بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا

Monday, March 31, 2008


اضرب
اضرب

لالالالا
ابوس ايدك
اوعي تفهمني صح
انا مش بديك جوين تضربه
ولا بحرضك علي العنف وضرب الاخرين

اضرب
ينعي تكون مضرب
يعني تكون مشارك في اضراب

اضرب
اضرب
6 ابريل
اضراب شعب مصر
دي مش كدبه ابريل
دي حقيقه
كفايه كدب بقي

انا قريت على النت وجتلى رسائل على الموبيل ان فى اضراب عام يوم 6 ابريل للاعتراض عن الغلاء المفرط والارتفاع الجنونى فى الاسعار ومن ناحية اخرى المرتبات والدخل ما بيتحركوش و مافيش ربط بينهم و بين الارتفاع الجنونى فى الاسعار
وكأن الحكومة والبلد عايزنا نضرب دمغنا فى الحيط .........

عجبتنى الفكرة وفكرت ان احنا ممكن ندعم الفكرة باضراب عام عن الشراء نعمل اضراب عن شراء اى سلع فى اليوم ده وياريت منكنش سلبين ونشارك كلنا فى الاضراب بأى صوره من الصور ....... مفيش حاجة فى البلد ممكن تتغيير واحنا واقفين نتفرج و نمصمص شفايفنا و نقول حسبى الله ونعم الوكيل ..... ومش هتتغير لو عدد قليل هو بس اللى اعترض و الباقى وقف يتفرج............ لو مكناش 70 مليون ضد حكومة فاسدة وظالمة ومرتشية مفيش اى حاجة هتتغير وساعتها اياك تقول ان الحكومة بس هى السبب فى انك مش لاقى تاكل لازم تعترف انك ساعدت الحكومة بانك واقف تتفرج عليها وهى بتتدبح فيك وفى اهلك وفينا كلنا

لو كده ماشي
حكون مضرب
انا ضارب خلقه اصلا
ماجتش علي اليوم دا

بس ازاي حضرب


اقولك انا ياسيدي حتكون مضرب ازاي
1- الاجماع على تعليق علم مصر فى البلكونات

2- الاجماع على ارتداء ملابس سوداء و يفضل مطبوع عليها اى شعار للإضراب لو
امكن مع حمل شاره او اى اعلان عن "إنى مضرب إحتجاجا على الأسعار

3- تم بالإجماع الاتفاق على الإضراب عن شراء أى سلعه لتمثل وسيلة تهديد للحكومه التى لا تعيرنا اى انتباه و لا تحترم وجودنا ولا تحس بمعاناتنا و كذلك الاضراب عن شراء السلع يعتبر تهديد لاى تاجر يرفع الاسعار اننا يمكن ان نتحد لمواجهته
عند حدوث حالة شلل فى هذا اليوم سيفكر الجشعون الاف المرات امام هذا الشعب الواعى

4- تم الاتفاق على ان يحاول الجميع قدر استطاعته بكل السبل على الاضراب عن العمل و الغياب عن العمل هذا اليوم و اعلان ذلك قبلها و اعلان الاضراب

5- اجمع جميع الطلبه على الاضراب عن الدراسه فى ذلك اليوم و اعلان ذلك مسبقا

6- لإصحاب المهن الحرجه كالطبيب مثلا أو ما شابه و كذلك لمن لن يستطيع ابدا ابدا ان يمتنع عن العمل و كذلك بالنسبه للطلبه الذى يتوافق 6 ابريل مع امتحاناتهم فإنهم سيضطرون للذهاب لمصالحهم مع اعلان الاضراب لبعض أو كل الوقت و كذلك الاعتصام السلمى فى مجموعات إن امكن

7- على من يستطيع النزول للتظاهرات التى ستكون فى الميادين الرئيسيه بالمحافظات يمكنه ذلك و لكن بعد الاتفاق مع القوى السياسيه و منظمات المجتمع المدنى على ميعاد و مكان التظاهرات .. و حتى الان تم الاتفاق على ميدان التحرير فى القاهره .. و ميدان الحقانيه بالاسكندريه ... و ميدان الساعه بدمنهور
.. و ميدان المحطه بالشرقيه ... و امام مبنى المحافظه بالمنصوره
و ستبدا الوقفات الإحتجاجيه الساعه الحاديه عشر و تستمر طوال اليوم فى اسلوب متحضر محترم بدون أى سلوك او الفاظ غير لائقين
و خيار التظاهر مفتوح لمن يريد .. و من لا يريد عليه الختيار أحد الاختيارات من كل الاختيارات السابق ذكرها

8- على الجميع العمل بجد منذ اليوم حتى يوم 6 ابريل على نشر كل تلك الافكار بين الشعب المصرى و هم اهلنا و اصحابنا و اقاربنا و زملائنا فى العمل مستخدمين فى ذلك كل الوسائل المشروعه من دعوات صريحه عامه او فرديه او ارسال رسائل محمول او مكالمات هاتفيه او البريد الالكترونى و المنتديات و المدونات و المواقع الاعلانيه و الجرائد و الصحف و المجلات و الاتصال بالفضائيات .. و كذلك تعليق الالافتات و ارتداء تى شيرت أو شاره يحمل الدعوه للإضراب من الان حتى ميعاد الاضراب
و على طلاب الجامعه نشر كل تلك الافكار بين اصدقائهم و زملائهم و محاولة النشر بكل الوسائل السلميه

وياسيدي لو ماعرفتش تضرب عن اي حاجه ادعي علي الظالمين ان ربنا ياخدهم و ينجينا منهم سالمين
لمزيد من المعلومات
اضغط هنا
جروب اضراب شعب مصر علي الفيس بوك

عرفت ازاي حتضرب
ولا لسه مقفله معاك
وشكلك مش ناوي تضرب
شكلك من الاعداء ومش حتضرب
مهما حصل
انا مضرب


Wednesday, March 26, 2008


ابتسم للحياه
وعيشها اورجانيك

Tuesday, March 18, 2008

سيد الاتغفار
....................
آآآآآآآآآآآآآآه
كل دي مشاكل احنا فيها

مافيش اكل

مافيش فلوس

مافيش شرب

مافيش جواز

مافيش عيال

مافيش بركه

مافيش مافيش

كل الناس بتقول مافيش

كل الناس بتقول ليه كده


ماحدش قال مافيش ليه

اقول لكم انا ليه

قالي الهادي المصطفي

ومن اعمالكم سلط عليكم

ياربي

كل اللي احنا فيه الان ن فساد وخراب وقله رزق وقله حيله

ما هو ناتج رئيسي لافعالنا

بص لنفسك الاول

واصلحها من الداخل

شوف الرشوه والسرقه وانصب واكل الحرام واكل اموال الناس بالباطل وكل واحد عايز يعمل قرش وخلاص من اي مصدر قله الحياء في الشوارع وفحش المجالس ولا كفايه كده

دا محمد واحد صاحبي كاتب علي الاميل

ياااااااه ياولا بقي الفرختين ب 57 جنيه بس الفرختين بس يعني من غير اضافات من الفرارجي

ادي بقي حالنا

كل حاجه بتغلي

والناس بتغلي

تقولهم اتحركوا يخاف

تقولهم قوموا يقولك انا عندي شغل

تقولهم هبو يقولك شايفني بابور ولا ايه

وانا معدي علي سوره نوح بقرأها

ليقت ايه عجيبه

والله عجيبه


فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا


اقرأها اكتر من مره كده

شوف كده

دا الاستغفار عن الذنوب بس بيعمل كل دا

احمدك يارب

استغفر ربك يمحي ذنبك

ومش كده وبس

الحق بقي دا انت بقيت مستغفر

يرسل السماء عليكم مدرارا اي ينزل عليكم المطر متتابعا غزيرا وتزرع وتكون الارض جنه

ويمددكم باموال وبنين اي يفتح عليك من وسع ويخليك تتجوز وتخلف ويبقي عندك ذريه صالحه

ويجعل لكم جنات اي ياااااه حيفتح عليك من وسع ويبقي الارض كلها جنات وحدائق ويبقي الجو كويس وتعرف تاخد نفسك من الهوا الحلو

ويجعل لكم انهارا ياربي انهار مره واحده دا احنا عندنا النيل ومبهدلينه ..

انهار تخيل كده وتتخيل ليه انت لازم تبقي متيقن ان النهر يبقي انهار ويبقي فيه رزق كتير وزراعه كتير


تيقن بقي ان كل دا لواحد مذنب زيي وزيك

بس استغفر ربه فتاب عليه وفتح عليه


يلا بينا نستغفر كلنا

ولا انت شاكك في كلام ربك؟؟؟


قول ورايا

قال رسول الله صلي الله عليه وسلم " سيد الاستغفار أن يقول : اللهم أنت ربي لا إله إلا أنت خلقتني و أنا عبدك وأنا على عهدك ووعدك ما استطعت ، أعوذ بك من شر ما صنعت ، أبوء لك بنعمتك على و أبوء لك بذنبي فاغفر لي فإنه لا يغفر الذنوب إلا أنت " قال ومن قالها من النهار موقناً بها فمات من يومه قبل أن يُمسِ فهو من أهل الجنة ، ومن قالها من الليل وهو موقن بها فمات قبل أن يصبح فهو من أهل الجنة " رواه البخاري .

Friday, March 14, 2008

ذلك فضل الله علينا

ذلك فضل الله علينا
الحمد لله
عدت علي خير
الحمد لله