بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا
الاقصى

Tuesday, January 15, 2008

خلي الدماغ صاحي

وبدأت المعركه
معركه نفسيه
معركه عقليه
معركه تاريخيه
معركه جغرافيه
معركه تربويه

معركه من اشرس المعارك في الجامعات المصريه
معركه الامتحنات

قرر مجلس امم الكليه عندنا بوقف الهدنه واعاده اطلاق النار يوم الاحد 6 يناير في تمام الثانيه عشر ظهرا والنصف
ما جعل صفوف المحاربين في الطرف الاخر من طلاب البكلوريا واليسانسيه وانا واحد منهم بالاستعداد للقتال بعد هدنه كبيره
وقبل المعركه بيوم
اطلقت قوات التحالف في الكليه اشاعه مغرضه بان وقف الهدنه سيكون الساعه الحاديه عشر ونصف صباحا اي قبل موعد الحرب بساعه كامله مما اربك صفوفنا وجعلنا نرتب اوراقنا
وقد اتصل بي قائد القوات في الدفعه يستعلم مني ويأمرني بارسال سريه تجسس الي قوات التحالف لاستطلاع الامر
ومن مصادري الخاصه
علمت ان وقف الهدنه في موعده كما تحدد في جلسه مجلس امم الكليه
وان هذه اشاعه حتي ترهب صدور جيوش الطلبه في الدفعه
فبلغت رئيس قوات الدفعه بالخبر
فقال
نتغدي بيهم قبل ما يتعشوا بينا
وقالي حضر الكاتشب
المعركه جايه

واصبح جيش الطلاب في اهبه الاستعداد من الليل لمواجهه قوات المراقبين الدوليين ومشرفي لجان التموين ورؤساء الاحياء اصدي اللجانن
وفي تمام الساعه الحاديه عشر صباحا تجمعت جيوش الطلبه من انحاء الاسكندريه من شرقها ووسطها وغربها لبدا المعركه
لكن قوات مجلس امم الكليه اغلقت المعبر المؤدي الي حرم الكليه مما جعل الجنود في حاله غريبه وتجمهروا امام السفاره اليونانيه المقابله للكليه وطالبوا باللجوء الساسي لها
هههههههههههههههههههههه


وقد بدات المعركه الاولي يوم الاحد 6يناير واستغرقت المععركه مده ثلاث ساعت في عز الظهر واسفر عنها كتابه اكتر من 12 صفحه في مناهج التعليم الابتدائي وتطويرها
اونتهت المعركه بسقوط بعض القتليف ي صفوفنا بعد محاضر الغش وما شابه ربنا يحظنا والكثير من الجرحي من الجنود اثر طول الامتحان وشراسته وتم وضع هدنه جديده الي وم الثلاثاء

وفي الهدنه تقوي جيشنا بالورق المصور من الملخصات مع الاستعانه ببعض الادويه المهدئه والفيتامينات وبعض مجات الكابتشينو لدعم الجيش معنويا

وجاء اليوم الموعود للحرب الثانيه مع قوات الخليفه العباسي وامراء بني العباس وتمت بنجاح بعد الانتهاء من كتابه ورقه الاجابه كامله ونفاذ حبر القلم ونفاذ وقت المعركه مما اضطرنا الي التراجع والالتزام بالهدنه

وفي يوم الخميس الماضي كانت معركه نفسيه في ماده الصحه النفسيه
فاغلب جيشنا امسي يحضر للمعركه لكن وانا والقائد الاعلي لقوات الطلاب اثناء تفحص احوال الجنود وجدناهم يعانون حاله نفسيه رهيبه من دراستهم للامراض النفسيه واعراضها وعلاجا
مما اصابني بحاله نفسيه بحته
هذا عنده عصاب وهذا ذهان وهذا شيزوفرنيا عظمه وهذا عنده تبول لا ارادي وهذا قولون عصبي وهذا بيطبل وبيقول انا نابليون وعايز يولع روما
لقيت القائد جاتله حاله من الضحك الهستيري العالي فنظرت له وانتقلت الي حاله من اللاشعور بتاعت فرويد
واثناء المعركه تحد من يضحك ومن يهلوس ومن يهذي بكلمات غير مفهومه ونجح العدو في امراض جيشنا امراض نفسيه دفينه حتي يكسب المعركه
وكسبها

والحمد لله لقيت وقت اثناء الهدنه لكتابه هذا البوست من تحت البطنيه واللحاف الذي اتخفي بيهم ثناء نومي في معسكر المذاكره

وباذن الله بكره معركه شديده طاحنه مع قوات اوراسيا اصدي جغرافيا اوراسيا وتلوين النطاقات والتوزيعات والخرائط

وبصفتي لسه عندي ربع شغال لسه اوجه نصائح في المتين للجنود المقاتلين في شتي انحاء الكليات
* خد شاور ساخن والبس هدوم تقيله
* البس شرابين فوق بعض علي رجليك عشان البرد
* البس جوانتي في ايدك ودفي نفسك
* شوف احسن ايس طكاب عندك واضرب الخوذه
* حضر بطانيه ولحافين علي السرير
* خد مج كابتشينو دامو بالشيكولاته البيضاء الخفيفه
* نام نوم عميق حوالي 12 الي 14 ساعه
* حهز اوراق الجنديه بتاعتك ( كارنيه الكليه و لقم ازرق وقلم اسود وقلد رصاص واستيكه ومسطره )
* اتكل علي الله روح الامتحان وحارب وانت فايق مش مهم المذاكره المهم انك تكون فايق

تحياتي لكم من ارض المعسكر الابي الصامد
اسيبكم الان حتي نؤدي النشيد القومي
خلي الدماغ صاحي واوعي تنام مني
اصل انا مظبط راسي والماده هربت مني

18 comments:

Unknown said...

الحمد لله انا حخلص يوم الحد بصراحة كان شهر بايظ خالص
مع تحيات مدونة احنا الاخوان
www.ikhwan2.maktoobblog.com

محمد السيد..مش حاسكت said...

يعمر بيتك ياجدع ...

انت فايق اوي يا اخويا لما داخل تكتب لي بوست يعني ؟؟ امال لو مكنتش طالع عينك وبتصوت علي الماسنجر ...

ياخوفي يا بدرااااااااااان ....

بس ولا يهمك ...
جهز الأسلحة ... واديها يامعلم ...

من طالب سابق ..لسة مستلم شهادته امباااااااااارح ..

يالا تصبح علي خير ...
حابقي ادعي لك صحيح .. اطمن خلاص ...

عصفور المدينة said...

أعانك الله وجميع الممتحنين

بفتح التاء

يورو said...

هههههههههههه
الحمد لله احنا
خلصنا الامتحان وبقينا فى الامان
ربنا معاك انت وكل الى بتمتحنوا
عاوزين جهااااااد وان شاء الله ربنا هيوفقكم

Anonymous said...

لا بجد دمك خفيف جدا يا محمد ربنا معاك بس حاسه ان دماغك هيست خالص من الامتحانات والله

Unknown said...

استكمالا لحملة رفع الحصار عن غزة
وقفة فى حب غزة امام مسجد ابو العباس فى الاسكندرية

كانت هذه الوقفة اقل ما كان يجب للاخوان عمله كانت وقفة لتوعية الناس بما يحدث فى غزة من مذابح وقتل للاطفال والنساء والشيوخ ولتوعية الناس على المؤامرة التى تحدث بين امريكا واسرائيل و الحكام العرب الخونة مؤامرة لبيع فلسطين مقابل الحفاظ على كرسى
الحكم
وقد القى كلمته الاستاذ محمود عطية عضو مجلس الشعب والاستاذ محمود عوض مرشح الاخوان عن دائرة الجمرك

وكما عودناكم رصدنا لكم احداث هذه الوقفة
اليكم الصور على مدونتى مدونة احنا الاخوان
www.ikhwan2.maktoobblog.com

احمد الجيزاوى said...

وانا اقول الواد فين مختفى ليه طلعت بتحارب وعلى خط النار
ربنا معاك
احمد الجيزاوى

mohammed alsha3r said...

وبصفتي لسه عندي ربع شغال لسه اوجه نصائح في المتين للجنود المقاتلين في شتي انحاء الكليات
* خد شاور ساخن والبس هدوم تقيله
* البس شرابين فوق بعض علي رجليك عشان البرد
* البس جوانتي في ايدك ودفي نفسك
* شوف احسن ايس طكاب عندك واضرب الخوذه
* حضر بطانيه ولحافين علي السرير
* خد مج كابتشينو دامو بالشيكولاته البيضاء الخفيفه
* نام نوم عميق حوالي 12 الي 14 ساعه
* حهز اوراق الجنديه بتاعتك ( كارنيه الكليه و لقم ازرق وقلم اسود وقلد رصاص واستيكه ومسطره )
* اتكل علي الله روح الامتحان وحارب وانت فايق مش مهم المذاكره المهم انك تكون فايق

جامدة النصايح دى ياعصفور

ربنا معاك والله ياحمادة

سارة بندارى said...

ياااااااااخبر

امتحان ده ولا معركة القادسية

هههههههههه

اضحك الله سنك

وبالتوفيق باذن الله

عصفور اسكندرية said...

محمود السيد مدونه اخوان
هههههههههه
طبعا شهر بايظ من كله
وشكرا علي التذكير علي الوقفه

عصفور اسكندرية said...

محمد السيد اللي مش بيسكت خالص

ههههههههههههه
اوكي بيبي
طبعا فايق وفي كتر من كده فوقان البوست دا انا كنت كاتبه الساعه 3 فجرا قبل الامتحان علي فكره بدران مات

عصفور اسكندرية said...

شيخنا وعصفورنا عصفور المدينه

عندك حق كلنا في محنه كبيره

عصفور اسكندرية said...

اماني
انتوا احاربتم ايام الرخص
ايام ما كان في بركه

يلا كله علي الله

عصفور اسكندرية said...

ريتاج
هو في اكتر من كده تهييس
اكيد انتي كمان مهيسه علي الاخر
والدماغ مهيبره

بالتوفيق في بقيه المعركه

عصفور اسكندرية said...

ابن الجيزه الجدع

ههههههههههه
مين اللي مختفي بقي
انا اه في خط النار بس اون لاين علي طول
انت اللي مختفي

عصفور اسكندرية said...

الشاعر والشعر يحلو في فمه
يحسبها حلاوه
ههههههههههه


طبعا دي نصياح في المتين لكل الممتحنين
ربنا يخليك

عصفور اسكندرية said...

ساره البنداري

ياليتها كانت القادسيه
علي الاقل كنت حبقي عارف بحارب مين
اما انا مهيبر علي الاخر

Anonymous said...

انا عندي مدونة اسمها خلي الدماع صتجي