بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

Thursday, June 14, 2007

بداية ونهاية

بجد بدايه ونهاية
اليوم الاول
الواحد بعد ماطلع عينه وعين اللي خلفوه في المذاكره والامتحانات وتصوير الورق اللي في الاخر بنقلي عليه سمك اخيرا ً الواحد ارتاح واخد نفسه


الحمد لله ان الواحد لسه بعقله

وانا قاعد بعد العصريه ومعايا كوب من الشاي المغشوش وقاعد ادام الزفت الكومبيوتر مش لاقي جديد فيه جالي تليفون علي المحمول واحد صحبي في الكليه رديت عليه
....: الو
....: الو السلام عليكم
....: عصفور باشا هاو ار يو كيفك
....: الحمد لله كيفك انت
....: ايه ياعم انت مش نازل شغل الصيف دا ولا ايه
....: والله انا بدور علي شغل بس يكون مرتب اشطه عشان الواحد عايز يجيب عده تمام
....:حتجيب ايه
....:نوكيا E61 i
....:ايوه ياعم يا بختك علي العموم انا عندي شغلانه عنب
....: قول يا عم انا في ارتفاعك
....:شغل في سان استفانو في الفندق علي 1000 جنيه
....: لايمني عليه كده الواحد يشتغله شهرين ويروح يتجوز
....: هااهاهاهاهاها
....:اوك يامان نروح امتي
....: كل يوم في الاداره في الفود كورت من8 : 4 ماعدا الجمعه
....:باذن الله حكون هناك انا والشله
....: باي
....: باي سلام
تيت تيت تيت تيت تيت

والمكالمه انتهت واخذت تنهيده عميقه من الفرح بالمرتب اللي مايحلمش بيه شاب لسه بيدرس في الكليه وروحت قولت لابويا علي الموضوع
راح قالي يابني بس اتكل علي الله وشوف مصلحتك بس ابعد عن الحرام الحرام مابيدومش
قلتله اشطه عليك ياعم الحاج

وبعد اجراء بعض الاتصلات بالشله المصونه والاتفاق علي المعاد والمكان وان كل واحد يروح يصور بطاقته الشخصيه ويجي وانتهي اليوم علي كده

اليوم الثاني

في تمام الساعه 12 ظهرا بتوقيت الاسكندريه تقابلت مع 2 من الد اصدقائي في ميدان العصافيري الدولي بمحطه مصر واتجهنا الي ساحه المشاريع المتجه الي اي حاجه بحر
المهم ركبنا اتوبيس من الجديد الازرق ابو جنيه وحلفنا علي بعض مين فينا اللي يدفع لي عشان انا جبت لهم الشغل ابو 1000 في الشهر اللي عمر واحد من ابوهم قبض المبلغ ده ولا حتي ابويا اللي بقاله 30 سنه في التربيه والتعليم

وطول السكه انا واصحابي حيكي وميكي والفيل صديقي يعني نحكي ونتكلم ونضحك وعند القرب من شاطئ جليم رحت قلت بصوت جهوري استفانو ياريس عند الفندق راح رد السواق ربنا يسهلكم
ودخلنا الفندق عند الفود كورت وكتبنا اسامينا وارقام موبايلتنا وقالوا حنتصل بيكم ان شاء الله اول ما نعوزكم
ومشينا روحنا المول ايه دا ياخونا ايه المباني دي احنا مش عايشين في البلد ولا ايه ايه ده محلات ايه مزز رايحه ومزز جايه ايه ده استغفر الله العظيم
وبعدين روحنا لحال سبيلنا

اليوم الثالث
انتظر الاتصال وحاطط الموبايل في البلكونه عشان الشبكه ومافيش فايده

اليوم الرابع
نفس النظام

اليوم الخامس
اتصل المدعو..... من الفورسيزونس سان استفانو جراند بلازا
وقال بكره الساع 2.5 الظهر في الفندق
قلتله ماشي حكون هناك في تمام الساعه 2.5

اليوم السادس

في ميدان العصافيري الدولي اتجمعت انا والاصحاب واتجهنا الي الطائره المتجه اي حاجه بحر ومفيش غيره الاتوبيس ابو جنيه المهم وصلنا ورحنا هناك
قال حتستلمو الشغل من الان لمده 12 ساعه او ولا نجيب غيركم
قولناله اوك في صوت واحد وراح اخد ا سامينا تاني وعطي كل واحد منا مينتاج شبه اي دي الشركات ورحنا الموقع بتاع الشغل
وبدأ بتعريفنا طبيعه الشغل وهو تأمين اماكن معينه في الفندق لحين ان تسلم شركه التشطيبات كل اعمالها وتعرفنا علي كل منافذ الموقع والمداخل والمخارج
والموقع كان الريسبشن الرئيسي للفندق واول ما دخلنا حسبت نفسي في الجنه مالا عين رات ولا اذن سمعت ولاكنها خطرت علي قلب مؤمن وكافر
ايه ده ياخونا ايه المكان ده الواحد شغال ريس وقاعد في التكيف ومظبط وكله في الكلتش كولكشن كان
وبعين اخذنا ساعه راحه في البريك رووم وهناك مطبخ امريكاني عشان يظبطوا العاملين ويعرفوا ينتجوا
اخذت السرفيس بتاعي وحطيت عليه طبق ومعلقه وشوكه وسكينه وحطيط السلطات ما لذ وطاب من السلطات وكذلك ما لذ وطاب من الطعام الفاخر
وساعتها بس عرفت الناس هناك بتشتغل من غير ما تمل ليه عشان كله تظبيط
وخلصت اكل وخلصت الشيفت بتاعي واتكلت علي الله انا واصحابي
ولكن كنت بدردش مع بعض العمال القدامي ومع تفقدي للمكان اكتشفت اشياء خطيرة
1- المكان به بارات وخمور وويسكي وكل حاجه تسطل
2- يوجد حمام سباحه للعرايا تحت الانشاء
3- الفندق 7 نجوم يعني هناك غرف ( استغفر الله العظيم ) مرخصه
4- يوجد مارينا في البحر المقابل للفندق وسيكون بها كل شئ محظور
5- ان سان استفانو حقق المعادله الصعبه جمع بين شرم ومارينا في مكان واحد في قلب اسكندريه

قلت انا واصحابي احنا لوكمانا في الشغلانه دي يبقي لازم نروح لجزار نركب قرون ونعمل نفسنا عبط واكننا مش حنشوف اللي بيحصل

واصدران القرار الملكي الاتي
ترك العمل في هذا المكان الملعون وننسي ان لينا مرتب يوم ونحاول نصرف الاكل اللي احنا اكلنا هناك باي شكل من الاشكال
لان كل ده مال حرام لانه يدخل فيه خمور ونسوان وغيره وغيره ولو الواحد اشتري بالمرتب هدوم ممكن تولع فيه

وانتهي اليوم واحنا حاسيين اننا عملنا شئ ايجابي ويغور المال الحرام وتغور سيرته

وفعلا كانت

بدايه ونهايه


الرسول الكريم قال ((( إن الحلال بيّن والحرام بيّن ، وبينهما أمور مشتبهات لا يعلمهن كثير من الناس ، فمن اتقى الشبهات فقد استبرأ لدينه وعرضه ، ومن وقع في الشبهات فقد وقع في الحرام ، كالراعي يرعى حول الحمى يوشك أن يرتع فيه ، ألا وأن لكل ملك حمى ، ألا وإن حمى الله محارمه ، إلا وإن في الجسد مضغة إذا صلحت صلح الجسد كله ، وإذا فسدت فسد الجسد كله ، ألا وهي القلب ) رواه البخاري و مسلم
وقال ايضا (( من ترك شيئا لله عوضه خير منه ))



المهم اني اكتشفت الفرق بين معامله العمال في شركه مصريه وشركه اجنبيه


وانا اهو قاعد ادام الزقت الكومبيوتر ادور علي شغل او اعمل اي حاجه مفيده

9 comments:

elsaidi_crazy_man@yahoo.com said...

نايس يا ابني والله مقال من الاخر
خليتني احس ان ليه لسه في كلية التربية ناس بتفهم وبعدين غعلا عندك حق ملعون ابو القرش الحرام الله الغني يا عم
وسلامي للاهل والاصحاب في الاراضي المطحونة الشقيقة مع تحيات عمكو كريزي مان من ورا الجدار العازل بين العقلانيه والجنون

monharef@yahoo.com said...

اية يابني مش حنروح مارينا

مى اولى اساسى said...

انا كنت حعيط لك

المواطن المطحون said...
This comment has been removed by the author.
Muhammad said...

أنا سعيد بيك والله
كتير من الشباب كان هايقبل بالوظيفة ويعمل عبيط

من ترك شيئاً لله عوضه الله خيراً منه

Anonymous said...

في كتيير اوي جرب الحكايه دي وعلي فكره في منهم اللي اشتغل وفيه اللي ضميره صحي زيك بهنيك علي ضميرك واخلاقك الصاحيه
كفايه بس انك عارف الحرام من الحلال
واخويا برضه عارف لانه تعرض لموقف مشابه
hayoomaa
اخيرا بهنيك عليها المدونه

وعلي فكره المواطن المطحون دي كانت شخصيتي المفضله في عالم روايات مصريه للجيب
hayoomaa
salam

راجيه عفو الرحمن said...

إن شاء الله ربنا هيعوضكم خيرا
من ترك لله شيئا عوضه الله خيرا منه
ده اختبار من ربنا وانتم نجحتم فيه
وربنا بيكافىء عباده فى الدنيا قبل الآخرة
قريب جدا بإذن الله هيفرحكم بشغل احسن
ياما الواحد بيسع قصص لناس مكنتش لاقية شغل وفى يوم وليلة بعد صلاة ركعتين قيام ليل ربنا رزقهم باكتر ما كانوا بيحلموا
ربنا يرزقكم بالرزق الحلال عاجلا غير آجلا

Anonymous said...

topic59, [url=http://www.chop.edu/forum/user/profile/8207.page]buy klonopin without prescription[/url], :-) sxj, http://www.chop.edu/forum/user/profile/8207.page buy klonopin *sorry*, [url=http://www.chop.edu/forum/user/profile/8208.page]order xanax 2mg[/url], :-( lzj, http://www.chop.edu/forum/user/profile/8208.page cheap xanax 2mg :-), [url=http://forum.cprs.ca/default.aspx?g=posts&m=6]order adipex[/url], :-( aen, http://forum.cprs.ca/default.aspx?g=posts&m=6 order adipex online :-), [url=http://forum.cprs.ca/default.aspx?g=posts&m=7]alprazolam no prescription[/url], :-( wkx, http://forum.cprs.ca/default.aspx?g=posts&m=7 buy alprazolam no prescription :-), [url=http://forum.cprs.ca/default.aspx?g=posts&m=8]buy ambien without prescription[/url], ;-( pqs, http://forum.cprs.ca/default.aspx?g=posts&m=8 order ambien no prescription :-(

Anonymous said...

http://markonzo.edu famciclovir side effects ohiofirst ukwgrgiona codeine side effects valentin clarinex side effects sachem borrowers atarax side effects dabek valtrex side effects kingsland