بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

Monday, October 22, 2007

ملتقي المدونين الاول 2007

بسم الله الرحمن الرحيم

اولا
اعتذر عن عدم الكتابه الفقره السابقه
واعتذر عن تأخيير صور الاعتكاف والتي ستتأخر شويه كمان
واعتذر عن تأخر بوست لعيد بالصور

ثانيا
اطلب الغفران من الله بعد ان ظهر باعلانات جوجل ادسينس عندي اعلانات تبشيريه

ثالثا
باذن الله قريبا سيتغير شكل و سياسه المدونه
ياريت تبعتوا رساله ليا فيها عايز تشوف المدونه ازاي وتشوف فيها ايه

رابعا
ودا الاهم
ملتقي المدونون
او فرح المدونون كما احب ان اسميه

نبدأ من الاول خالص مالص
كان يامكان في سالف العصر والزمان ايام ما كان شهر رمضان منورنا
واحد ربنا يسامحه في الكليه كل شويه يقول لي ادخل شوف مدونه يلا نفضحهم وانا اقوله ياعم ربنا امر بالستر .. استغفر الله العظيم .. شطان دا ياعم الحج ولا ايه .. وبعد وجع دماغ لقيت نفسي بفتح موزيلا فاير فوكس وبكتب في جوجل ( يلا نفضحهم ) وفتحت المدونه
ووجدت ما لايحمد عقباه
فضايح من هنا لبعد بكره
ومش اي فضايح
وشك
فضايح الحكومه والداخليه وامن الدوله
قولت قشطات لازم اكون معاهم وحظي ان يومها كان في كونفرانس علي الياهوو روحت داخل وقعدنا نتكلم مع مدونين من مصر كلها وتاني يوم قابلت مدونين وبدأت فكره الملتقي
روحنا نخطط لها وننفذها
وربنا كرمنا واشتغلنا في الاعداد مع ان عددنا في الاول كان صغير جدا جدا حوالي 4 مدونين او 5 فقط
سهر ومشاوير ومباحثات وكله عشان نعد لملتقي كويس
.........................
وخلص رمضان وجاء العيد
واتفسحت في العيد (قريبا في المدونه ) ء
....................................
وفي ثالث يوم العيد بدأ الاعداد النهائي للملتقي
ونجتمع اجتماعات مكثفه وشغل مكثف
وجاء يوم الاربعاء
والقلوب كلها تدق دقات القلق والعيون مزبهله والعقول منتفخه والبطون خاويه والدمغه عيلها طيور
لكن ربك ستار حليم
انجزنا انجاز رهيب هذا اليوم
بدأنا بالاجتماع اليومي بتاعنا وكان اغلب مدوني الاسكندريه اللي في اللجنه موجودين وبعدها روحنا نجهز اساسيات الملتقي من معرض وصور و خلفيه وافلام ونيم تاج وكنا 6 مدونين
.........................
وبعد كده انا و محمد عبد الجليل واحمد دومه روحنا نشوف ايه اخبار الفيلم و برنامج الملتقي
نزلنا الساعه وقعدنا علي قهوه بلدي وشربنا مشاريب واكلنا وبعدها اعدنا ندور علي حلاق عشان احمد دومه عايز يحلق شعره ودقنه عشان جاي من السفر ومش عامل حسابه ومحل الحلاقه كان به اصحاب الحلاق كلهم محششين واحنا نضحك علي احمد دومه في الموقف دا وروحنا ظبطنا الفيلم مع حسام ونزلنا الساعه 3 فجرا الي محرم بيك ارض الوطن انا ومحمد واحمد دومه ونمنا في عربيه 128 حمرا وكنا منظرنا عجيب واحن نيام فيها
احمد دومه نايم علي الكنبه اللي ورا وحاطط قرد لعبه تحت راسه
محمد عبد الجليل نايم راسه تحت الدركسيون ورجله فوق احمد دومه
انا نايم جنب محمد وحاطط قرد وعروسه لعبه تحت راسي وكتفي علي محمد
وكان نفسي افرد رجلي وانا نايم
وجائت الساعه 6 صباحا
روحت نازل علي بيتنا في حي المهندسين واخذت شاور متلج وكويت القميص بتاعي واخذت بدلتي وبدله اخويا عشان احمد دومه ونزلت قابلتهم وكنا الساعه 9 صباحا علي اعتاب نادي المحامين في سابا باشا علي البحر
........................................
وبدأ العمل وتم كل شئ كما كان محضر له الا بعض الاخطاء البسيطه
......................................
الملتقي نفسه
................
بسم الله بدأنا بفيلم مقدمه عن التعذيب وبعدها عرض بانرات بعض المدونات وكان فيلم مؤثر جدا
وبعدها بدأ المدون محمد عبد الجليل وحسام اغمري وليس انا كما ذكر في بعض المواقع الاخباريه في افتتاحيه الملتقي وقدموا ابونا الروحي د ابراهيم الزعفراني الذي القي كلمته بصفته مقرر اللجنه في الاسكندريه لجنه حقوق الانسان وسجناء الراي
من ضيوف الشرف على المؤتمر الشاعر الكبير عبد الرحمن يوسف

والذى ألقى ثلاثة أشعار وكالعادة سعد الحضور جميعهم بكلماتة الشعرية

التى تصف القمع الذى نتعايشة الأن من ظلم الحكومة وجبروتها.

وأيضا ألقى مقرر اللجنة د/ ابراهيم الزعفرانى كلمة يعاهد بها الحضور

بأنة سوف يبذل قصارى جهدة لفضح جرائم التعذيب فى شتى محافظات

مصر وذلك من خلال الأعضاء المدونين الناشطين .وكما حضرت حالات

منها طفل صغير أخ لشابين وهما محمد ومصطفى وهما من ضمن الثلاثة

شباب الجامعة المعتقلين بالأسكندرية ويوصف الطفل مشهد القبض على

أخوية من دخولهم المنزل بطريقة ليست لائقة الى أهانة كرامة أخوتة وأخذ

جهاز الكمبيوتر ويعرب الطفل عن قلقة عليهما لأنهم اخذوا قرار الافراج

ومازالوا في الترحيلات حتي الان وهو يطالب بأخراج أخوية


وحالة أخرى تحدثت أحمد أسماعيل محمد اسماعيل تحدث عن الظلم الواقع

علية من عام 2000الى عام 2007 تم أعتقالة من 26/5/2000 الى

18/3/2003 وتعرضة ل11 واقعة تزوير وقدم اتهام صريح الى رئيس

مباحث الداخلية بزق البلطجية بعمل محاضر ضدة

وهذا كلة بسبب رفع صوتة على رئيس مباحث الداخلية أثرى أتهامة بجرايم

لم يفتعلها وذلك لتشابة أسمة مع أسم شخص اخر.

وألقى شاعر الجبل محمد جودة كلماتة الثائرة عن الوضع الحالى .

والدكتور كمال نجيب الذى أعرب عن أنضمامة مع المدونين وانهم جبهة

يعترف بها ويشهد بنشاطها وأعلن عن رفضة لسجن حرية الرأى.

وكما ألقى بعض المدونين كلمة لمقترحات المدونة وأعلان انضمامهم

كأعضاء .

وحضور مندوبين لأحزاب الغد والعمال والوفد ويعلنون تضامنهم مع اللجنة

وضد قمع الحريات وانتهاكات حقوق الأنسان .

ويشرفنا حضور ثلاثه من اعضاء مجلس الشعب المحترمين الاستاذ

صبحي صالح والاستاذ المحمدي سيد احمد والاستاذ حمدي حسن .

كما وجد ممثلين لعده حركات منهم مهندسون ضد الحراسة ومعلمون بلا

نقابة ومصريون ضد التعذيب .

كما اعلن الجميع تعاونهم وسعادتهم بالشباب المدونين وانهم هم اللذين

سيحملون راية فضح ذلك النظام المستبد .

وبعد المؤتمر أقاموا ورشة عمل لمناقشة المقترحات المقدمة للجنة وخطة

العمل القادمة.

..............
كله بالصور
بس معلش الصور متلخبطه شويتين


د ابراهيم الزعفراني في الوسط وانا علي اليسار واحمد دومه علي اليمين
د ابراهيم الزعفراني مع فريق التقديم



حوده اخو محمد ومصطفي امام اللي معتقلين من جامعه الاسكندريه


صوره تذكاريه

من فريق العمل




د ابراهيم مع المدونين





وحش البرلمان ا صبحي صالح







اعضاء من فريق العمل




د ابراهيم لقانه اليوم




م هيثم ابو خليل لقناه اليوم






شاعر الجبل محمد جوده




جانب من الحضور




الأستاذ الدكتور عمر السباخى الأستاذ بكلية هندسة الأسكندرية ورئيس لجنة أنصار حقوق الإنسان



الأستاذ الدكتور كمال نجيب بكليه التربيه متحدثاً بإسم لجنة الدفاع عن الحريات بنادى أعضاء هيئة التدريس بجامعة الإسكندرية


كله واقف في النشيد الوطني






اعضاء فريق العمل




الأستاذ الدكتور فهمى فتح الباب الستاذ بجامعة الإسكندرية وعضو لجنة الدفاع عن الحريات بجامعة الإسكندرية




د ابراهيم الزعفراني في بدايه الملتقي




الأستاذ مجدى حلمى من جريدة الوفد متحدثاً بإسم الصحفيين المقدمين للمحاكمة




الأستاذ الدكتور على بركات الأستاذ بكلية الهندسة والذى أعتقل فى أزمة القضاه ممثلاً للجنة الدفاع عن الحريات بنادى أعضاء هيئة التدريس




حبايبنا الحلوين ظباط امن الدوله




أحمد جابرعبد الله ممثل إتحاد العمال الحر




ا خلف المحامي ممثل مصريون ضد التعذيب




خلفيه الملتقي




جانب من الحضور




الشيخ ابو عمر المصرى مفاجأة الملتقى




جانب من الحضور النسائي





الشاعر الكبير عبد الرحمن يوسف القرضاوي




لافتات شباب حزب الغد




مواطن يحكي قصه اعتقاله ظلم وكيف نصب عليه الظابط








الشاعر عبد الرحمن يوسف القرضاوي يلقي الشعر



د ابراهيم الزعفراني في الافتتاحيه




مدونه ناشطه تلقي اقتراح بالبيان التأسيسي



جانب من الحضور




السلام الوطني ووقفه احترام




السلام الوطني ايضا



تقديم الملتقي




وحوش الملتقي
علي فكره انا اول وحش فيهم علي اليمين




من لوحات المعرض




لوحه اهدافنا ومبادئنا




بدايه فيلم المؤتمر




الحضور الصحفي والاعلامي











جانب من المعرض




الشاعر عبد الرحمن يوسف




جانب من الحضور






ام فاضله تحكي قصه اختفاء زوجها من مكتبه وعدم العثور عليه




حوده اخو الطلاب المعتقلين




لأستاذ الدكتور عمر السباخى الأستاذ بكلية هندسة الأسكندرية ورئيس لجنة أنصار حقوق الإنسان




د ابراهيم الزعفراني للاوربت




ماكيت لا للتعذيب




ا خلف المحامي ( مصريون ضد التعذيب ) ء






المدون معتز عادل يتحدث نيابة عن تجمع مدونى الدلتا




ارض الملتقي قبل بدء الملتقي




من فريق العمل
انا تاني واحد من الشمال




مجسم ليد تكتب محبوسه في سجن







المدونه عبدالرحمن فارس الذي تم اعتقاله في العيد




المدون


المدون الناشط يحيي زكريا






جانب من ورشه عمل المدونين







ابو عمر المصري اللي كان معتقل في ايطاليا




لوحه مصريون ضد التعذيب




جانب من ورشه عمل المدونين


.............................................................
شكر خاص لفريق العمل في اعداد الملتقي

د\ ابراهيم الزعفراني مدونه ذاكره الزعفراني
م\ هيثم ابو خليل مدونه متر الوطن بكام
محمد عبد الجليل مدونه سحابه وتعدي
هاني جابر مدونه بحب الحريه
ابو حنين السكندري مدونه جيل الصحوه
شيماء مدونه شقاوه شعب
مروه مدونه حلم الحريه
كريم حسين مدونه كده او كده
حسام الغمري مدونه اخ جامعه
اسلام الرفاعي مدونه بحب مصر
................................
شكر خاص لكل اللي اخذت من عندهم الصور

ابو حنين السكندري مدونه جيل الصحوه
احمد الجيزاوي مدونه انا بحبك يا مصر
حسام الغمري مدونه اخ جامعه
..........................................
شكر خاص لكل من ساهم في انجاح هذا الملتقي
من مدونين وفنيين واداره النادي
.......................................


من طرائف الملتقي
معظم مدوني المحافظات حصل عندهم لبس شديد بيني وبين حسام فمنهم من يأتي الي ويقول اه حسام ومنهم من يذهب الي حسام ويقول اهلا عصفور
حتي ان بعض مراسلين بعض المواقع وقعوا في نفس اللبس
ولما حكيت لحسام قعدنا نضحك كتير

حسام الغمري محمد عصفور
اخ جامعه المواطن المطحون

37 comments:

لساني هو القم said...

هناك وفي الهواء الطلق تحفنا النسمات العليله من كل اتجاه التقينا تصافحنا من أجل قضيه نؤمن بها جميعا .. جمعتنا مصر وستظل تجمعنا ان شاء الله .. وقبل مصر اتمنى ان يجمعنا دائما الحب في الله

...

أسعدني جدا ان اكون اول المعلقين هنا


تحياتي لك
دمت كما تحب ان ان تكون وفي كنف الله

ابو مفراح said...

تقبل الله هذا الجهد الكبير و جعله فى ميزان حسناتكم ان شاء الله
و ان شاء الله تعالى لاربنا يكرمنا و يجمهنا فى ملتقى اخر و ان شاء الله احضره
معلش خيرها فى غيرها
ابو مفراح

سارة بندارى said...

ما شاء الله

تغطية اعلامية رائعة

جعلها الله فى موازين حسناتكم

جزيتم الجنة

مدونه انا بحبك يا مصر said...

انا على فكرة كنت برضه بتلغبط كدة فيك وفى اخوك
بس اللقاء كان فى المجمل مفهوش لغبطه لا فيك بس هههههههه
اعمل حسابك انى اللقاء القادم عندنا فى القاهرة
احمد الجيزاوى

هبه said...

ما شاء الله عمل رائع فعلا ربنا يكرمكم يا رب ويجازيكم على تعبكم خير واضح جدا المجهود الكبير اللى بذلتوه ، وانا بجد سعيدة جدا بالفكرة كلها وبتنظيمكم للموضوع وبكل الشخصيات الجامدة اللى حضرت وعقبال الملتقى رقم 100 بس يكون كل المشاكل اتحلت يا رب

sanaa said...

الحمدلله الكمبيوتر انهاردا رايق وفتح المدونه على طول ربنا يهديه
بجد مش عارفه اقول ايه ربنا معاكم
عصفور انت المفروض كنت دخلت اعلام بجد اسلوبك لذيذ فى الكتابه

مُسلِمَة said...

السلام عليكم ورحمة الله وبركاته

فعلا جزاااااااااااكم الله كل خير على التغطية الرائعة

إيمـان حسـان said...

تغطية رائعة لمؤتمر رائع جدآ

على فكرة أنا كمان إتلخبط بينك إنت وحسام الغمرى
مش إنت محمد عصفور بردو ههههه
ربنا يوفكم وسعدت جدآ بلقائكم

عصفور اسكندرية ( المواطن المطحون ) said...

لساني هو القلم باشا
شكرا لحضروك
واسعدني ايضا ان تكون اول المعلقين عندي

عصفور اسكندرية ( المواطن المطحون ) said...

ابو مفراح باشا
منا ومنكم يتقبل الله
باذن الله نشوفك في الملتقي القادم

عصفور اسكندرية ( المواطن المطحون ) said...

الاخت ساره البنداري
جزاكم الله خيرا علي الحضور
وسلامي للاستاذ عبد الحميد البنداري

عصفور اسكندرية ( المواطن المطحون ) said...

احمد الجيزاوي
جزاك الله خيرا علي الحضور
معلش بقي نعمل ايه شبه بعض يا اخي

عصفور اسكندرية ( المواطن المطحون ) said...

هبه
جزاكم الله خيرا علي المرور والتعليق ولو عايزه تشتركي معانا في لجنه حقوق الانسان الموضوع سهل جدا

عصفور اسكندرية ( المواطن المطحون ) said...

سناء
جزاكم الله خيرا علي المرور والتعليق
ربنا يروق حال الكمبيوتر علي طول يارب
اعلام ايه بس .. تربيه دي احلي كليه

عصفور اسكندرية ( المواطن المطحون ) said...

مسلمه
جزانا واياكي
شكرا علي المرور والتعليق وباذن الله تكوني معانا في الملتقي القادم

عصفور اسكندرية ( المواطن المطحون ) said...

الاخت ايمان حسان
جزاكم الله خيرا علي الحضور والمرور والتعليق
ايوه انا محمد عصفور او عصفور اسكندريه
نحن اسعد بلقائكم

امام الجيل said...

عصفووووووووور
ربنا يتقبل منك يا سيدى لجهد الكبير ده
ويكون ليه ثماره يا رب
كان نفسى اجى بس الظروف زى ما قلتلك
خير
بس هتتعوض فى اول لقاء
باذن الله

سى السيد said...

أهلا يامحمد
متعرفش مقدار سعادتى وأنا بقرأالبوست أكتر من مره
وعجبتنى الصور جدا
وحسيت الموضوع قرب ينتهى والامل بدأ يقرب
بحييك على نشاطك الرائع
كان نفسى أبقى معاكم
بس انا من دمياط واله ماهو موضوع بعد مسافه بس كان ورايا ارتباط وانا زملائى نزلم تنويهات عن المؤتمر فى مدوناتهم
انا سعيد جدا بتعرف عليك واتمنى نكون اصدقاء
وعجبنى تصميم مدونتك
وتسمح لى اضيفها عندى


بكرر سعادتى بيعليقك عندى
وكنت منورها
سلام
ودمت بخير

صانعة الحرية said...

alsalam alikom
ma3zeratn alkeyboard mish radia tektb arabi
ta3"taia raai3a gda
bark allah fik

ENAS said...

غطية ممتازة

اللقاء كان اكثر من رائع واحسن حاجة فية كانت النظام وفعلا بارك الله فيكم على الفقرات الرائعة ويارب يجعلة فى ميزان حسانتنا جميعا ويكون عمل موفق وجزاك الله كل خير

mo'men mohamed said...

عصفور باشا
هنيالك يا عم
وان شاء الله ربنا يجعله فى ميزان حسناتك يا رب
السلام عليكم

شقاوة شعب said...

تغطية متميزة جدا ودمها خفيف

بارك الله جهدكم وتقبل منك ووفقكم للمزيد

bastokka طهقانة said...

كويس جدا ربنا يوفقكم
اوروفوار

kaed said...

اللة ينور عليك يا عصفور
عقبال الملتقى القادم

عصفور اسكندرية ( المواطن المطحون ) said...

سي السيد باشا
يامرحب ياريس عامل ايه
ربنا يزيدك سعاده كمان وكمان
ربنا يكمرمك علي هذه المشاركه المتميزه واتمني نكون اصحاب

عصفور اسكندرية ( المواطن المطحون ) said...

صانعه الحريه
اعتذار مقبول
ربنا يهدي الكي بورد
بارك الله فيكم

عصفور اسكندرية ( المواطن المطحون ) said...

ايناس
تشكرات علي الزياره والتعليق
يارب العمل يستمر بكفاءه اعلي
جزاكم الله خيرا

عصفور اسكندرية ( المواطن المطحون ) said...

مؤمن باشا
ربنا يكرمك ويتقبل منا ومنك

عصفور اسكندرية ( المواطن المطحون ) said...

شقاوه شعب
الله يكرمك ياستي
جزاكم الله خيرا وتقبل منا ومنكم

عصفور اسكندرية ( المواطن المطحون ) said...

قائد باشا
تشرفت بزيارتك لي
النور نورك ياريس
باذن الله مع بعض في الملتقي القادم

صانعة الحرية said...

مستر عصفور
فى انتخابات الان فى المنتدى
ياريت حضرتك تدلى بصوتك
صوتك امانه
والحمد لله الكيبورد بقى كويس وصحته فى تحسن

عصفور اسكندرية ( المواطن المطحون ) said...

صانعه الحريه
الحمد لله علي سلامه الكي بورد
بجد كان نفسي اصوت هناك وكان نفسي اديكي صوتي بس للاسف انا ممتنع عن التريح والتصويت اليس هذا حق من حقوقي

مريم said...

ربنا يكرمكم و جواكم الله كل خير

صانعة الحرية said...

ههههههههههه
حق من حقوقك استاذ محمد
ولكن صوتك امانه
شارك فى رفع راية الاسلام
وبعدين حضرتك مرشحتش نفسك فى ركن المدونات ليه؟؟
وعلى فكره والله انا مش بتكلم على صوت
انا بس على فكرة ان الصوت امانه
وان المنتدى له فضل علينا كلنا

عصفور اسكندرية ( المواطن المطحون ) said...

مريم
جزاكي الله خيرا علي المرور وياريت نبدأ في مدونه سمكه

عصفور اسكندرية ( المواطن المطحون ) said...

صانعه الحريه
انا عارف ان الصوت امانه
لكني مقاطع الانتخابات هناك لاسباب اخري وباذن الله ربنا يسهل السنه الجايه لو كان لينا عمر وان تكون الاسباب زالت انزل الانتخابات او اشارك
شكرا جزيلا لنصائحكم الغاليه

Anonymous said...

بارك الله فيك يا أخ عصفور ورزقك الاخلاص
هل تعرف من أكون ؟
أنامدرس بمدرسة الفتح المبين هل عرفتنى؟