بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

Tuesday, December 25, 2007

هم وغم .... حيرة وتعجب

تحديث
ارتفع عد الضحايا الي 35 شهيد
رحمنا الله ورحمهم


لا اله الا الله محمد رسول الله

.........

منه لله المفتري

.......

آآآآآآآآآآآآآآه يابني
حبه عيني يا حبيبي

..........

ياما فينك ياما
ردي عليا ياما


.......

دي اصوات وانفعالات الناس
وانا واقف مزهول من الموقف والدمعه فرت من عيني
12 دور كامل متساوين بالارض
لا حول ولا قوه الا بالله
عماره لوران اللي بقيت زي العجينه
الناس صحيت الصبح علي صوت صوت ايه علي صوتهم وهما بيصرخوا
العماره تتهاوي بيهم من السماء للارض كله فوق بعضه
كلها بقت عجينه منقذ في مكان الحادث

الناس اقارب سكان العماره واقفين منهارين
الجيران مش مصدقين اللي حصل
الامن المركزي واقف محاصر المكان عشان يمنع دخول الاهالي للانقاذ
لدرجه انهم جابوا فرق من الجيش عشان يسيطروا علي الموقف
فرق الانقاذ بتستهبل
مش عارفه شغلها
ولا مش متعوده علي معالجه الكوارث
الناس عايزه تطلع المدفونين بالحيا تحت الانقاض

المحافظ هنا
مدير الامن هناك
اعضاء مجلس العشب ها هنا
اسعاف وانقاذ ومطافي في كل حته
الناس في كل مكان


منه لله المفتري صاحب العماره مرخصها 6 يبنيها 12
كام قرار ازاله وترميم وكله بيخلص بالفلوس
كام عماره وبيت في اسكندريه نفس الشكل
انا بيتي القيدم قبل ما انقل مكان سكني كان متهالك والان يتهاوي ايضا
مناطق كامله مبنيه من غير تراخيص ومعموله اي كلام
كام بيت في اسكندريه بيقع وينهار من المطر في كل شتاء
كام موظف في الاحياء من ادارين ومهندسين بياكلوا حرام ويطنشوا في قرارات الازاله
كام معلم عنده حته ارض راح بناها هوبا هوبا وبيع واخلع
كام وكام وكام وكام
؟؟؟؟؟؟؟؟؟؟؟؟؟؟؟؟؟

الحقيقه
ان العماره انهارت
انهارت العماره وانهارت معها احلام اكتر من 15 اسره كامله تسكن بها
انهارت العماره وانهار امال سكان العمارتين المجاورين لها حيث تم اخلائهما لتصدعهما من الحادث
انهارت العماره وانهار معها الستار الذي يكشف الفاسدين في احياء الاسكندريه والادارات الهندسيه المرشيه
انهارت العماره وانهارت معها احلام الاف الشباب الراغب بالزواج حيث ارتفعت اسعار البناء 3 اضعاف
انهارت العماره انهارت اعصاب مئات الاشخاص من اقارب وجيران الضحايا
انهارت العماره وانهارت معها اعصابي وضربت كف علي كف
وقولت لا اله الا الله

هم وغم : علي ارواح الناس اللي راحت
حيرة وتعجب : من صاحب العماره والمسؤلين

26 comments:

الشريف / جمال طة said...

تصريحات حكوميـــــــــه

حادث عابر ومتكبروش وضخموا الموضوع

العيب فى السكان مش واخده على السكن فى عمارات

المقاول غلبان والموظف حعان والمسئول مش هباش والمواطنين اكثر من الهم على القلب فى المكان ده وبكره ينسوا والناس تنسى

وفوق كل ده المقاول على العمارة فى جنح الظلام ومحدش شافه ولو كان حد شافه بالعند فيكم برده كان حيعمل انه ماشافوش واخبطو رأسكم فى الحيطه
أللهم الهم زويهم الصبر والسلوان واهم ارتاحوا وآههههههه وألف آه يابلد

برجاة الاطلاع مع الشكر
http://gamal51.blogspot.com/
http://anameshm3ahom.blogspot.com/2007/12/blog-post_11.html
http://kalam3eal.blogspot.com/2007/12/blog-post.html

السكندرى said...

حسبنا الله ونعم الوكيل

اللهم اجرنا فى مصيبتنا وأخلفنا خيرا منها

فلنصبر ولنحتسب

ولكن إلى متى نظل هكذا

تنهبنا الحكومة تارة

ويغشنا ذيول الحكومة تارة اخرى

وتزهق بين هذا وذاك أراوح بريئة

وإلى متى نظل ههكذا مكتوفى الأيدى
ولا ندرى ماذا نفعل

أخى الحبيب

ادعوك لرحلة معى إلى غزة
رحلة الدموع والألام

حصريا على جيل الصحوة

عصفور المدينة said...

إنا لله وإنا إليه راجعون

عبدالرحمن فارس said...

الزعيم والقائد والثوره والضربه الجويه الأولى يخلهولنا ويخلي جميع الزعماء

ولتذهب الشعوب الى الجحيم هما فاضيين لينا

والي ماتوا دول ليهم رب اسمه الرحيم

وان لله وان اليه راجعون

بنت البنا said...

السلام عليكم ورحمة الله وبركاته

اخي المدون مواطن مطحون

هذه ليست اول عمارة ...
و لا ندري أهي الأخيرة ...؟؟؟؟

اعتدنا على هذا في وطن العجائب


سيدي...فلنوحد الدعاء على الظالمين

حسبنا الله ونعم الوكيل

اللهم فك اسر والدي وجميع اخواننا المعتقلين

تشر فني زيارتكم

http://ikwan.maktoobblog.com

عبدالرحمن فارس said...

الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و بلادنا أحسن .... بدري بدري كده قبل الزحمه

عمر محمود said...

حسبنا الله ونعم الوكيل
اللهم تقبل الشهداء

ابن اسكندرية said...

حبيبت بس أهنيكم بالسنة الجديدة و أن شاء الله تكون فيها إلى الله أقرب وتحقق فيها كل أهدفك ، ولا تنسى أن تضع لنفسك فى بدايه السنه ده ، (أيه اللى أنت عايزة من عام 2008 ) ويا ريت يكون فى ورقه . عايز علاقتك مع ربنا تكون ازاى ، عايز تحقق ايه فى عمل ، عايز تحصل على دورات أيه ، عايز تصلح ايه فى علاقتك مع أهلك , وفى النهايه لا تنسى علاقتك مع القرأن

ali said...

ان لله وانا اليه لراجعون طبعا في ظل الخراب لازم نلاقي خراب في وجود بشر مش عارفة تفرق بين الحلال والحرام وناس مش لقية تاكل وناس ببتفتري مش اكتر من كونها بتحقق هذا لاشباع رغبة داخلهم ولا نملك بين كل هذا الا قول حسبنا الله ونعم الوكيل

انا مش معاهم said...
This comment has been removed by the author.
انا مش معاهم said...

كل سنه وانت طيب لسه فاكرني
تحياتي
سيف الاسلام

وضـّاح said...

لهم الله

ولنا أيضا

عصفور اسكندرية said...

الشريف جمال طه
مرحبا بكم
فعلا آآآآآآآآآآآآآآه يابلد فعلا العيب علي السكان انهم كانوا مش واخدين علي عمارت

عصفور اسكندرية said...

ابو حنين السكندري
ربنا يتقبلهم شهداء عنده باذن الله
الحكومه بترمي الغلطه علي الحكومه ههههههههههه
عالم غريبه والله

عصفور اسكندرية said...

عصفور المدينه
لله ما اخذ ولله ما اعطي وكل شئ عنده بمقدار

عصفور اسكندرية said...

شاب فارس
الزعماء هم عصب الامه
والشعب جذمه الامه
يتغير وقتما يريد العصب
لا اله الا الله

عصفور اسكندرية said...

بنت البنا
لا ليست اول عماره ولا اخر عماره
البلد بقت كلها قايله للسقوط في هاويه سحيقه
هاويه الظلم والفساد الاداري والمالي والاجتماعي

عصفور اسكندرية said...

شاب فاري تاني مره
وانت طيب
بس شكلها سنه مش ولا بد
هم وغم حيره وتعجب

عصفور اسكندرية said...

عمر محمود
ربنا علي الظالمين
اللهم تقبل الشهداء في جنته

عصفور اسكندرية said...

ابن اسكندريه
وانت طيب
باذن الله يكون عام تقرب الي الله ويبعد عننا الفقر والكفر والفسوق والعصيان

عصفور اسكندرية said...

علي
حسبنا الله ونعم الوكيل
المواطنين انطحنوا خلاص
والبطون اتملت والفساد ريحته فاحت ناس في هم وناس بتشم ورد

عصفور اسكندرية said...

سيف الاسلام
وانت طيب حبيبي
لم ولن انساك عيب عليك

عصفور اسكندرية said...

وضاح
هم في زمه الله
ونحن لنا الله من الفاسدون

amany said...

حيره وتعجبن من المسئولين ؟

هما المسؤلين هيعملوا اى بس
يعنى هما بيلعبوا
اكيد سهرانين طول الليل بيحلموا ازاى الناس تصحى الصبح فى 2200 على يوم جميل

اااااااااااه

حسبنا الله ونعم الوكيل

CresceNet said...

Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.

السـيد شبـل said...

موضوع هايل وتمنياتى بالتوفيق

ممكن استغل المساحه للاعلان عن موضوع غايه ف الاهميه



ادعوكم لزيارة مدونة


السيد شبل ... بلا اسم

www.bela-esm.blogspot.com


للتعرف على اهم مبادره للتقريب بين الاخوان والناصريين وايضاح صوره كامله حول الاشتراكيه الاسلاميه




لكم خالص تحياتى وتمنياتى بالتوفيق

السيد شبل