بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا
الاقصى

Saturday, July 14, 2007

عيزينها تبقي خضرا........

عيزينها تبقي خضرا .... الارض اللي في الصحرا
جامعه الاسكندريه
كليه التربيه
المعسكر الصيفي للعمل المنهجي
لتعليم الكبار وخدمه المجتمع
الفرقه الثالثه شعبه اساسي
جميع الاقسام
هوا دا المعسكر الصيفي بتاعنا
اتقسمنا مجموعات
وكنت انا في المدينه الجامعيه القديمه طلاب
اللي هيا في سموحه

علي فكره الصعيدي كريزي مان معايا في نفس المجموعه
احنا بقي نزلونا في ملعب 11 انما ايه
نحسب نفسنا حنلعب كوره
لكن قالولنا
انكم
حتلموا الزلط كله من الملعب
قولنا ماشي بس نلعب
اتاري مافيش لعب
دا الملعب بيتاجر للانديه فقط
وحتي طلاب المدينه الجامعيه
لا يلعبوا عليه
والمهندس الزراعي
بيطنطط علينا
لكن نعمل ايه
اتعاركنا معاهم
لان الماده دي من 25 درجه
تعليم كبار ومحو اميه
وليس لم ظلط ومحو اميه نجيله
باظ الكوتشي
والبنطلون اتبهدل

وادينا قشفت
ودماغنا اتقورت من الشمس
لكن شوف معسكر اعداد القاده
اللي هما بيقابلوا الريس
كل واحد لابس هدوم مخصوصه
وكابات عشا ن الشمس



..............................................................................................


صوره لمنتخب كليه تربيه في ارض الملعب
لاحظ المربعات الحمراء


انا بنقي الظلط
وي كانني في الحج بلم الجمرات

انا ماسك البرويطه عشان نلم الظلط

دي اخره اللي يخش كليه تربيه اساسي

..................................................................


لازم يمثل في فيلم

الايدي الناعمه

هههههههههههههههههههههههه

.............................................

الجزء التاني

................................................................

لازم نشتغل عشان نخدم المجتمع والناس



طلبنا مانشتغلش في الشمس

قال اشتغلوا في الظل

ولم ورق الشجر

من غير جونتيات حمايه


تحت الشجره يا وهيبه (صديق بيلم ورق الشجر)ا

بعد كدا اشتغلنا حبه في الشمس

وكانت الشمس حاميه اوي

دماغنا هيست

وعملنا معاهم احسن واجب


التعاون بين الاصدقاء في العمل الخدمي



المهندس اتجنن مننا

وراح يجري ورانا في الملعب

وبعدين لما زهقوا مننا

وحصلت مشاكل

اتصلوا بالمعيده تيجي تاخدنا

عشان اتخنقوا مننا

وجائت المعيده

وحلت المشكله

والدكتور بتاع المدينه الجامعيه

عطانا الدرجات

وقالوا لينا امشو وماتجوش تاني

خلاص

كفايه

احنا ماصدقنا

وطلعنا جري

علي بحر الانفوشي

في بحري

وهوبا هوبا

اخيرا خلص الترم التاني

وفي انتظار النتيجه



صوره ليا انا واصحابي في الكليه في البحر

19 comments:

Anonymous said...

لو سمحت ياباشا تعملنا اللوحة عشان انا حاسس ان العاشوري حيضيعنا معاه بسلبيتة
والنبي باللة عليك
حسنه قليله تمنع بلاوي كتيرة
وهنيالك يافاعل الخير
ومن قدم شيء بيداه التقاه

Anonymous said...

ربنا معاكم
بس انا عايزه اعرف البنات اللى فى اساسى هما كمان بيعملوا كدا ولا بيعملوا ايه بالظبط"يعنى بيعملوا الاكل للمشرفين ولا ايه"وكمان عايزه اعرف هما ال25 درجه على النظافه بس
ولا بتعملوا حاجه تانيه
وعلى فكره حلوه اوى فكره الايدى
الناعمه
هههههههههههههههههههههههههههههههههه

عصفور اسكندرية said...

المنحرف

اوك يامان
انا حخلص لكو الحاجه اوام اوام



sasoo
والله كله حسب المكان اللي هوا نازل فيه
يعني هناك ناس نازلت في مراكز شباب وانديه ومدارس ومدن جامعيه

وكذلك داخل المدن الجامعيه هناك اللي بيبيض الجدران

اما بالنسبه للبنات فممكن يروقوا الاوض مكان الطالبات اللي كانو في المدينه بتاعت الطالبات

Anonymous said...

هههههههه حلوة منك بس ياريت كنت جبت صورة لينا كلنا

Anonymous said...

فعلا انت لو نزلت صور لمجموعه هيبقى الموضوع احلى لان البؤس والشقاء هيبان اكتر

Anonymous said...
This comment has been removed by a blog administrator.
Anonymous said...

بلد بتاعت شهادات صحيح

أمين المكتبة said...

مش فاهم حاجه بس حاسس انك بتقول كلام كويس

Anonymous said...

mr_hobselbasha@hotmail.com
انا احد زملاء السيد المطحون عصفور فى الكلية المشؤمة اللى مش عارفين اخرتها اية معاها المهم انا عايز اقول انه فالاخر بيقولوا ان المدرسين هما اللى بيولعوها وبياخدوا فلوس الدولة ومعا لمحاربة الدروس الخصوصية هههههههههه انا عايز كل واحد بيفترى على المدرسين وكل واحد بيدعى على مدرس يتفرج ويشوف عشان يوصل للى هو فيه ده البلد عملت فيه اية واظن الصور اللى اتعرضت واضحة جدا وان كل حاجة فالبلد دى ماشية بالعكس واللى مايستاهلش بياخد واللى بستاهل برضوا بياخد بس الفرق ده بياخد ايه ؟ والتانى بياخد فيييييييييييييين ؟

جهاد خالد said...

صحيح ادي اخرة اللي يدخل تربية

مالها اداب
:D

مع ان الموقف يبدو مش ولا بد
بس بجد
شكل النجيلة وخضارها الجميل
المفروض ينسي اي تعب
>>>> هنضرب شكلي

ربنا يتقبل
وعقبال ما يودوكو المحجر
هههههههه

Anonymous said...

لا فعلا هم دول اولاد مصر صح......ربنا معاكم

Anonymous said...

صدقتنى بقى الموضوع لما الصور كترت فيه والباس بان اكتر
ناس كتير علقت عليه
بس حرام عليكم هو يعنى المهندس ذنبه ايه
مش بلدكم وكليتكم هى اللى عملت فيكم كده
ولازم كلنا دلوقتى نغنى مع بعض نشيد بلادى
"بلادى بلادى بلادى لكى حبى وفؤادى............"

Anonymous said...

حلو الموقع انا اول مرة ادخلة بجد الموضوع يضحك جدا
سومة

Anonymous said...

صباح الفل ياباشا عصفور لو سمحت تحاول تجبلي need for speed u g 1, 2اللعبة حتقدر ولا اية وميهمكش برضه

miro said...

بجد تجربه حلوه اوى وانا واثقه ان شاء الله ان ربنا هيعوضكوا

بس فى حاجه محيرانى ليه معءن ان والدك فى مجال التربيه والتعليم واكيد شايف المر انت بتعيد التجربه...حبا فى التعليم مثلا

miro said...

بجد تجربه حلوه اوى وانا واثقه ان شاء الله ان ربنا هيعوضكوا

بس فى حاجه محيرانى ليه معءن ان والدك فى مجال التربيه والتعليم واكيد شايف المر انت بتعيد التجربه...حبا فى التعليم مثلا
visit me at:
kanyaamakan.blogspot.com

miro said...

انا اسفه عاللغبطه انا كان قصدى اعلق فبتاعه سان ستيفانو

عصفور اسكندرية said...

شكرا ياشباب علي التعليق
اي خدمه يا ساسوو

شكرا د\ رنيا

ايه يا اخ جامعه انتا شكلك تايه

ماشي ياعم ايهاب

والله يانجمه يا صامده لولا انك بنت كنت طحنطك

يا اخت امير ه المدونه كلها بتاعتكو علقي في اي حته

Anonymous said...

ماتنساش
إنك فى مصر
أم الدنيا