

ايه يا بنى التغطيات الجامدة دى ربنا يكرمك بجد وفيت الموضوع كله
طب مخدتش الرقم من عمرو ليه يا فالح بطلوا حركات دى بقى
انا عارفها
طيب هاجيبك هاجيبك هتروح فين يعنى
صغر خطك شوية

بنات افكاري said...

السلام عليكم
حقيقي تغطيه كويسه للاجتماع بس انا حاسة ان انتوا ماضفتوش جديد عن اللي كان موجود اصلا فى الاعلان الاساسي عند الاخ علاء غير المواقف الشخصية اللي حصلت بينكم امال فين الاقتراحات والافكار اللي الناس كانت بعتاها للاخ علاء ليه تم تجاهولها ولومحصلش ياريت حضرتك تقولنا علشان مانظلمكمش معذرة على طريقتى فى الكلام بس انا بصراحة متضايقة مش كفايه اني ماقدرتش احضر الاجتماع المهم ماعلينا انا عارفة ان الكلام ده المفروض يتقال للاخ علاء بس معلش بقى هو انتوا مش اخوات برده اعذرني بس انا بصراحة كنت بتابع باستمرار ولاحظت فعلا افكار كتير الناس بعاتتها ولوانضافت للفكرة الاساسية الموضوع هايكون احسن
السلام عليكم

المواطن المطحون said...

عصفور المدينه

استاذنا الفاضل اكرمك الله
علاء كان حيفطس من الحر عشان سكتكه مافيهاش مكيف
ولا الموضوع كده حسد ولا ايه
جزاك الله خيرا

امام الجيل
رقمي 0112274878
اي خدمه
خطي كيبر عشان نظري ضعيف

بنات افكاري
اولا شكرا علي هذا الكلام لانه يجعلني ابحث اكتر واغطي الموضوع اكتر
انا سوف اكلم الاستاذ علاء واخد منه باقي الاقتراحات وباقي الكلام لانني لم اكن موجود في الوقت كله
وسوف يتم تحديث المقال قريبا بعد تكمله التغطيه

شقاوة شعب said...

جزاك الله خيرا يا مطحون على هذه التغطية المتميزة
يارب الموقع يتعمل بسرعة عشان ندخل فى الجد بقى

وطـــني said...

ندعوكم للمشاركة بإستطلاع مدونة
وطـــــــــني
هل تؤمن بوجود فتنة طائفية بمصر؟

ikhwange_masrey said...

السلام عليكم ...

ايوه يابا هيا دى التغطيات


مفيش حد يثدر يشترك معاكوا تانى ولا إيه ؟

المواطن المطحون said...

شقاوة شعب

احنا باذن الله بنعمل مجهود جامد حتي نخلص الموقع بس حضرتك عارفه ان المشكله هيا في المبرمجين
باذن الله تتحل

وطني

باذن الله

ikhwange_masrey
اي خدمه
ممكن تشارك معانا طبعا
وباذن الله حقول قريبا ازاي تشارك

المواطن المطحون said...

تم ضم التحديث الي الموضوع الاصلي جتي يكون شامل

ikhwange_masrey said...

بسم الله ما شاء الله ...

شكلكهم كلهم ناس محتريمين


شكرااا ليك حبيبى

Sharm said...

ربنا يوفقكم

عصفور المدينة said...

ابقى شرفني في البلوجسبوت إيه اللي وداك في المدونة الاحتياطية
اللي على الوورد بريس دي للطواريء والناس اللي محجوب عندهم بلوج سبوت
وتاني ألف مبروك

على فكرة متهيألي مشكلة
RSS
بسبب اسم المدونة
اللي هونقطة فياريت تغيره تخليه مواطن مطحون
عشان أعرف اتابع معاك هو شغال على جوجل ريدر
بس انا باستخدم
www.bloglines.com

امام الجيل said...

ايه يا بنى التغطيات الجامدة دى ربنا يكرمك بجد وفيت الموضوع كله
طب مخدتش الرقم من عمرو ليه يا فالح بطلوا حركات دى بقى
انا عارفها
طيب هاجيبك هاجيبك هتروح فين يعنى
صغر خطك شوي

شذى مولوتوف said...

ما شاء الله
طب هو مفيش بنات لية؟؟

الحمد لله انا مجيتش كنت هامشى على طوووووووووول

عايزين المرة الجاية لو فى ان شاء الله البنات يشاركوا

المواطن المطحون said...

شذى مولوتوف

ازاي
كانوا موجودين بس مالهمش حظ في الصور

شقاوة شعب - أنا محظورة - باحبك يا مصر - أنا كده

كل دول كانوا موجودين

النجمة الصامدة said...

ماشاء الله
ربنا يعين الجميع
بجد كان نفسي أكون متواجدة
بس يلا خير
ماليش نصيب
بس ان شاء الله المرة الجابة اكون موجودة
جزاكم الله خيرا على نقل الاحداث

Monzer said...

ربنا يكرمك يا مطحون
ونورتنا بالزيارة
لو كنت لحقتك كنت نزلت معاك اسكندرية
يابختكم بيها