بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا
الاقصى

Monday, July 30, 2007

انا نجحت يا جدعان


انا نجحت يابنو آدم

عايز كل اللي يدخل هنا يسيب
هديته
مش اي هديه
هديه من الفاخر


Sunday, July 29, 2007

المدون خانة


بداية البداية

الاجتماع التأسيسي للمدون خانة

نبدأ من الاول خالص
بعدما اعلن المدون علاء صاحب مدونه
مش انا
عن المدون خانة
او ميثاق العمل التدويني
كنت انا موافق علي الفكره ومتحمس لها
وكنت علي تواصل معه
وبلغني بالميعاد والمكان

وفي يوم السبت 82/7/2007
الساعه 2 ظهرا
روحت محطه مصر
وركبت مشروع تويوتا المكيف عشان الحر
مع ان علاء كان عايزني انزله دمنهور واركب معاه من هناك
بس اللي حصل
وصلت هناك 5.30 عصرا لان السكه كانت زحمه
واتصلت بعلاء
قالي حبعتلك احمد الجيزاوي ياخدك
(ربنا اللي بياخد يااخي)قولت في سري

واحمد كان مستنيني وانا مستنيه امام سينيما فاتن حمامه
بس المكان بجد ماحدش يعرف يوصله ولا الامن ولا حتي المدونين
عشان يبقي كله في السليم
المهم وصلنا في مكان الاجتماع

اتعرفنا علي بعض
كل واحد اسمه ومدونته
واتعرفت علي ناس
اوعي وشك

حين البأس - أنا باحبك يا مصر - ميت - كش ملك - بن ناصر - صاحب البوابة - لماذا نرحل - الحصاد - ممنوع - مش أنا - هاتكلم و هاقول - مش حاسكت - كلام و فش غليل - امام الجيل - المواطن المطحون - لسه عايش - عصفور المدينة - حزيـن - شوية أفكار
أيضاً
شقاوة شعب - أنا محظورة - باحبك يا مصر - أنا كده
وتم عرض
ايه المدون خانه واهدافه وكده يعني

أهداف التجمع
---------------
1 - متابعة أخبار المدونين و النداء بحريتهم في التعبير بطرق و أساليب مختلفة تنطلق من الموقع مع توصيف المعنى الأخلاقي لمفهوم حرية التعبير.
2 - عمل دليل للمدونين المنضمين للتجمع.
3 - التضامن مع حملات صديقة مماثلة لفكرة التجمع.
4 - الاتفاق على ميثاق شرف يوافق عليه المنضم للتجمع قبل الانضمام و يكون شرطا لانضمامه.
5 - التأكيد على أن الاختلاف في الفكر هو ظاهرة صحية مثمرة.
6 - الدعوة لتجمعات تعارف و مؤتمرات للمدونين بشكل دوري.
7 - التأكيد على الحفاظ على حقوق الملكية الفكرية و استخدام أساليب فعالة مثل التشهير.

ميثاق الشرف
---------------
و أن يحتوي ميثاق الشرف على نقاط أخلاقية رئيسية منها:
1 – أن لا يستخدم المدون الالفاظ البذيئة و الفاحشة.
2 – الا يكون المدون من الذين يسبون الأديان.
3 – نبذ المثليين و الشواذ جنسيا و الذين يتحدثون عن الجنس بشكل فاحش.

الاتفاق على انشاء موقع الكتروني بعنوان المدوّن خانة
http://www.modwnkhana.com/

ملاحظة هامة :
-------------------
التجمع لن يضغط أو يقيد كتابات أي مدون مشارك سواء في اختيار المواضيع أو أسلوب تناولها , و لكن الكتابة تكون في إطار الأخلاقيات المتفق عليها في ميثاق الشرف و التي يكون العضو موافق عليها و مؤمن بها و يتبعها سواء في وجود تجمع من عدمه.

الهيكل التنظيمي
-------------------
و يتكون من عدد من اللجان التي سوف تقوم على إدارة الموقع الإليكتروني كالتالي:

1- لجنة المشرفين:
و هي لجنة مختصة باستقبال مواضيع الأعضاء من أخبار أو مقترحات أو حملات أو تغطيات و نشرها على الموقع.

2 – لجنة المبرمجين:
و هي اللجنة الخاصة بالأعمال التقنية و الدعم الفني للموقع.

3 – لجنة المصممين:
و هي اللجنة المختصة بأعمال تصميم الجرافيكس و البانرات و تصاميم الحملات و غيرها للموقع

4 – لجنة التغطيات:
و هي لجنة تختص بتغطية الأحداث المتعلقة بالمدونين و متابعة آخر أخبارهم سواء بصور أو كتابات أو فيديو أو حوارات و غيرها.

وابدينا اضافاتنا علي هذه الاشياء
ومناقشتها
1- آليه تفعيل المشرفين
2- نظام الاجتماع
3- انشاء لجنه دعايا
4-انشاء قسم في الموقع للدعم الفني
5- التصويت علي التدوينات

بس كان هناك حبه حاجات مش تعجبني كتيير

1- سوء النظام ( معلش عشان اول اجتماع واول مره نشوف بعضنا ) كده يعني
2- الكلام فتح في مواضيع مالهاش لزمه او مش مكانها
3- عدم التزام كل الناس بالميعاد
دا يجي ودا يمشي

بس علي كده كان هناك فوائد كتير
1- الاتفاقات التي اتفقنا عليها
الاضافات اللي فوق

2- التعارف علي شخصيات جديده وممتازه وجها لوجه
3- العدد كان كويس بالنسبه لاول اجتماع
4- مشاركات كويسه من المدونين
5- شربنا شاي في الخمسينه تمام اوي

وبعد كده خلصنا وكل واحد راح لسبيل حاله
واتمشيت مع مش انا وامام الجيل وعصفور المدينه
وركبنا المترو
واحنا في المترو شوف الضحك
اتعرفت علي اماما الجيل هناك
ولسه حياخد تليفوني
وانا اخذ تليفونه كان باب المترو قفل
ونزلنا في محطه مبارك وهوا طول في المترو
بس الاستاذ عصفور المدينه
عنده خبرات جامده اوي
وباذن الله نستفاد منه

وركبت مشروع مكيف لاسكندريه
عشان الجو في القاهره
لايطاق
والجو في اسكندريه
يتقال عليه
(وما بكم من نعمه فمن الله ) صدق الله العظيم

معلش البوست دا صغير ومالمش كل اللي حصل

يارب ماحدش يضربني



تحديث
صور خاصه من مدونه
لسه عايش
لمدونه المواطن المطحون














Friday, July 27, 2007

عفوا ً لقد نفذ النت

_[Photo] _تحت مسمى انخفاض الأسعار (خدعة يعني) قام الجهاز القومي لتنظيم الاتصالات (عفواً لتبويظ الاتصالات) بالموافقة على خفض تكلفة الانترنت سرعة 256 إلى 45 بدلاً من 95 شهرياً بداية من شهر سبتمبر....يااااااااه مبروووووووك .. ايه الحلاوة دياستني يا عم ..المفاجآت لسه جاااية مع تخيير المواطن ما بين انه يحمّل 2 جيجا في الشهر أو يقعد عدد ساعات معين ( كأنه في سايبر يعني )و ينطبق ذلك على جميع السرعات ماعدا سرعة 2 ميجا (أم 760 جنيه في الشهر)انتهى الخبرطبعا في ناس فرحانة .. تعالوا نحسبها و نعرف ايه اللي حصل كنت بتقعد ب 95 جنيه براحتك طول الشهر يعني تنزل مش اتنين جيجا إنما عشرين جيجا يعني السعر نزل النص و الاستخدام نزل العشر :)و الاسم انخفاض اسعار - تسهيل للمواطنين - نشر الانترنت - القضاء على الوصلات و السرقةو أنا باسميهاانخفاض الذمة - انعدام الضمير - سرقة علني - زيادة الوصلات أنا شخصيا ادفع 30 جنيه في نت مركزي و اشتغل براحتي طول الشهر ان شاء الله لو هيقطع كل شوية بدل ما آجي أدخل في مرة ألاقي رسالةعفواً لقد نفذ النت .. يرجى إعادة شحن البطاقةاللي فوق ده بانر يا ريت تنشروه و تحطوه عندكم عشان نفضحهم و يمكن يكون وسيلة ضغطو عمار يا مصر _تحديـــــــــــــــــــــــــــــــــــــث_وصلتني رسالة على الايميلفرحت جدا لما شفتها و عرفت ان في ناس كتير عاقلة و بتشتغلده نص الرسالةحملة معــــــــــــــــــــــــــــــــــــــــا ضد الاستغلال
قف ضد الاحتكار وقول لا لمره واحده فى حياتك ضد اسعار خدمه ايه دى اس ال صحيح
السعر سيتم تخفيضه من أول سبتمبر بنسبة 50% لكن ستحكم بعدد جيجا بايت شهريا
... للتنزيل و فترات الاتصال وهذا معناه الاحتكار لان اللى عاوز ينزل اكثر يدفع أكثرالمطلوب الآتى:أ - التهديد بإنهاء تعاقدات الاشتراكاتب - ارسال هذه الرسالة لجميع الايميلات التى تعرفهاج - من فضلك لا تكن سلبيا ولو مرة واحدة فى العمرد - الهدف من هذه الحملة عمل حالة من الرأى العام الموحد هـ - هذه الحملة أمانة فى رقبتك ولن أقول انك اذا تفاعلت معها وقمت بنشرها انك سوف تجد خير بعد أسبوع كما فى العديد من الرسائل المنتشرة.....من فضـــــــــلك لا تكتفى بنشرها......ولكن أيضا قم بارسال رسائل وشكاوى الى الايميلات التالية:إذا لم نستطع ايصال صوتنا فهم سيقومون بذلكعمرو أديب
alkaheraalyoum@orbit.netأحمد رجبa_ragab@akhbarelyom.orgبرنامج اليوم السابع7day@mbc.aeبرنامج العاشرة مساء_قناة دريم
al3ashera@dreams.tvمصطفى بكرى-جريدة الاسبوع
mostafabak@hotmail.comبرنامج 90 دقيقة -المحور90min@elmehwar.tv

2- فيك الخصام وانت الخصم والحكم.............الشكوى على موقع الجهاز القومى لتنظيم الاتصالاتhttp://www.tra.gov.eg/arabic/Complain_Add.asp?Menu=4جهاز تنظيم الاتصالاتinfo@tra.gov.egشركة Tedatahttp://tedata.net/ContactUs.htmشركة لينك دوت نت http://www.linkdsl.com/LinkDSL_Code/...dbackForm.aspxوزارة الاتصالاتhttp://www.mcit.gov.eg/ar/Contactus.aspx?x=1السيد رئيس الوزراء الدكتور احمد نظيف لترفع الشكوي الي التقرير الذي يقدم له شهرياquestions@cabinet.gov.eg
_
نص رسالة جاهز لارساله
إلي من يهمه الأمر
،،، أما بعد
أولا وقبل كل شئ نشكر سيادة وزير الوزراء الدكتور الفاضل احمد نظيف و وزير الاتصالات الدكتور طارق كامل علي اهتمامها بالبنية التحتية المعلوماتية في مصر ومجوداتهما الرائعة في سبيل تطويرها والعمل علي نموها وذلك آملا في مصر متقدمة مسايرة لنهضة العالم المتحضرترددت في الفترة القصيرة الماضية علي الساحة المعلوماتية في مصر أنباء بخصوص تخفيض أسعار خدمة الانترنت وانتظرنا ذلك التخفيض بشغف وتطلعنا إليهإلي أن فوجئنا جميعا بما أعلن من قبل وزارة الاتصالات في يوم 18 يوليو لسنة 2007 بتخفيض أسعار الانترنت إلي أكثر من 50% مع تحديد عدد ساعات الربط أو تخفيض الحد الاقصي للتحميل إلي 2 جيجاإننا مستخدمي شبكة الانترنت في مصر نعلن اعتراضنا علي هذا القرار أيا كان الدوافع المؤدية إلي إطلاق هذه المبادرةهل نسير بخطي إلي الأمام أم نرجع إلي الخلف هل نتقدم أم نتأخر في اتخاذ قراراتناإن هذا التخفيض المزعوم ماهو إلا تخفيض في الاسم فقط ولكن في مدلوله وإذا نظرنا له بنظرة أخري سنجد انه تخفيض كاذب وهذه الأسباب1-
النسبة الأكبر من مستخدمي الانترنت في مصر مشتركين بسرعة 256 ك ب /ث
2-
اثنان جيجا فقط حدا مسموحا للتحميل من الانترنت فاجئنا جميعا انه لحد ضئيل جدا
3-
هذا الحد المسموح به للتحميل سيحول مستخدمي الانترنت في مصر إلي مرتادي شأت فقط ومرتادي تصفح مواقع ليس أكثر خوفا من تخطي الحد المسموح بيه ودفع مبالغ أقل ما توصف به بأنها خيالية ( 8 جنيه للجيجا الزائدة حسب اتصالنا بمعظم مزودي الخدمة في مصر وإبلاغهم لنا بسعر الجيجا الزائد عن المسموح بيه )

4-
هل تعلمون سيادتكم أن متوسط استخدام معظم شباب مصر لايقل عن (20-30 جيجا شهريا)

5-
هل تعلمون سيادتكم أن الانترنت في مصر ليس أداة شات ولا تصفح فقط وإنما هو مقصد للتعليم ومقصد للترفيه ومقصد للمبرمجين ومصممي صفحات الوب وهذا مايحتاج إلي حد اعلي من هذا

6-
هل تعلمون أن هذا الحد المسموح بيه ( 2 جيجا ) أحبطنا جميعانحن جميعا مقدرين لسبب هذه المبادرة وذلك لردع الـ
internet connection sharing
ومن يستغلون الانترنت للكسب غير المشروع من خلال توصيل الشبكات إلي المنازل المجاورة عبر الشبكات السلكية واللا سلكيةولكن سيدي انتم هكذا لستم فقط ستردعون هؤلاء الفئة ولكنم ستردعون جميع المستخدمين أمثالنا المتضررين من تلك المبادرةبالعكس قراركم هذا فيه مصلحة شخصية لمن يسموا بكبار مؤسسي تلك الشبكات حيث أنهم سيتجهون للانترنت بسرعة 2 ميجا وستزيد نسبة توزيعهم وشبكاتهمناسف للإطالة ولكن مانطلبه هو الإبقاء علي الـ
Unlimited Internet Packages
الحالية حفظا لحقوقنا بالتمتع بخدمات الانترنت ومسايرة العصر ومواكبة تطوراته بالإضافة إلي طرح تلك المبادرة وذلك توجها لتلك الفئة من هم من مستخدمي الشبكات المحظور إنشاءها وهم بكل تأكيد سيجدون في تلك الباقة ما يسرهم لأنها أفضل بكثير لهم من استخدام الشبكات هذه بما لها من عيوب جمةنرجو سرعه التوضيح وتعديل القرار,,, شكرا لكم لرحابة صدركم_تحديــــــــــــــــــثالحملة الإليكترونية لمناهضة القيود الجديدة على خطوط الانترنت فائق السرعة في مصرhttp://www.mesh-gayeb.com/_موقع الحملة الشعبية لرفض اتفاقية الانترنت الفائق السرعة الجديده
http://netegypt.ch/
نقلا من مدونه مش انا

Wednesday, July 25, 2007

رسالة إلي فرعون مصر


قصيده
لــ
عم
أحمد فؤاد نجم

نظرا لأن النعمة فاقت حدها

ولأننا مش قدها

ولأن فعلا انجازاتك

فوق طاقتنا نعدها

ولأننا غرقنا في جمايل

مستحيل حنردها

نستحلفك ....... نسترحمك

نستعطفك .......نستكرمك

ترحمنا من طلعة جنابك حبتين

عايزين نجرب خلقة تانية

ولو يومين

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك حضرتك

دا شعب فقرى مايستحقش جنتك

أنا عارفه شعب ماينفعوش

إلا شارون وبلير وبوش

عايز يجرب الامتهان

ويعيش عميل للأمريكان

بيمد "غازه" لإسرائيل

ويومين كمان ويمد نيل

أهو يعنى نشرب ميه واحدة

ندوب في بعض

ماء وماء وماء

ونفض سيرة الانتماء

وبلاها نعرة وطنطنة

تبقى البلاد "مستوطنة "

(متسلطنة بالسرطنة)

إيه اللي خدناه م الكرامة والإباء

حبة خطب وكلام...كلام

إحنا راهننا على النظام

ورضينا بخيار السلام

بخيار حنسد عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة

شلة مأجورين؟

ياعم فضك سيرة

وارضى بقسمتك

دا شعب مش فاهم أكيد

يالا اطرده من رحمتك

وإن كنت غاوي الحكم

خليك مطرحك

حاغطس واقب وأعود

بشعب يريحك

راضى وعمره مايجرحك

أخرس ومايسمعش

وأعميلك عينيه

مش كل قرش يبص فيه

مايقولش لأه، وفين، وليه

يضرب ينفض في السليم

وعلى الصراط المستقيم

كل اللي يعرف ينطقه

عاش الزعيم

يحيا الزعيم

.......................

أحمد فؤاد نجم

Saturday, July 14, 2007

عيزينها تبقي خضرا........

عيزينها تبقي خضرا .... الارض اللي في الصحرا
جامعه الاسكندريه
كليه التربيه
المعسكر الصيفي للعمل المنهجي
لتعليم الكبار وخدمه المجتمع
الفرقه الثالثه شعبه اساسي
جميع الاقسام
هوا دا المعسكر الصيفي بتاعنا
اتقسمنا مجموعات
وكنت انا في المدينه الجامعيه القديمه طلاب
اللي هيا في سموحه

علي فكره الصعيدي كريزي مان معايا في نفس المجموعه
احنا بقي نزلونا في ملعب 11 انما ايه
نحسب نفسنا حنلعب كوره
لكن قالولنا
انكم
حتلموا الزلط كله من الملعب
قولنا ماشي بس نلعب
اتاري مافيش لعب
دا الملعب بيتاجر للانديه فقط
وحتي طلاب المدينه الجامعيه
لا يلعبوا عليه
والمهندس الزراعي
بيطنطط علينا
لكن نعمل ايه
اتعاركنا معاهم
لان الماده دي من 25 درجه
تعليم كبار ومحو اميه
وليس لم ظلط ومحو اميه نجيله
باظ الكوتشي
والبنطلون اتبهدل

وادينا قشفت
ودماغنا اتقورت من الشمس
لكن شوف معسكر اعداد القاده
اللي هما بيقابلوا الريس
كل واحد لابس هدوم مخصوصه
وكابات عشا ن الشمس



..............................................................................................


صوره لمنتخب كليه تربيه في ارض الملعب
لاحظ المربعات الحمراء


انا بنقي الظلط
وي كانني في الحج بلم الجمرات

انا ماسك البرويطه عشان نلم الظلط

دي اخره اللي يخش كليه تربيه اساسي

..................................................................


لازم يمثل في فيلم

الايدي الناعمه

هههههههههههههههههههههههه

.............................................

الجزء التاني

................................................................

لازم نشتغل عشان نخدم المجتمع والناس



طلبنا مانشتغلش في الشمس

قال اشتغلوا في الظل

ولم ورق الشجر

من غير جونتيات حمايه


تحت الشجره يا وهيبه (صديق بيلم ورق الشجر)ا

بعد كدا اشتغلنا حبه في الشمس

وكانت الشمس حاميه اوي

دماغنا هيست

وعملنا معاهم احسن واجب


التعاون بين الاصدقاء في العمل الخدمي



المهندس اتجنن مننا

وراح يجري ورانا في الملعب

وبعدين لما زهقوا مننا

وحصلت مشاكل

اتصلوا بالمعيده تيجي تاخدنا

عشان اتخنقوا مننا

وجائت المعيده

وحلت المشكله

والدكتور بتاع المدينه الجامعيه

عطانا الدرجات

وقالوا لينا امشو وماتجوش تاني

خلاص

كفايه

احنا ماصدقنا

وطلعنا جري

علي بحر الانفوشي

في بحري

وهوبا هوبا

اخيرا خلص الترم التاني

وفي انتظار النتيجه



صوره ليا انا واصحابي في الكليه في البحر

Tuesday, July 03, 2007

كاس في الراس يوجع


الدربي او القمه
ماتش امبارح متميز جدا
الاهلي لعب حلو والزمالك كمان
بس اللي يستحق الكاس
الاهلي
طبعا
بس كان مفروض يكون فيه كاسين
واحد للمتميز والاخر
للفريق الاخر المتميز ايضا
وقد نقلت وكالات الانباء الخبر الاتي
:
نبأ عاجل :ما كاد مشجعي الفريق المشهور بالهزيمة يخرجون من مستشفيات الامراض العقلية الا وتولوا علي العودة الي تلك المستشفيات بعد ما حدث في لقاء الامس وقاموا باخبار المسؤلين عن مستشفيات الامراض العقلية بانهم يريدون البقاء فيها للابد
محدث النبأ العاجل: وقد شهدت تلك المستشفيات انهيار جميع من دخلوها واسفرت هذه الهستيريا بأنتحار نصف مشجعي الفريق الابيض ويذكر انهم كانوا يعالجون من اثار هزيمة ال 6/1 التاريخية
ونوعدكم بانتحار النصف الاخر بعد ماتش السوبرمراسلكم اهلاوووووووووووي جدا من امام سور القلعة البيضاء المهشم
الكريزي صعيدي مان : مراسل المدونه الرياضي
مع الاعتذار للزمالك ومشجعيه