بحث مخصص

بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا
الاقصى

Tuesday, April 08, 2008

نجح الاضراب
فشل الاضراب
نجح
لا
فشل


هو نجح كاضراب
بس فشل كاضراب
برضه

شعب خواف ابن ستين ( استغفر الله العظيم
بس طلع فيه رجاله زي الورد
اي والله
وطلع برضه في ناس زباله طحن

علي سبيل المثال
حتكلم عن بلدي
حبيبه عيني
اسكندريه
الاضراب حقق 100% من نجاحه مع طلبه المدارس
اما في الجامعه فجامعه الاسكندريه بها اكثر من 150000 طالب لم يحضر منهم الا 1000 فقط
الترام الصفراء والزرقاء فكانت خاليه من الركاب الا مارحم ربي
الاتوبيس العام والخاص فاضي خالص
الشوارع خاليه من الماره
شارع ابوقير السير فيه ممتاز جدا
شارع محرم بيك فاضي تماما
محطه مصر خاويه علي عروشها
المنشيه بتهوي
وي كأننا في رمضان ساعه الافطار

هذا مارئيته بام عيني

المهم
المحله ولعت وزعلت عليها جدا جدا وعلي اللي حصل فيها
عشان كده مش تمام
ومش من الاضراب السلمي
لكن الحكومه بتستعبط يا فوزيه

والامن سايئ فيها اوي
دا عدد الامن المركزي يوم 6 ابريل
كان اكبر من عدد المواطنين في الشوارع
جابوهم منين دول

المهم في نظري الاضراب نجح نجاح رهيب
الانه غير منظم

وهذا طبعا امر يقلق الحكومه ويظهر قوه الشعب المدفونه

وحنشوف ايه اللي حيحصل يوم
4 مايو
اضراب تاني

يا اضراباتك يا مصر

4 مايو
happy birth day
سيدي الرئيس

4 مايو
تحيه اجلال وتقدير
لكل من فاضت روحه الي ربها في الاضراب الماضي
تحيه اجلال وتقدير
لكل من شارك في الاضراب
تحيه اجلال وتقدير
لكل من اعتقل في الاضراب
تحيه اجلال وتقدير
لكل رجال مصر وسيداتها الصامدون ضد الاحتلال المصري

واخرا وليس اخيرا اقول

يسقط الاستقلال
احنا عايزين استقلال حقيقي

...............................................
تنويه واجب
انا اضربت 6 ابريل
كاي مواطن مصري مضرب
غير تابع لاي تيار او اي اتجاه
هو حرام اني اكون مواطن مصري

5 comments:

مزجانجى said...

بصفتك كبير المطحونين

احب اقولك بصفتى مطحون محلاوى

ان الاضراب نجح جدا

يكفى ان الحكومة كان محضرة لية وحشدت اكبر كم من قوات الامن من يوم ما اقتل السادات

دة يمكن كانت الحكومة تستعين بقوات من اليونيفل عشان تقدر تسيطر ع الاضراب

ست البيت said...

تغطية جميلة يا مواطن
بس انت ليه متحاول كده على الحكومة يا أخي الحكومة رخصت السلع بس الشعب الملاوع مش عاوز يشتري وعاوزها ترخص تاني ... يعملوا ايه يعني يخلوا الزيت بكام ب 6جنيه ؟
اهي دي بقه اسمها فراغت عين
وبعدين مش لازم يأكلوا الرز بالسمنة ولا الزيت يكلوه مسلوق زي اليابان عشان صحتهم برضه
شوفت ازاي الحكومة حنينه
اقرأ بوست يسعد صباحك يا حكومة على د.منوسي

shaimaa samir said...

انا بجد مبسوطة من يوم 6 ابريل
اناحسة ان المرة الجاية هيكون اقوى
النااس خلاص
فعلاا مستعديين يعملوا
ويفوقوا

شكرا ليك
وانتظر 4/5
بشغف

اوعى تفكر said...

يوم 6 ابريل اثبت ان الشعب المصرى اتغير بقى ايجابى اكتر
كده النظام قرب من نهايته ان شاء الله

احمد الجيزاوى said...

اجمل حاجه فعلا فى اضراب ابريل انه كان من الشعب وتلقائى وبعيد عن السياسه
وننتظر فى اضراب مايو الاكثر من الشعب العملاق الشعب المصرى
وتحياتى لك
يا جميل
احمد الجيزاوى