بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

Thursday, January 31, 2008

الوصله اتقطعت يا رجاله



ههههههههههههههههههههههههههههه
مصر ساحبه وصلة نت من اوروبا
يالهوتي
صوتي يا اللي مانتش غرمانه
صوت يا اللي شغلك علي النترنت
صوت يبتاع البورصه
صوتي يا حكومه يا الكترونيه
صوتي يا شبكه ياذكيه
صوتوا يا مدونين
صوت يا بتاع الدعم الفني

الوصله اتقطعت يارجاله
وصله النت اللي مصر واخداها من اوروبا
عن طريق شركه فلاج تليكوم
اتقطعت
النت في مصر والاردن ولبنان وفلسطين
يعمل بكفائه 25% فقط
عشان سلكتين فايبر بحري اتقطعوا علي بعد عشره كيلو متر من الاسكندريه
والنت حيرجع طبيعي بالتدريج
وقال عقيل بشير رئيس مجلس ادارة الشركة المصرية للاتصالات ان خدمة الانترنت الآن تعمل بكفاءة 25% ونتيجة للجهود سترتفع بحلول الخميس الي 40% ومع مرور الايام ستتحسن الخدمة ومن المتوقع أن تصل الكفاءة إلي 70% خلال 48 ساعة.
ويرجوا عقيل بشير المستخدمين خصوصا الشباب بعدم الاسراف بعدم الاسراف في تحميل الملفات من الانترنت مؤكدا بانها ستسبب في ضعف اداء الانترنت بصفة عامة مؤكدا أن العطل سيتم الانتهاء من اصلاحه تماما خلال اسبوع علي الأكثر

كل المواقع الي شغاله علي سرفرات من مصر شغاله كويس عشان اتكيشت علي الشبكه الداخليه
المشكله بقي في المواقع الخارجيه

وانا ارجوكم ان كل واحد يروح يفتح الراديو ويسمع ابله فضيله ويفكه من الانترنت
كده كده حيرجع
بس هناك حبه اسئله عايز اعرفلهم اجابه

لو مصر دخلت حرب حيبقي سهل جدا عزلها عن العالم ولا لأ ؟
ايه لازمه القمر الصناعي المصري في الاتصلات ؟

مين حيشيل تكاليف الايام اللي من غير نت الشركه ولا المستخدم ؟

هل مصر ستحمل شركه فلاج تليكوم غرامه ؟
الي متي سيتم تأجيير وصله نت من اوروبا ؟
هل المصالح الحكوميه الالكترونيه والبورصه سيتوقف العمل بها ؟
من سيتحمل تكاليف خساره الشركات القائم اعمالها علي الانترنت ؟

فين الحلول البديله لتشيغيل الانترنت ( الستالايت وال 3G ) ?

مين اللي قطع سلك الفايبر في البحر المتوسط ؟
لو عيل من بتوع الهيبيز في اوروبا شال الار جي بتاع مصر من السيويتش حنعمل ايه ?

18 comments:

محمد عبدالجليل said...

والله مش انا الي قطعته

الشريف / جمال طة said...

ابحثوا معى يمكن يكون الكفيل السعودى سرقه وهو مطمئن لأنه مصرى محدش حيدور عليه على غرار ماحدث معى من الحرمية فى السعودية




فضيحــــــــــــــــــــــــــــــة بالسعـــــــودية


مــــــــن المجتمــــــــــــــع الدولــــــــــــــــــــى



الـــــــى الملك / عبدالله بن عبد العزيز (خادم الحرمين ) بابا الفاتيكان بيسلم عليك ويقولك عيب رجعوا للمسلم حقه

وملكــة بريطانيا بتقولك عيب خلوا عندكم شوية ديمقراطيـــة وحقوق انســـــــــان مش انتم بتقولوا انكم مسلمين أعطوا المسلم حقه

أما الرئيس الأمريكى بوش بيسلم عليك وبيقول لك خلص المشكله ديه ورجع للمصرى جميع حقوقه وهو مش عايز يتكلم فى الموضوع ده تانى

أما الكونجرس ألأمريكى يقول لك احنا متابعين قضية المواطن المصرى ولن نتخلى عنه حتى يأخذ جميع حقوقه

أما ألأمين العام للمنظمة الدوليه لحقوق الانسان يقول لك الشكاوى منكم يوم عن يوم بتزيد وسوف نضطر لرفع ألأمر الى ألأمم المتحده ومجلس ألأمن للنظر فى فرض عقوبات اقتصادية عليكم قد تصل الى تجميد أرصدتكم فى خارج السعودية بعد خصم جميع حقوق المواطن المصرى وخاصة انه بيقول انه مسلم زيكم


برجاء الاطــــلاع وشكرا

http://gamal51.blogspot.com/

http://anameshm3ahom.blogspot.com/2007/12/blog-post_11.html

http://kalam3eal.blogspot.com/2007/12/blog-post.html

Mohamed Elshal said...

السلام عليكم ورحمة الله وبركاته

أنا عاوز الأستاذ اللى كاتب الموضوع قبل ما يصوت على الحجات الكتير اللى صوت عليها دى يصوت على نفسه أولاً واخيراً، وأحب اضفله صوتى يالى منتش فاهمه حاجه ... مش قادر اوصفلك مدى احساسي بخيبة الأمل لما قريت كلمة مصر ساحبة وصلة نت من اوروبا. طب إعرف بقى الكابل اللى مش عاجب سعادتك ده موصل لمين بعد مصر: مصر الى بومباي مرورا بعمان والبحرين والكويت و*ايران* وقطر والعراق في الشرق الاوسط. ومن بومباي يربطه كابل آخر تملكه ريلايانس(فلاج تلكوم) بمحطة أرضية في مدينة مدراس الجنوبية حيث يتم توصيله بكابل تحت الماء الى هونغ كونغ لينضم الى شبكة فلاج هناك. كل ده ملك لشركه هنديه اللى اشترت شركة فلاج من 2004 ... بدل ما تعمل كل ده اصل مش مصر واخده خط من عزبة ابو علام،،، ده نظام عالمى سعادتك ... فكر وقول فين شركات الإتصالات المصريه "الخاصه طبعاً" اللى معاها تمد "سلكتين فايبر بحري " تكلفتهم 300 مليون دولار بــس.
* طبعاً معروف إيران لي عليها نجمه بس للتوضيح إن العالم كله حتى إيران متوصل بـ"سلكتين فايبر بحري".
والسلام ختام،،،،

محمد جمال الياسرجى said...

يعنى جاءت على النت الحكومة لايهمها

sasoo said...

ادينا بنصوت من غيرت حاجه ربنا يستر
وبعدين هى جت على دى اللى مصر مش هتاخدها من اروبا
عصفور قولى لو سمحت هى نتيجه الابتدائيه هتظهر على النت امتى واكتب لى موقع القيها عليه

عصفور المدينة said...

السلام عليكم يا محمد
طبيعة شبكة الانترنت إنها شبكة بتوصل الأجهزة اللي في العالم ببعضها وفيه اجة اسمها باكبون بتاع الانترنت العمود الفقري ودي طبيعتها مش حد معتمد على حد هي وصلة عالمية بس في الآخر الاشراف والمعايير فيه جهة مسئولة عنها وهي أمريكية وأمريكا رفضت تتنازل عنها

والكابلات الفايبر ما هياش سلوك دي تعتبر شيء شبيه بالمواسير بيمر فيها الموجات من الداخل

ومصر قررت إنها تعمل كابل لوحدها بتكلفة 940 مليون جنيه حيخلص كمان سنتين تقريا

عصفور المدينة said...

http://navigators.com/internet_architecture.html

Anonymous said...

يا عصفور .... إنت من كثرة التصويت في الإنتخابات إياها قاعد تصوت في المدونه ... ويا لهوتي وكلام كده .... الموضوع مش عايز صويت أو تصويت ...الموضوع خيبه ثقيله راكبه جمل وعليها هلال ... رمز الحزب الوطني إللي في مصلحتك ...!!!
يأخذوا مننا حقهم تالت ومتلت وخدمه زي الهباب وفي الأخر سمكه تأكلها ... شفتم الخيبه ... أين البدائل .. يا حكومه يا ذكيه يا مهنجه ....
مهندس / هيثم أبوخليل

Dr. Manosy said...

يا لاااااااااااااااااااااااهوي
يا خرااااااااااااااااااااابي
يا نومتي
بدري من غير انترنت ولا دياوله
يا ختيييييييييييييييييييييي
تفتكر يا عصفور افندي انت مين اللي قطع النت عنا؟
اكيد واحد عنده بيج اسباي ووير
يلن ايه يا جماعة واضحة زي الشمس
(الحكم في فيلم حرامية في كي جي تو)

Dr. Manosy said...

مبسوط يا عصافيرو افندي؟!

علقنانك على البوست تحب نعلق ع الشاي كمان ؟

Anonymous said...

طريقة كتبابتك لا ترقي لتناول اي موضوع بصراحة طريقة التعبير سئية وكمان اتفق مع الاستاذ اللي قال انك مش بتفهم في اللي بتتكلم فيه

محمد عبد القوى said...

على فكرة أنت المدون الوحيد اللى الواحد بيدخل مدونته عشان يقرا موضوع جد وفى نفس الوقت يضحك من قلبه..وده تانى موضوع يموتنى من الضحك بعد رجل المستحيل
صحيح انت مبسط الموضوع اكتر من اللازم بس لك - ولكل المصريين - عذرهم
على فكرة فى بوست هيعجبك على قلم الحرية..مدونتى أخر بوست

عصفور اسكندرية said...

محمد عبد الجليل
هههههههههههههههه
حبيبي انت والله

الشريف جمال طه
ممكن تصدق ؟؟؟؟؟؟

عصفور اسكندرية said...

محمد الشال
مرحبا بك في مدونتك الثانيه مدونه المواطن المطحون
اولا عشان يبقي عندك علم انا معايا شهاده
NETWORK+ من شركه كومباتيا
ودارس نظام الانترنت العالمي كويس وعارفه وعارف اسماء الكابلات الفايبر وخوطوها وكيف تعمل
وعشان كده استغرابي كان مش طبيعي
انا عارف ان مصر تؤجر سعه انترنت من الكابلات الثلاثه اللي بتعمل انزال في المنشيه عندنا في اسكندريه وهذه الكابلات تمتد الي افريقيا والشرق الاوسط كله
انا كان استغرابي من ان اماكن الكابلات معروفه للعامه ودي تعتبر امن قومي عالمي
وثانيا لما هي اتقطعت فين حمايتها
وليه مصر تأجر سعه انترنت وهيا رائده في الحاجات دي
ما تعمل كابل لوحدها وتأجر منه للبلاد الاخري يبقي خير وامان لينا
وادينا عرفنا ان مصر اتعاقدت علي كابل بسعه 10 تيرا بايت حيشتغل في اخر 2009

اما حكايه اني اصوت او ماصوتش دي حاجه ترجع ليا
ودي طريقه كتابتي في مدونتي
انا اخذت الموضوع بطريقه ساخره من الواقع اللي حصل
وكانت اسئلتي بصيغه ساخره ايضا

وياريت تدين اميلك نتواصل سوا

عصفور اسكندرية said...

الياسرجي
شكرا علي المرور

ساسوو
ههههههههههههههههه
الابتدائيه مش عارف والله

عصفورنا وعصفور كل المدن
انا عارف النظام بتاع الباك بون دا
وربنا يسهل والكابل الجديد يشتغل

هيثمي وهيثم ابو خليل
حكومه ذطكيه مهنجه حلوه دي
ههههههههههههههه

عصفور اسكندرية said...

د مونسي
باشا
اخبارك ايه ياريت والنبي الشي بسرعه عشان مصدع من بطئ النت

محمد عبد القوي
الله يكرمك باشا
انت اللي زي العسل والله
نعمل ايه بقي الدنيا كده
لو كل حاجه جد حنموت ولو كل حاجه ضحك حنموت برضه
نحن مزجنا الاثنين

عصفور اسكندرية said...

غير معروف
ياريت تبقي تكتب اميلك

انا احييك علي صراحتك
انا اقول لك الدنيا ما هي الا نظارات
كل واحد يبص من نظارته
ويحلل الموقف بطريقته
ويعبر بيها باسلوب يختلف عن باقي الناس
ومش لازم كلامي يعجبك وانا انا اعجب بكلامك
لولا اختلاف الراي ما وجدت قضيه
وايضا اختلاف الراي لا يفسد للود قضيه

امام الجيل said...

يعنى مية بتقطع
كهربا بتقطع
تليفون بيقطع
جت على النت

تحس ان البلد على ما تفرج
كل حاجة ماشية كده
ارزوقية
يوم بيومه
ماجرينه على اساس
اننا مش قاعدين فيها وكلنا زائلين :)
ناس متدينة مش كده :)
متدينة مش متدنية اقراها كزيس