بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

Wednesday, September 19, 2007

استطلاع هلال رمضان


بعد غد باذن الله تعالي
الموافق السبت
سيتم استطلاع هلال شهر رمضان في مجمع نظري
هذا ما اعلنه بعض الطلاب في المجمع
وسيتم استطلاع الهلال من اكثر من مكان
جبلايه تربيه وارض عايده وشارع القبط وملعب اداب ووسعايه علوم
علي ان يبدأ الصيام باذن الله من اول شهر عشره
وقال مصدر مسؤل في كليه الحقوق انهم لن يستطلعوا الهلال هذا العام
لظروف خارجه عن الاراده

وقد اعلن اغلب شباب المجمع تمسكهم بالفتوي الصادره عن مفتي ديار الجامعه بحرمه زياره المجمع في شهر رمضان وانه لكبيره واثم عظيم الا من كان يزوره لضروره ملحه

فيما اعلن لسان حال اغلب صبايا المجمع ان شهر رمضان لم يدخل بعد
وانه من فطر صائماً كان له مثل أجره غير أنه لا ينقص من أجر الصائم شئ

ياخونا الحديث مش يقصد الفطار في نهار رمضان ولكن لاحياه لمن تنادي

وقد فقد اغلب شباب كليها لتربيه صيامهم اثناء سحب حافظه المصاريف السنا دي وذلك لشتمهم موظف شئون الطلاب نتيجه ارتفاع مصارييف الكليه الي 165.5 جنيه مصري لاغير بعدما كانوا يدفعون 125.5 العام الماضي واللي يسبقه و 47.5 في العام الذي قبله

اما طلاب اتحاد كليه الاداب فقد جن اكثرهم نتيجه الصايم

اما في كليه تربيه فقد جنت لوحات الاتحاد ايضا من الصيام فاصبحت في كل مكان تحاصر الطلاب

.......................................................................
هذه الاهترائات والهرتلات من مجمع نظري اعاده الله علينا باليمن والبركات
سؤال اخير
هل رمضان دخل ولا لسه ؟
وكل سنه وانتم طيبين

Sunday, September 16, 2007

مطبخ مطحون

النهارده بوست جديد خالص ومن نوع جديد خالص
النهارده بوست
مطبخ مطحون
لشهر رمضان
انا شوفت اكتر من مدونه
مالقيتش اي مدونه عامله اكله جديده لرمضان
قولت اعمل انا ليكم
حنقدم هنا
اكله جديده ممكن ناكلها في رمضان
اكله بسيطه
سريعه
غير مكلفه
تكفي الاسره كلها
تكفي سته افراد
وتؤكل فقط
مع السلاطه
بدون اصناف جانبيه
....................................
نجرب ونشوف
........................................
اسم الاكله
مكرونه بالبشاميل علي الطريقه الاسكندرانيه
دي مش اي مكرونه بشاميل
دي بطريقه جديده
ومنها تعليم الطبخ
للي مابيعرفش يطبخ
.............................
اولا المقادير
واحد كيلو مكرونه بنـّا او صوابع
ربع كيلو جلاش
نصف كيلو لبن
ثلاثه بيض بلدي او اثنين احمر
ملح
فلفل اسمر
نصف كيلو لحمه مفرومه
بصله
....................................
اولا تحضير البشاميل
يوضع اللبن كاملا في الخلاط بعد الغلي ومع البيض مع ربع معلقه صغيره ملح او حسب الرغبه ورشه فلفل اسود صغيره جدا وتضرب في الخلاط جيدا جدا
............................
ثانيا تحضير اللحم المفروم
تفرم البصله صغير جدا ويوضع عليها ملح وفلفل حسب الرغبه وتوضع عليها اللحم علي النار حتي النضج
....................................
تحضير المكرونه
تسلق المكرونه في ماء علي النار ثم تصفي ولكن بدون شطف في ماء بارد
......................
التجهيز النهائي
نحضر صنيه كبيره بس مش اوي
وتدهن بالسمن
ويوضع نصف كميه الجلاش في قعر الصنيه
يفرش طبقتين طبقتين
ويوضع فوقه نصف كميه المكرونه
ويفرش فوقها اللحم المجهز
ونضغ باقي المكرونه فوقها حتي تصبح الصنيه ذات سطح مستوي
ونضع فوقها باقي كميه الجلاش
يفرش ايضا طبقتين طبقتين
ثم تقطع الصنيه بالسكينه الحاده الي قطع حسب الرغبه
ثم نحضر البشاميل المجهز ويصب فوق الصنيه بالكامل في جميع الجوانب
......................
التسويه
نشعل الفرن علي اعلي درجه
لمده 10 دقائق
ثم نخفض درجه الحراره قليلا
ثم نضع الصنيه في الفرن
لمده نصف ساعه
او لحين النضج واحمرار وجه الصنيه
..............................
وبالهنا والشفاء
............................
سلطات توضع جنب المكرونه
................
سلطه خضروات
شرائح الفلفل مع طماطم مع جرجير وخيار واس خصروات موجوده
بشرط غسيلها جيدا
بمحلول
برمنجانات البوتاسيوم
يحضر من الصيدليه
ويوضع جرام علي اثنين ليتر ماء لغسيل الخضروات
ثم غسيلها بالماء
..........................
سلطه زبادي
اثنين زبادي كبير
اثنين حزمه بقدونس معقمه مفرومه
ربع فنجان قهوه به خل
ربع ملعقه صغيره ملح
رشه فلفل اسمر
خمس فصوص توم مفروم طازج
ويخلط كل المقادير مع بعض وتضرب بالشوكه جيدا
وتصب في اطباق
وتزين بالبقدونس البسيط فوق الطبق
........................
لكيد الان المكرونه استوت في الفرن
يبقي لازم نعمل الكاتشب الخاص بتاعنا عشان يوضع فوق المكرونه
..............................
الكاتشب الخاص
واحد كيس صلصه ابو جنيه او صلصه منزليه
معلقه صغيره سكر
معلقه صغيره ملح
قرن فلفل حامي مفروم لو عايز الكاتشب حار
حبه اي بهرات من المطبخ ما عدا الحبهان
معلقتين كبار دقيق ابيض
نصف كوب ماء
وتوضع كل المقادير بالخلاط وتضرب جيدا
ثم توضع علي النار حتي يسمك القوام
............................
علي فكره
لاتنسي اثناء التحضير
ارتداء قفازات ايد بيضاء مطاطيه
ولاتنسي ان برمنجانات البوتاسيوم سامه جدا
...........................................
الحمد الله انتهينا
ومش عايز ضحك
جرب قبل ما تعلق علي الموضوع
.....................
اعداد
محمد عصفور
كرو شيف سابق بمطاعم مؤمن
سوبر فايزور سابق بمطاعم بروفيشنال بيجز
بالاستعانه بمطبخ الحاجه ام عصفور

Friday, September 14, 2007

مفأجه مني ليكم

مفأجه
المواطن المطحون
وتامر حسني
ربنا يهديه

البوم
تامر الجديد
الجنه في بيوتنا
البوم ديني اجتماعي
ستايل جديد من الاغاني الهادفه
لتحميل الالبوم
من هنا


نرجوا من الله ان يتقبل ذلك في حسناتنا وحسناته
ورمضان كريم




الحق رمضان عندنا

اغتنام أيام رمضان في الذكر والطاعة والجود


رمضان موسم من مواسم الخير والعطاء تضاعف فيه الحسنات وتُرجى فيه المغفرة وتزداد فيه الرغبة في الخير , والمحروم من حُرم في هذا الشهر من رحمة الله عزوجل , وانما تُنال رحمة الله تعالى بالامتثال لاوامره والاقبال عليه والاجتهاد في ذكره وشكره وحسن عبادته وفي الحديث الصحيح اذا جاء رمضان فتحت أبواب الجنة وغلقت أبواب النار وصفدت ألشياطين . متفق عليه . وينادي فيه مناد ياباغي الخير أقبل وياباغي الشر أقصر . ومن ألوان الطاعات في هذا الشهر الاكثار من ذكر الله والاستغفار والدعاء وتلاوة القرآن والحرص على الصلاة في جماعة , ولله في كل ليلة من رمضان عتقاء من النار فاحرص على أن تكون منهم .


الرسول صلى الله عليه وسلم كان أجود الناس في رمضان بفعل الخير

قال ابن عباس رضي الله عنهما كان النبي صلى الله عليه وسلم أجود الناس بالخير , وكان أجود مايكون في رمضان حين يلقاه جبريل , وكان يلقاه كل ليلة في رمضان , وكان أجود بالخير من الريح المرسلة .
ومن هنا اعتاد المسلمون من قديم فعل الخير في رمضان وتفطير الصائمين ومساعدة المحتاجين والمعوزين وبذل المعروف للناس واطعام الطعام .

سنة الدعاء طوال الشهر وخاصة عند الافطار

الدعاء والذكر مطلوب من الصائم طوال نهاره ولكنه مطلوب بصورة خاصة عند الافطار وأول مايقوله الصائم عند فطره ما ورد في الحديث الذي صححه الحاكم عن ابن عمر رضي الله عنهما ( ان النبي صلى الله عليه وسلم اذا أفطر قال : ذهب الظمأ وابتلت ألعروق وثبت الاجر أن شاء الله تعالى .) وورد في الحديث ايضا أن للصائم عند فطره دعوة ماترد . رواه ابن ماجه . وقال صلى الله عليه وسلم : ثلاثة لا ترد دعوتهم ألامام ألعادل والصائم حين يفطر ودعوة المظلوم رواه الترمذي وحسنه
...................
الموضوع دا عجبني ايضا فنقلته ليكم

Wednesday, September 12, 2007

Happy new RAMDAN month

بسم الله الرحمن الرحيمالحمد الله رب العالمين
, والصلاة والسلام على خاتم الأنبياء والمرسلين , نبينا محمد وعلى آله وصحبه أجمعينأما بعد .
.اخوتي هل تعلمون ماذا يحدث في أول ليلة من شهر رمضان ؟إذا كنتم لا تعرفون ذلكفاقروا ما رواه أبو هريرة رضي الله عنه عن النبي صلى الله عليه وسلم أنه قال :(( إذا كان أول ليلة من شهر رمضان , صُفّدت الشياطين ومردة الجنّ , وأغلقت أبواب النار ))فلما قال النبي صلى الله عليه وسلم لأصحابه في أول ليلة من رمضان ..(( أتاكم شهر رمضان شهر مبارك , فرض الله عليكم صيامه , تفتح فيه أبواب السماء , وتغلق فيه أبواب الجحيم , وتغلل فيه مردة الشياطين , لله فيه ليلة خير من ألف شهر , من حرم خيرها فقد حرم ))[ رواه النسائي و البيهقي وحسنه الألباني ]فماذا أعددنا أخوتي لهذا الشهر الكريم ؟؟اليكم بعض ابواب الخير في شهر الخير وهي من باب التذكير ..فمــن أبواب الأجر التي يمكن إغتنامها في شهر رمضان :- الصوم- القيام- تلاوة القرآن- كثرة الصدقة- تفطير الصائمين- الدعاء عند الإفطار- الإعتكاف- تحري ليلة القدر- العمرة في رمضان- الإجتهاد في العشر الأواخر- السحور والمحافظه عليه- تعجيل الفطر- التسامح والإعراض عن الجاهلين- الوضوء- الترديد خلف المؤذن- المحافظه على الصلوات الخمس- المحافظه على السنن الرواتب- الاكثار من ذكر الله تعاليصلاة الضحى- لزوم الإستغفار- كفالة اليتيم- البراءة من الكبر والغلول والدَين- حمد الله تعالى بعد الأكل والشرب- قراءة آية الكرسي دُبُر كل صلاة- قراءة سورة تبارك المنجيه من عذاب القبر- التجاوز عن المعسر- صدق الحديث- الإصلاح بين الناس- صلة الرحم- الإلتزام بخُلُق الحياء- إفشاء السلام- إدخال السرور على المسلم- برالوالدين- البكاء من خشية الله- قراءة سورة الكهف يوم الجمعة- قراءة سورة الإخلاص عشر مرات- السماحة واللين- الطواف بالبيت العتيق- القراءة في المصحف- الرد عن عرض المسلم
عجبني ونقلته لكم للفائدة
ورمضــ كــريم ــــان للجميع دعــــــــــواتــــــــكــــــــم

Tuesday, September 11, 2007

من مشاركات الاصدقاء في المدونه

اصحابي يحبوا يشاركوا معايا في المدونه
ودي من استاذ كريزي
اسم البوست
انا احب النحو
...................
مع الاعتذار لسيبويه والخليل بن احمد
وكل علماء النحو الافاضل
اعرب الكلمات الاتية :
الحكومة : فاعل لافعال مش معقولة
المرتب : لا مضاف ولا بيضاف اليه ولاحتي جنيه
الفلوس : مفعول لاجله , وولاجله بيتعمل كتير وعشانه رقاب تطير
الموظف : مفعول بيه ولا شئ بيديه , مكسورة رقبته وعنيه
الاتوبيس العام : اسم مكان , الداخل والخارج منه بأمان انكتبله عمر ماكان في الحسبان
التأمين الصحي : اسم هيئة , في الهبل سايئة
شعارها لقهر المرض لو حسيت بصداع حبتين اديها اسبرين
لو وجعك جنبك اليمين اديها اسبرين
لو سنانك مسوسين ابلعك اسبرين
لو عنيك مدخششيين ادعكهم اسبرين
لو مرارتك تعباك يفقعها الاسبرين
من ديوان : مئة استخدام للاسبرين
تأليف : السيد الاستاذ الدكتور اللواء اركان حرب رئيس قسم كل حاجة / وزير الصحة

الاستخراج :
ممنوع من الصرف: الجنيه ويصرفوه بس ليه والدولار بقه بسبعة منه يا بيه
حال جمله : نفسه في شقة يلاقيها من غير مشقة وده حال الشباب في عصرنا الهباب
مستثنى و وضح المستثنى منه :الحرامية الكبار , مستثنى من الفقر ومأساة الاسعار
خبر كان : كان ياما كان الماء في كل مكان اصبح الان في خبر كان وبنشتريه بالفلوس كمان وعجبي علي ده زمان
هات المطلوب امام كل عبارة :
مرادف ( قصده معناها بلاش فضايح) اللحمة :
- هي بروتين يشبه الفول , بسعر مش معقول , ومنها البوفتيك والكوفتة وما نعرفه بالرائحة عقبال الاحباب المدعو كباب
(التليفزيون) ضعها في جمله مفيدة لو تقدر
- شاهدت في التليفزيون .....!!!!!
لازم مفيده يعني!!!!
.......................
ومشاركه اخري
من استاذه ساسو
.........................
يوميّات اتنين مخطوبين
السلسلة الكاملـة
الجزء الأول
الي الجزء الخامس
سوف تنشر قريبا

تخيلوا ... الفرخه كلت بيضها

بجد شئ عجيب والله
اللمبي كان بيستغرب ويقول
الفرخه كلت بيضها ولا ايه
الان اللمبي مش حيستغرب
لان الفرخه كلت بيضها بصحيح

الفرخه النهارده هيا جامعه الاسنكدريه
والبيض بتاعها هما الطلاب الاربعه المخطوفين


من كام يوم اعلنت النيابه افراجها عن الطلاب الاربعه
محمد عاصم ومحمد فريد ومحمد ومصطفي امام

قامت الكليات بتاعه جامعتنا المحترمه
معلقه ورقه
في لوحات الاعلانات
فيها الاتي



حاجه غريبه اوي
الحكومه قررت انها غلطت وانقبض عليهم غلط
والنيابه افرجت عنهم
مفروض اول مايطلعوا
الكليه بتاعتهم
تحتضنهم
اتاريها طلعت فرخه من اياهم
وعايزه تاكل البيض بتعاها
وكأن ادراه الكليه غير معترفه بقرار النيابه فقالت عمل سياح لهم في الكليه علي حاجه طلعوا مظلومين فيها
وكان من المفروض تستقبلهم استقبل الابطال
حتستافد ايه الكليه من تعليق هذه الورقه
تحطيم ابنائها نفسيا ولا ايه
ولا تحطيم حلمهم بتكمل دراستهم في الكليه
ولا عايزه تفهم الناس ان النشاط الطلابي خارج اتحاد الطلبه ارهاب
ولا تشويه صوره ناس نضيفه زي الاماظ
دي النيابه قالت انهم الماظ
والكليه تاكلهم
كان نفسي اقو كلم محشوره في زوري بس انا لسه مصلي العصر وداخلين علي رمضان ومش عايز اخد سيئات
فعلا احنا ولاد الفرخه السوده
...............................................
الصور متصوره بعدسه عصفور
من كليه التربيه
المدخل الرئيسي
لوحه الاعلانات

Monday, September 10, 2007

المدونه متوقفه حاليا

المدونه متوقفه حاليا حتي نصف رمضان
وذلك لانشغالي في الكورسات
ICDL
A+
VCT
ولا يوجد وقت لدي الان لمتابعه اي شئ
لا مدونتي ولا المواقع المشرف عليها
ولا المنتديات المشارك فيها
ولا المدونات التي اتابعها
ولا حتي لاقي وقت اروح البحر قبل رمضان
اللهم بلغنا رمضان

Tuesday, September 04, 2007

دعوة






(وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجاً لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآياتٍ لِقَوْمٍ يَتَفَكَّرُونَ) (الروم:21)
يدعوكم
محمد عصفور
(اللي هوا انا )
لحضور كتب كتاب
اختي المهندسه زينب علي المهندس محمدالجارم
وذلك يوم الجمعه
الموافق 7/9/2007
بمسجد اولاد الشيخ الجديد (الكبير) بمحرم بيك
بعد صلاة العشاء
وعقبالكم وعقبالي
........................................
وصفه المسجد
مسجد اولاد الشيخ
شارع محرم بيك علي الترام
عند محطة ترام بوالينو
واللي ما يعرفش الوصفه
ينزل محطه مصر ويركب الترام الصفراء
ويقول للكمسري عايز محطه بوالينو
عند الجامع
بس اوعي تدخل الكنيسه اللي جنب الجامع
.....................
مستنيكم باذن الله
واخص بالدعوه
كل زوار مدونتي
وكل المدونين اللي بزورهم
وكل اصحابي في الكليه وجامعه اونلاين
ومنتدي جامعه اون لاين
..............................
واللي مش حيقدر يجي يبارك في التعليقات