بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا
الاقصى

Friday, October 12, 2007

باك من الشباك


ملتقي مدونين
اعتكاف 2007




اولا ملتقي المدونين
من مدونه يلا نفضحهم اللي انا مشارك فيها
وهي مدونه تجمع مدونين من كل مصر لمناضة التعذيب والدفاع عن حقوق الانسان
بفضح تجاوزات الشرطه وتجاوزات الحكومه مع حقوق الاشعب المصري

لاول مرة بالاسكندرية : دعوة لكل مواطن ولكل مدون حر: لحضور .............

ملتقي الدفاع عن سجناء الراي وحقوق الانسان بالإشتراك مع ....

تجمع المدونين الطامحين في وطن عربي بدون سجين رأي واحد

و بحضور نخبة من الصحفين والسياسين والمدونين


فرصه حقيقيه ليجتمع المدونين مع بعضهم البعض


ويعلنوا تضامنهم مع حرية الصحافه والكلمه في مصر


موعدنا : الخميس 18/ 10 الساعه 5

بنادي المحامين بجليم كورنيش البحر الاسكندرية


اعلن عنا في مدونتك
..................................
اعتكاف 2007

الصوره دي كفايه لغايه لما اكتب بوست كامل بالصور عن الاعتكاف
دي صوره اتنين اصحابي في الفطار في الاعتكاف
.............................................

كل سنه وانتم طيبين



14 comments:

خالد حفظي said...

تقبل الله منا ومنكم أيها المطحون و كل عام و أنت و أهل الإسكندرية (حبايبي) بألف خير وعافية
مرة أخرى .. تقبل الله منا ومنكم الصيام والقيام وصالح العمل
لي سؤال .. الطحن يكون في فترة معينة ثم يكون بعد ذلك (الخبيز) و أنا من يوم ما عرفتك و أنت مطحون .. فمتى الخبيز؟

karamella said...

كل عام وانت الي الله اقرب وتقبل الله منا ومنكم رمضان

صانعة الحرية said...

كل عام وانت لربك طائع ولنبيك تابع ولراية الاسلام رافع
عيد سعيد اخى مطحون
وربنا يتقبل منا الصيام والقيام وصالح الاعمال






ملحوظه: هو حضرتك ممكن تغير اسم المدونه تخليها الوطن المطحون اعتقد انه هيكون احسن واكثر فاعليه ولحضرتك حرية الاختيار

مدحت محمد said...

على فكرة انا اول مرة امر على مدونتك هى بالصدفة الصراحة
بس بجد خطيرة وعجبتنى اوى
يمكن انا لسة مدون جديد
ومفهمش فى المدونات اوى
بس بجد روعه
وكل سنة وانت طيب
وعيد سعيد عليك

عصفور اسكندرية said...

وطني
جزاكم الله خيرا وتقبل اله منكم
مازال الطحن مستمر
والخبيز يوم النصر باذن الله

karamella
وانتم بخير جزيتم خيرا


صانعه الحريه
وانتم بخير جزيتم خيرا
تقبل الله منا ومنكم
بالنسبه للمدونه حيبقي فيها تغيير شامل باذن الله قريبا وعلي فكره انا لسه لحد الان معتبرها تجريبيه او تحت الانشاء


Doha
حمد لله علي سلامه الوصول الي مدونتي
الله يكرمك بس مدونتي علي الاد وربنا يسهل ولو عايز اي حاجه في المدونات انا موجود باذن الله وايميلاتي في المدونه وكذلك رقم موبايلي

عصفور اسكندرية said...

انا مستنيكم باذن الله يوم الخميس القادم في اسكندريه الساعه 5 في نادي المحامين علي البحر

Monzer said...

ازيك يا عصفور اسندرية
عامل ايه يا جميل
كل سنة وانت طيب
اما عن مؤتمر يالا نفضحهم

مش عارف والله هاقدر آجى ولا لا


عاوز تفاصيل أكتر
اهداف اللقاء ايه مطلوب منناايه .. ازاي نقدر نشارك أو نساهم

عاوز حتى ولو خلفية بسيطة عن الموضوع

ع العموم أنا قلت لناس كتير عن الموضوع ده،

قالولى رد حلو قوى
تعالى وانت تعرف

بصراحة عاوز أعرف قبل ما أروح :)

ربنا يسهل

mohammed alsha3r said...

جامدة صورة الاخوة االلى بيفطروا دول

عصفور اسكندرية said...

منذر باشا
صباحك سكر
انا ضيفتك عندي في الميل ياهوو كلمني عليه وانا اظبط معاك

الشاعر
انت اللي جامد

مشروع انسان said...

كل سنة وانت طيب
وعيد سعيد
تقبل الله منا ومنكم
وان شاء الله هحاول اجى
مع ان صعب عشان اجازة العيد
صعب اخد بعدها اجازة تانى من الشغل
ربنا يسهل

غــرـريــبـــة said...

السلام عليكم و رحمة الله و بركاته


دى أول زيارة لى فى مدونتك لكن هى ما شاء الله رائعه


هههه هو انا لى تعليق رخم شويا على الصورة يعنى ... اينعم اول مرة لى بس فكرتنى .. بالمسجد الى بصلى فيه من 8 سنين و بالاعتكاف ... خصوصا ان كتير اوى بيفضلوا من بعد التراويح لحد الشروق فى المسجد مقيمن الى هتكلم عليه هو الى بيحصل فى مصلى السيدات .. و هو شبيه بحفلة الطعام الى فى الصورة


الناس بتنسي انها فى مسجد أما دوشه و خناقات .. اما تلاقى الموائد اتنصبت على الارض يفرشوا مما تشتهى الانفس منن بعد صلاة التهجد الى قرب الفجر و دوشه و دى عايزة شاى و دى عايزة قهوة و دى بتتكلم و دى بتضحك ... قياسا بالرجال و احنا المصلى الخاص بينا اعلى الصحن بتاع الجامع وبيفصل بيه و بين تحت ارابيسك يعنى كل دا على مسمع من الرجال ... الرجال بكل هدوء المصاحف فى الايد .. قبيل الفجر سندوتس فى ايده و زجاجه ماء او عصير و بردوا فى هدوء ... انا مش عارفه الناس رايحه تصلى و تعتكف و لا فى فسحه ...


معلش يمكن رخمت فى التعليق بس الصورة ذكرتنى انت السبب بئي


كل عام و انت بخير

عصفور اسكندرية said...

امام الجيل
باذن الله حستناك


غــرـريــبـــة
علي فكره انتي او اي حد هنا ليه مطلق الحريه في التعليق
بس تعليقك والله جاي في الصميم
انتي عارفه الشباب وعنفوانه وهزار الشباب مع بعض والهمجيه في الاكل بس اللي في الصوره دول ناس طيبين لسه باقي الصور في البوست القدم

Anonymous said...

اكيد هنحضر ياباشا

اما بالنسبة للاعتكاف بقا عاوزين نشوف الباقى

صانعة الحرية said...

السلام عليكم
اخى المواطن المطحون
ياريت حضرتك تعطينا رايك فى الاقتراح الموجود فى بوستى الاخير
وهل من الممكن ان تساعدنابشىء

جزاك الله خيرا