بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

Tuesday, December 18, 2007

مفأجه العيد

اولا كل عام وانتم بخير
ثانيا عيد سعيد
ثالثا
اسف علي الاهمال في المدونه والاهمال في متابعه اصحابي المدونين
رابعا انا عندي امتحانات ومذاكره

خامسا
دي قصه من مدونه اخف دم لصاحبها وكاتبها اشرف توفيق الكاتب الساخر
اهو تجديد بدل وقف الحال دا
عشان انا بحضر لبوست جامد عشان افتتح بيه المدونه رسمي في اجازه نصف العام




هل تتذكرونة انة ادهم صبرى رجل المستحيل
الان نقدمة لكم بشك جديد مختلف اختلافا تاما عما عرفنا من قبل



أدهم صبري وأزمة المياه
أدهم صبرى ضابط مخابرات مصرى جامد، داخل ع الستين من عمره، يرمز له
بالرمز ب-516 ، حرف الباء يعنى أنه من بولاق، أما الرقم 516 فده رقم الأتوبيس اللى بيركبه عشان يوصل محطة البحوث ومنها يوصل لرمسيس يغير المترو عشان ينزل محطة القبة بتاعة المخابرات.هذا لأن أدهم رجل من نوع خاص حيث أنه يجيد قيادة كل أنواع المواصلات من الطائرات والغواصات والسوبرجيت حتى التوك توك،ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية، ويجيد 66 لغة بالصلا ع النبى وفيه لغتين اتعلمهم وهوه نايم،ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة
لقد أجمع الكل ومنهم أنا أنه من المستحيل وربنا أن يجيد رجل واحد فى عمر جدى كل هذه المهارات ولذلك استحق هذا اللقب .. رجل المستحيل





ازاى الكلام ده؟؟
جلس مدير المخابرات الجديد على مكتبه وهو يتذكر ماحدث حتى الآن فى
هذا الأمر الصعب الذى تمر به مصر وما حدث من أدهم (لمزيد من التفاصيل راجع العدد السابق65467 الجزء التاسع من المغامرة بعنوان"قال عايزين يخطفوا محسن")وبعد قليل طرق أدهم الباب فأذن له بالدخول واستنشق بعض الأكسجين من الهواء فالإنسان لابد أن يستنشق الأكسجين حقيقة علميةوقال لأدهم الأمر اتأزم جدا يا ب-516،نص محافظات مصر مش لاقية تشرب مية والناس خرجت بالجراكن وعاملين ثورة اسمها ثورة الخراطيم، كل واحد جاى بالخرطوم وهيقطعنا.. والقيادة العليا بتشك فى إن ده ملعوب من المخابرات المعادية الإسـ...(لا لا مش الإسرائيلية) وكمان التقارير بتقول ان سونيا جراهام هنا
يغضب أدهم ويقول يبقى جه الوقت اللى هاقدر آخد ابنى الرضيع منها، يرد المدير رضيع إيه يا أدهم؟؟ ابنك زمانه قدى دلوقتى .. دانت سايبه فى العدد 100 ،وبعدين هما عملوا حاجة عشان انت اللى تقوم بالعملية تحديدا..يرد أدهم عااااارف عاااارف .. أكيد خطفوا قدرى .. يافندم الراجل ده اتخطف أكتر ما زور جوازات .. يرد المدير دى تذكرة الطيارة اللى هتسافر للمنصورة بعد 3 ثوانى عشان مفيش مية هناك فى نص المراكز..الحق غير هدومك وزور قرايبك ع السريع والحق الطيارة.. أخذ أدهم التذاكر وهو ينظر إليه جامد
جامد
جامد
جامد
************
!!ينفع كده؟
هبط أدهم من الطائرة فى المنصورة متنكرا فى شكل طفل فى رابعة إبتدائى وأشار إلى توك توك وهو يلاحظ السيارات التى تراقبه وفهم فورا بذكائه ازاى العصابة عرفته رغم التنكر فقد أخطأ وقال لسواق التاكسى أحلى صباح فعرفوا علطول انه أدهم عشان قال حرفين الألف والصاد المشهور بيهم..المهم رمى أدهم سواق التوك توك وتسلم مقعد القيادة وتذكر كيف أن أبوه فى الخمسينيات علمه كيف يقود التوك توك عشان يبقى أحسن ظابط مخابرات، انحرف أدهم فى حتة ضلمة وانحرفت العصابة وظهر أدهم للعصابة فخرج من السيارة 100 شخص مسلحين ولكن أدهم أخرج مسدسه أبو 6 طلقات وضرب رشاشاتهم كلهم من غير ما يجرح واحد فيهم وبعدين للأسف المسدس معدش فيه رصاص ولكن أدهم رجل المواقف الصعبة دور الضرب فى الرجالة .. ففقد 65 واحد الوعى ولكن التانين فهموا الخدعة فعملوا دايرة حول أدهم ولكن أدهم طار فى الجو ونزل عليهم كلهم .. وفى لحظة وصلت إمدادات العدو كمان200 واحد .. ولكن أدهم ضربهم كلهم برضه ووصلت الإمدادات التانية حوالى 500 واحد كمان ولكن الكثرة تغلب الشجاعة .. يعنى حوالى 800 واحد على واحد كتير برضه
وفقد أدهم الوعى أمام عدوه اللدود
الفظيع
الشنيع
المريع
************
والله ما يحصل
أفاق أدهم فوجد نفسه فى مخزن وبجانبه المحروس قدرى كالعادة مربوط..وأمامهما سونيا جراهام ست زى القمر فقال لها أدهم إيه الحلاوة دى يا سونيا؟؟ انت كل ما تكبرى تحلوى؟؟ ترد سونيا مش أحسن منك ياللى مش بتكبر أصلا!! يتمتم أدهم ياللنسااااء
ويسألها: ليه انتوا قطعتوا المية عن نص البلد والناس مش لاقية تشرب وبتشرب مية المجارى والناس مش عارفه تغسل وبيغسلوا هدومهم فى الترعة؟؟
تقول سونيا عشان الشعب يفتكر ظلما ان الحكومة بتاعتكم هيه اللى عاملة كده؟
أدهم بفضول :يعنى بجد والله الحكومة مالهاش ذنب؟
ترد سونيا : لا طبعا .. حكومتكم أحسن حكومة دلوقتى ..الشباب كلهم بيشتغلوا.. الجنيه بقى أغلى م الدولار .. الأسعار نزلت ..الانترنت بقى ببلاش فى البيوت.. ما فيش حاجة بتتباع فى البلد.. بنك القاهرة ما اتباعش ولا عمر افندى..الفضيلة انتشرت فى البلد ولغوا كل القنوات اللى بتتحدى الملل.. المية واصلة للبلد كلها والمواسير بقالها 200 سنة عشان المحافظة ع التراث.. انتوا اللى شعب غلباوى
غلباوى
غلباوى
************
ما تلمى نفسك بقى
قطع أدهم قيوده فجأة وماتسألش ازاى (آه نسينا نقول فى المقدمة انه يجيد التخلص من كل القيود فى الدنيا)وصفع سونيا جامد يعنى ولكن الحارس جه من وراه وضربه ولكن منى(اللى أصلا عندها كام وخمسين سنة) جت فجأة مش عارفين منين وضربت الحارس من وراه وأنقذت الموقف .. نظر أدهم فى عين منى وقال لها تتجوزينى؟؟ ترد منى فى حياء: ماينفعش يا أدهم عشان أنا جسمى كله واوا .. يغضب أدهم ويخرج من المكان بعد أن حرر قدرى وهوه يغنى ليك الواوا ..بوس الواوا..خللى الواوا يصح
وهو فى الطريق ينحرف الجميع إلى أقرب بيت ويطلب منه أدهم بعض الماء للشرب.. ولكن صاحب البيت الحاج بيومى يخرج بمقشة هوه وعياله ويحتجزون أدهم ورفاقه وهو يصرخ: زى ما العصابة خطفت محسن ابنى، أنا كمان هاخطفكم، وبعدين انتوا جايين تطلبوا مية ؟؟ هوه فيه مية فى البلد ياولاد الكلب
..الكلب
..الكلب
..الكلب

شكر خاص لمدونه اخف دم لصاحبها وكاتبها اشرف توفيق
وكل سنه وانت طيبين
وعقبال حجكم

34 comments:

Ahmed Al-Sabbagh said...

ده انا فطست من الضحك وروحى طلعت

وصوتى على والجيران اتلمت عليا

من كتر الضحك

اصل انا كنت مدمن رجل المستحيل وعارف كل تعبيراته وفاهم كل كلمة

بجد انت مش ممكن انت معجزة

انا هسجلك عندى واتابع

كل سنة وانت طيب

وعيد سعيد عليك

تحياتى

عصفور اسكندرية ( المواطن المطحون ) said...

السلام عليكم
شكرا احمد بس علي فكره مش انا اللي كاتبها دا علي صاحبي في الكليه بعتها ليا انشرها ليكم
انا برضه قعدت اضحك لما كنت خلاص
هههههههههههههههههههههههههه

حلم الحرية said...

هههههههههههههههههههه

بجد مش قادرة امسك نفسي من الضحك

اخويا الصغير جه علي صوت الضحك بيقولي بتقري ايه

وبعدها بقيت مش انا بس اللي باضحك بقينا اتنين بيضحكوا وقعدنا نحاول اننا نوطي صوتنا لان صوت ضحكنا كان ممكن مش يلم الجيران بس لا يلم اسكندرية كلهاعلينا

جامدة جدااااااااااااااااااااااااا

بقالي كتير مقريتش حاجةوضحكت كده

عايزين من ده كتيييييير



مستنيين الافتتاح قريب ان شاء الله
وكل سنة وحضرتك طيب

تحياتي

عصفور اسكندرية said...

السلام عليكم
حلم الحريه
يارب يكون الضحك دا سعاده لينا بالعيد
علي فكره اسكندريه كلها اتلمت خلاص

الافتتاح باذن الله في اجازه نصف السنه
دعواتكم

عصفور المدينة said...

عثثثثثثثل

أمريكاني على أدهم صبري على أفلام عربي على طاحونة الوطن

محمد مارو said...

هههههههههههههههههههههه
اولا كل سنه و انت طيب
ثانيا و الله يا عصفور انا من اولى اعدادى و انا بطلت اقراء ادهم صبرى ورجل المستحيل لانى حسيت انهم اشتغالات و روحت اقرا ارسين اوبين و اجاثات كرستى بس بطلتهم برده
كل سنه و انت طيب

glagola asfour said...

ههههههههههههه
وربنا عسل يا حمو يخرب عقلك بتضحك طحن وكل سنه وانتو طيبييييييييييين

عصفور اسكندرية said...

تنويه هذه قصه من مدونه اخف دم لصاحبها اشرف توفيق

عصفور المدينه انت والله اللي عثل دي خلطه جديده نوفي

عصفور اسكندرية said...

مارو
انا برضه مش بقبلها لكن لقيت دي جامده طحن وعجبتني
وانت طيب وبالصحه والسلامه

عصفور اسكندرية said...

هاجر
اسكتي يابت انتي
وانت طيبه وبالصحه والسلامه

محمد عبد القوى said...

عصفور
يخرب بيت كدة..صاحبك ده جامد فعلاً
هو ده بوست العيد بجد
كل سنة وانت طيب

------------------
ملحوظة: اقروا على مدونتى مدونة قلم الحرية..العيد فرحة..هتعجبكم

sasoo said...

كل سنه وانت طيب يا عصفور
بجد لذيذه وعجبانى اوى الواو والتوك توك لاء حلو بجد

وضـّاح said...

راااائعة

تعرف أنا تقريبا قرأت كل مألفات نبيل فاروق .. لكن شكلي هغير قريبااا

أكرمك الله

ali said...

ايه ياعم ولا كلمه كل سنة وانتا طيب عششششان العيد عيب والله
على العموم كل سنة وحضرتك طيب وقلت ابعتلك القصه عشان تضحك وتفتكرنا حتى بشتيمة ؟؟؟؟؟؟؟؟؟؟؟؟........................سلام
سلام

ali said...

ثم يااستاذ عصفور انا باعتلك القصة نقلا بامانة عن منتدي الدفي دي العربي قسم القصةمش من اللي حضرتك اشرت اليه في المقدمة ................
.قشطة ياباشا

فرنسا هانم said...

كل عام وانتم بخير
وعيد سعيد
انا منتظره افتتاح المدونه
فى اجازه نص السنه
وياريت يكون فى عشاء

شقاوة شعب said...

كل سنة وحضرتك طيب فى اول ايام عيد الاضحى المبارك اعاده الله علينا وعليكم باليمن والبركات
وان شاء الله السنة الجاية على جبل عرفات

وطبعا البوست اكتر من راااائع
انا قريته قبل كدة ومت على نفسى من الضحك

وقريته دلوقتى وكانى بقراه لاول مرة

تحياتى
شيماء

ENAS said...

ههههههههههههههههه
حقيقى صحبك دا فقر ربنا يكرمة ضحكنى وانا كنت طهقانة حقيقى أرسلة تحياتى
وكل سنة وانت طيب يا عصفور

صانعة الحرية said...

السلام عليكم
كل عام وحضرتك بخير يا اخ عصفور
وربنا ييسر لحضرتك المذاكره
وعلى فكره الاناشيد اللى حضرتك طلبتها فى المنتدى احدهم وصل
ياريت تستلمه
وجزاكم الله خيرا

مروة الزارع said...

هههههههههههه نيااااااهاااا هئهئ هئهئ

بص انا مكنتش بحب ادهم صبرى وكنت بحب ملف المستقبل

عالعموم كل سنة وانت طيب

جندى الدعوة said...

شارك فى استفتاء برنامج العاشرة مساءا على قناة دريم

الاستفتاء مكون من 14 سؤال الاهم لينا هو السؤال


اهم قضية راى عام نظرت فى المحاكم فى 2007؟

والاجابه معروفة لينا كلنا

هى محاكمة 40 اصلاحى من الاخوان المسلمين امام المحاكم العسكرية

يلا ياشباب شدوا الهمة وانشروا الموضوع ده مهم جدا لينا

استفتاء العاشرة مساءا

http://www.el3ashera.com/

مدونة فين الوطن

http://fenelwattan.maktoobblog.com/

تجمع المدونين الطامحين في وطن عربي بدون سجين رأي واحد said...
This comment has been removed by the author.
عصفور اسكندرية said...

محمد عبد القوي
كل سنه وانت طيب
فعلا هو دا بوست العيد
العيد فرحه

صاحب القصه مشكله ربنا يبارك له

العيد فرحه

عصفور اسكندرية said...

ساسوو
كل سنه وانتي طيبه
عيد سعيد
لازم رجل المستحيل يجاري الاحداث الجاريه

عصفور اسكندرية said...

وضاح
شكرا علي المرور
كل عام وانت بخير
لالا ماتغيرش بس خليك متابع

عصفور اسكندرية said...

علي باشا
كل سنه وانت طيب
انت الشتيمه خساره فيك
انت اكبر من كده
بس يا باشا القصه دي من المدونه الي فوق عشان دا كاتبها الاصلي

عصفور اسكندرية said...

فرنسا هانم
يا مرحب يا مرحب
باذن الله قريبا جدا الافتتاح
وحيكون تحفه
كل سنه وانتي طيبه

عصفور اسكندرية said...

شمياء
كل سنه وانتي طيبه
دا من بعض ما عندكم
شقاوه من شعبكم
وباذن الله السنه الجايه في الحج

عصفور اسكندرية said...

ايناس
اضحكي اضحكي
العيد فرحه
كل سنه وانتي طيبه
المدون صاحب القصه عنده منها كتير

عصفور اسكندرية said...

صانعه الحريه
كل سنه وانتي طيبه
شكرا علي التبليغ علي الاغنيه انا روحت هناك
شكرا

عصفور اسكندرية said...

مروه الزارع
كل سنه وانتي طيبه
كل دا ضحك
ههههههههههههههه

عصفور اسكندرية said...

جندي الدعوه
شكرا علي التذكير
تمام وسينفذ

عبده عصفور said...

القصة حلوة بس عيبها حاجة واحدة هل كاتبها استئذن من د/ نبيل فاروق على هذا الاقتباس اللطيف ؟ مع الشكر ادهم صبرى (ن 1) (أ ص)

winx said...

http://www.kochikayen.com