بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

Monday, August 13, 2007

صاحي وبيلعب

صاحي وبيلعب



يالهوي



دي مشكله




هوا ايه اللي صاحي وبيلعب دا؟؟؟

حنهزر ولا ايه

فكروا معايا كده

ايه اللي البياع بينده عليه

صاحي وبيلعب




ها لسه ماعرفتهوش



!!!!!!!!!!!!!!!!!!!



السمك
سؤال
السمك بيعيش فين ويا اولاد ؟

اجابه
يعيش السمك في الماء


يا يعيش يا يعيش




بس السمك بتاعنا هنا مش صاحي ولا هو بيلعب

دا سمك تدويني




زي التاج التدويني كده



انا اقولك ليك عندي تاج
عندك ليا تاج
التاج علينا حق
تاج تيم

والحاجات دي

لكن وانا في ساعه صفا وبعمل شات مع مصطفي

صاحب مدونه اخوانجي حتي النخاع

احنا نتبادل المعلومات

في علم التدوين

من اضافات وخربشه في مواقع جافا

والتعرف علي اشياء جديده تفيد المدونات

واشياء من هذا القبيل

بدأنا نعمل بعض الاشياء اللي مانعرفهاش

والمثل الصيني
يقول اعطني شبكه ولا تعطني سمكه

ومن هذا المنطلق
اخترعنا السمك التدويني

والشبك التدويني


ايه دا ياعم
سمك ايه وشبك ايه
ايه الزفاره دي

ولا عشان انتا اسكندراني حتقرفنا بقي

ايه يا با

اضربني احسن
دا سمك طازه
ومش بايت
وبالصلي علي النبي
من غير ولا مليم ابيض ولا احمر
وصاحي وبيلعب
واللي ما ياخد منه يتفرج عليه
...............................................................................

السمك التدويني

هوا كل اضافه جديده يرسلها

مدون لاخيه المدون

حتي ينمو علم التدوين
وتصبح المدونات

ميت فل وعشره

...............................................

عرفنا السمك


ايه الشبك دا بقي

الشبك التدويني بقي
دروس وشروحات يخليك تعرف تصاد السمك

وتقليه وتشويه زي ماتحب


فين السمك دا ورينا كده


اول سمكه في تاريخ التدوين
اطلق علها لفظ سمكه تدوين

وصلت ليه من مصطفي
صاحب مدونه اخوانجي حتي النخاع

ولم يكن يعرف لقب سمكه

انا وهوا اتفقنا علي الاسم

وانا اهديلكم هذه السمكه
وتاكلها زي ماتحب

مقلي مشوي او حتي طاجن




دا رابط لموقع

به حبه جافا

اوعي وشك

تلعب في المدونه زي ماتحب

شكل ايه ولعب ايه

وبالنسبه لشبك المدونات

انتظروه


قريبا من تصنيع وانتاج وتصميم واختراع مدونه المواطن المطحون واجوانجي حتي النخاع


انا اهدي السمكه دي لكل مدونين المدون خانه وكل مدونه في قائمه مدونات للزمن عندي


اهديها


لــــــ


عصفور المدينه


اما الجيل


شقاوه شعب


انا محظوره


مش حسكت


مش انا


لسه عاايش


صمود


لسانها ملوتوف


اخ جامعه


حلم الحريه


ابن ناصر


كش ملك


كلام وفش غل


الحصاد


صاحب البوابه


انا بحبك يا مصر


صناع الحريه


كان يا مكان




وكل مدون عايز او محتاج السمكه في مدونته





بالهنا والشفا


ياريت كل اللي شاف وقرأ الموضوع

يقول ايه رايه في فكره السمكه

مستني ارائكم

عن السمك

واسف علي الزفاره



تحديث
قررنا نحن
محمد عصفور صاحب مدونات الموان المطحون وعصفور اسكندريه
ومصطفي يحيي صاحب مدونه اخوانجي حتي النخاع
ومريم صاحبه مدونه افتكسات حياتيه
انشاء مدونه
خاصه بفكره السمكه
وسوف يتم الاعلان عنها قريبا
وبعون اللهه وفضله
بأدنا في تجميع السمك
وتصنيع شبك تدويني
ونرجوا من الله التوفيق

26 comments:

ikhwange_masrey said...

ايوه يا مطحون ....


إيه السمك الحلوة دا والطازة دا ؟؟؟

هبقا أشترى من عندك سمك كتيير
أتنين كيلو فى اليوم

يا ريت بقا فكرة السمكة دى تكون منتشرة ....


إخوانى حتى النخاع ...
مصطفـــــــــى

عصفور المدينة said...

همهمهمهمهم
الحمد لله
ممكن منديل عشان مفيش مية
شكرا يا محمد يا بني
بارك الله فيك شرفتنا بالزيارة واشبعتنا سمكا

عصفور اسكندرية ( المواطن المطحون ) said...

ikhwange_masrey
اوك يامان
انا مستنيك

عصفور المدينه
اتفضل
منديل
اللي خلانا نعمل سمك
نعمل مناديل
يا رب السمكه تكون عجبتك

meroo said...

حلوه افكره بس انا مش مستوعبه اوى يعنى اضافه جديده عن اى حاجه وفى التعليق ولا بالايميل ؟؟

عصفور اسكندرية ( المواطن المطحون ) said...

meroo
الاضافات دي للمدونه
زي الساعه وعداد الزوار

بس حاجات جديده
شكل الماوس
شات بوكس
حمايه اكتر
سرعه اكبر

تغير الخلفيه الشكل والاولوان
ولو دخلتي علي موقع السمكه اللي فوق في البوست
حتعرفي اكتر
وباذن الله اول شبكه
حتكون شرح مبسط
لاستخدام السمك وكيفيه عمله والبحث عنه

النجمة الصامدة said...

انا لسه ما كلتش السمكة

بس بجد
فكرة حلوة
خلونا نستفيد شوية
والاهم من السمك فعلا
الشبك الله يكرمكم عشان الناس الجهلة والاحراج والحاجات دي
:)

بوركت عقولكم

عصفور اسكندرية ( المواطن المطحون ) said...

النجمه الصامده
بارك الله فيكم ايضا
باذن الله الشبك حيكون قريبا جد
بس اللي بيأخرنا هوا بعد المسافه والسفر بيني وبين مصطفي
عشاناحنا حنعمل برمجه الدروس مع بعض

karamella said...

شكرا ع الصاحي وبيلعب
اول سمكه اهديتها لشويه حبايب
واحنا مش فيهم احنا بقي بالصلاة ع النبي ــ صلي الله عليه وسلم ــ اللي ما يشتري يتفرج
ادينا حنتفرج ونستفيد برده
جزاك الله خيرا
فكرة جميله
وانا متابعه
مع الصيده الجايه

عصفور اسكندرية ( المواطن المطحون ) said...

karamella

معلش انك مش فيهم
دول اللي جم علي بالي
والسمكه لكل الناس في العالم اللي بيعملوا التدونين في كل العالم

حلم الحرية said...

سمكة !!!

فكرة جامدة موووووووووت

واللذيذ انه طازة وبيلعب

جزاكم الله خيرا عالسمكة

وجاري فصفصتها اصدي تجربتها


قبل ما امشي
طريقة عرض الموضوع حلوة وجديدة وفيها فكرة

تحياتي

امام الجيل said...

مفيش زفارة ولا حاجة يا سيدى كفاية انه جاى من اسكندرية وانا لسه مصيفتش اصلى طيب هنشوف ايه حكاية السمك مع انى بتخنق من شوكه بس اذا انحشرت سمكة هارفع عليك قضية واطلب تعويض انت حر بقى
وهنبقى نعزمك على حاجة حلوة بس تعالى انت بس

عصفور اسكندرية ( المواطن المطحون ) said...

حلم الحريه
جزاكي الله خيرا
يارب يعجبك السمك

باذن الله السمك اللي جاي يعجبك

maro said...

ايوه كده
هو ده الشغل و لا بلاش
ايوه يا رجاله صح كده الله عليكم كده بنضرب اكتر من عصفوربحجر منها تدوين و بنفش غليلنا فيه و منها استفاده و منها اكل كمان و ما الذ و احلى السمك الظازج و المشوى كمان الله
بس عندى لوم صغير
ازاى تنسى ذذر حبيب القلب ده عامل شغل رهيب و ممتع اسمه منذر و مدونته حين الباس
شكرا لك

ikhwange_masrey said...

إلحق يا عصفورنا .....

لقيت سمكة طاااااااااااااازة وسووووووووووخنة أوى أوى أوى

ابقا قابلى على الأميل

ولا تخاف ... الموعد قريب جدااا للقاء وعمل الدروس...علشان نخلى الى مش عارف يعمل حاجة نخلى عنده مدونة أد الدنيا

مصطفى ( إخوانى حتى النخاع )

عصفور اسكندرية ( المواطن المطحون ) said...

باذن الله يا مصطفي انا حفتح الميل الان

طال الليل said...

ربنا يحفظك أخى ويحعل الجنة دارك ممكن ترحم جهلى الإلكترون والتكنولوجى
ياناس أنا بفتح النت بالعافية ومش فاهم حاجة خالص من المكتوب يعن السمك دة يعملو بيه إيه وموضوع الجافا يختلف فى إيه عن الثيم
أنا جديد ينوبكم ثواب متضحكوش على جهلى ولو إنه يضحك
حد يساعدنى ويعرفنى فين أقدر أتعلم الجافا دى وبعد كده يمكن تلعب معايا البلية وأغرق مدوناتكم سمك
أخوك محمد مدونة شهادة لله وحده

عصفور اسكندرية ( المواطن المطحون ) said...

طال الليل
ولا يهمك اخي الكريم

احنا معاك ممكن نتعلم خطوه بخطوه عن طريق تعليمك الكمبيوتر علي النت اون لاين

تابع معي في الميل

asfour20052010@hotmail.com

هاني جابر said...

السلام عليكم
فكرة جميلة جدا
ما شاء الله ربنا يباركلك
علي فكرة انا طبيب بيطري لو حد السمك الي عنده تعب ولا حاجه عنوان العيادة ميتوهش
مدونة بحب الحرية

فى القلب said...

ده أشر بياض و لا موسى
أصل ما فيش أروع من ده
تحسه كده صافى وجميل من بره ومن جوه
ومفهوش ريحه الظفاره بالعكس دى ريحته تجرى الريق
بجد متعتنا بالوجبه دى
وبمناسبه قرب شهر رمضان
أفطر عندك الصائمون وأكل طعامك الأبرار

عصفور اسكندرية ( المواطن المطحون ) said...

في القلب
الله يكرمك
بس المهم تكونوا عرفتوا تستخدموا السمكه
السمكه دي الكترونيه
ويوجد برامج تحويل لها
يعني ممكن بلطي بحر او نيل او بوري او
حتي اي نوع تحبيه

اللهم بلغنا رمضان وصيامه وقيامه

قلب أبيــض said...
This comment has been removed by a blog administrator.
عصفور اسكندرية ( المواطن المطحون ) said...

حلم الحريه
مدام الفكره عجبتك ممكن تنشريها

امام الجيل
هههههههه
دا من غير شوك
انا عايز اشوفك بجد وحشتني

maro
ايه ياعم منذر
عصفورين بحجر
انا عصفور برضه يا اخي
انا مش ناسيك

هاني جابر
حكون علي اتصال معاك
وبالنسبه لانفلونزا السمك اديهم ايه

ياسر سليم said...

العريان وراء القضبان

شاركنا فى حملة التضامن مع الدكتور عصام العريان

على مدونتى

مريم said...

بجد الفكره كانت فى دماغى جزاكم الله كل خير

و ممكن تكون حاجه ثابته و منظمه بين المدونين للفايده العامه يعنى

و انا كنت حطيت فكره بسيطه عندى على مدونتى

صانعة الحرية said...

السلام عليكم
جزاكم الله خيرا على السمكه يا اخ عصفور
وجميله الفكره
ربنا يمن على حضرتك بافكار جميله كده
ويستخدمك ف نصرة دينه

محمود الدوح said...

بجد فكرة تحفة وعايزين ننشرها فى المدونات كلها
لو فى اى جديد ممكن تبلغونى